က︀ေႃရ︀ိꩫ︀်တ︀ု ႑ 6:9 - Khamti Shan

⁹ က︀ူꩫ︀်းဢ︀ꩫ︀်ႈမ︀ဝ်တ︀ြႃးꩫ︀ႆ︀ႇၵ︀ဝ် ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။ ꩬ︀ူမ︀ႆ︀ႛပ︀ီꩭႂ်ႛၸ︀ၢမ︀်း။ က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ူႛꩡ︀ႆ︀ၢးꩫ︀ႆ︀ၢႈၸ︀ူႛꩡ︀ႆ︀ၢး ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်း ꩭီတ︀်မ︀ေထုင︀်က︀ꩫ︀်ႈ၊

က︀ေႃရ︀ိꩫ︀်တ︀ု ႑ 6:9 ပူးပေါင်းရင်းမြစ်များ

မ︀တ︀်တ︀ႄး 19:29

ꩡ︀ႃႇလ︀ိူင︀်ႈ က︀ူဝ်ႇဢ︀ꩫ︀်ႈလ︀ႆ︀ၢးပ︀ိူဝ်ႈထွမ︀်ၵ︀ၢမ︀်းက︀ဝ်ႈꩬ︀ီ ပ︀ူဝ်မ︀ေ၊ ပ︀ီႈꩫ︀ွင︀်ႇ၊ လ︀ုက︀်ႉလ︀ၢင︀်းꩫ︀ႆ︀ႇၵ︀ဝ်၊ ꩭိူꩫ︀်း၊ ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ွတ︀်ꩫ︀ႆ︀ႇယ︀ႃႇ ဢ︀က︀ိဝ်းပ︀ၢက︀်ꩡ︀ူးꩫ︀ႆ︀ႛပ︀ွက︀်ႉꩬ︀ေႇမ︀ဝ်က︀ႃးဢ︀ꩬ︀ၢက︀်ႉထႃဝရ︀တ︀မ︀ိူင︀်းꩫ︀ႆ︀ႛဢ︀ူ။

မ︀တ︀်တ︀ႄး 25:34

ယ︀ဝ်ႇက︀ီး က︀ဝ်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းယ︀ႃႇ က︀ူꩫ︀်းပ︀ႃႛၵ︀ႃꩫ︀ႆ︀ႇၵ︀ဝ်မ︀ႆ︀ႛ “ꩬ︀ူဢ︀ꩫ︀်ႈပ︀ူဝ်က︀ဝ်ႈ ပ︀ူင︀်ႈဢ︀က︀ိဝ်းꩫ︀ႆ︀ႇၵ︀ဝ်မ︀ႃးတ︀ႃႉ။ မ︀ိူင︀်းဢ︀ꩫ︀်ႈꩡ︀ႃႇꩭၢင︀်းꩬ︀ူ လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛꩭႅမ︀်းဝႆ︀ႇမ︀ႆ︀ႛ မ︀ႃးဢ︀ူတ︀ႃႉ။

လ︀ုက︀ႃ 21:8

ꩡ︀ဝ်ႛယ︀ေꩬ︀ုယ︀ႃႇ “ꩭႂ်ႛပ︀ူဝ်းꩬ︀ူမ︀ႆ︀ႛ ပ︀ိူꩫ︀်ႈၸ︀ၢမ︀်းမ︀ဝ်ꩫ︀ႆ︀ႛꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ က︀ူꩫ︀်းဢ︀ꩫ︀်ႈ “က︀ဝ်ႈယ︀ႃႇꩡ︀ဝ်ႛၵ︀ရ︀ီတ︀်ꩫ︀မ︀်” ꩫ︀ꩬ︀ီဝႃႈꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်တ︀ီဢ︀ွက︀်မ︀ႃးꩫ︀မ︀်။ ၵ︀ဝ်ယ︀ႃႇ “ယ︀ၢမ︀်းဢ︀မ︀ႂ်း ထိုင︀်မ︀ႃးယ︀ဝ်ႇ” ꩫ︀ꩬ︀ီဝႃႈꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီၸ︀ၢမ︀်းက︀ꩫ︀်ႈꩫ︀မ︀်။ ၵ︀ဝ်မ︀ႆ︀ႛပ︀ီယ︀ုမ︀်။

ထဝ်ꩡ︀တ︀်ႉၵ︀ဝ် 20:32

င︀ႆ︀ႚ ꩬ︀ူꩡ︀ဝ်ႛမ︀ႆ︀ႛ မ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း၊ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛမ︀ႆ︀ႛတ︀မ︀ိူင︀်း က︀ဝ်ႈဢ︀ၢပ︀်ႉꩭႂ်ႛဢ︀ူ။ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛဢ︀ဝ်ႈၵ︀ိူင︀်ꩭႂ်ႛꩬ︀ီ ဢ︀က︀ိဝ်းဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇၵ︀ဝ် ꩬ︀ူꩡ︀ဝ်ႛမ︀ႆ︀ႛတ︀ီပ︀ူင︀်ႈꩭႂ်ႛꩫ︀မ︀်။

ထဝ်ꩡ︀တ︀်ႉၵ︀ဝ် 24:25

ꩫ︀ႆ︀ႇꩫ︀က︀ေႃႇ ပ︀ေႃလ︀ုယ︀ႃႇ လ︀ွင︀်ႈꩬ︀ိုဝ်ႈတ︀ူဝ်၊ လ︀ွင︀်ႈက︀ꩫ︀်ႛက︀ႃမ︀က︀ုင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀ႆ︀ႇၵ︀ဝ်ꩭူဝ်းက︀ီး ꩡ︀ဝ်ႛက︀ႅမ︀်ႈဝွင︀်ႇꩫ︀ႆ︀ႇက︀ူဝ်ႈꩬ︀ီ “တ︀ေႃႉ င︀ႆ︀ႚမ︀ႂ်းက︀ႃꩫ︀ႆ︀ႛယ︀ဝ်ႇ၊ က︀ꩫ︀်ႛလ︀င︀်မ︀ႆ︀ႛ မ︀ိူဝ်ႈတ︀ၢင︀်းတ︀ူဝ်ꩫ︀ႆ︀ႇပ︀ၢꩫ︀်ႈလ︀ိူင︀်ႈꩭွင︀်ႇပ︀ွက︀်ႉက︀ွတ︀်” ꩫ︀ဝꩫ︀်ႇ။

ရ︀ေႃမ︀ 1:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ွပ︀်ႉပ︀ိူဝ်ႈက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛမ︀ဝ်က︀ူဝ်ႈယ︀မ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ိုဝ်ႈꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ၢပ︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈတ︀ေႃးꩬ︀ႃးꩫ︀ꩫ︀ႆ︀ႇ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ပ︀ုတ︀်ၵ︀ႆ︀ႈဝႆ︀ႇဢ︀ူ။

က︀ေႃရ︀ိꩫ︀်တ︀ု ႑ 15:33

ꩬ︀ူပ︀ီမ︀ိူက︀်ႉ။ “တ︀င︀်းက︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်လ︀ွေႛက︀ꩫ︀်ႈက︀ီး တ︀ၢင︀်းက︀ႅင︀်းꩬ︀ူဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် ၸ︀ေႛက︀ႃဢ︀ူ” ꩫ︀ꩬ︀ီဝႃႈꩫ︀ႆ︀ႇꩫ︀က︀ꩫ︀်ႈ ꩬ︀ူ ꩭꩫ︀်ꩬ︀ိုဝ်ႈꩰꩬ︀ီ ꩭီတ︀်ဢ︀ပ︀ႅတ︀်ႉၸ︀ႃႛက︀ꩫ︀်ႈတ︀ႃႉ။ ꩫ︀ႂ်းꩬ︀ူမ︀ႆ︀ႛ မ︀ၢင︀်ႈၸ︀ွင︀်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈပ︀ႆ︀တ︀ွင︀်းတ︀ေႇတ︀ေႇ။ ꩬ︀ူမ︀ႆ︀ႛၵ︀ႆ︀ႇလ︀ိူင︀်ႈဝႃႈက︀ီး ဢ︀ႆ︀ၢႈက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 15:50

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ တ︀ူဝ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းယ︀ႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢပ︀်ႉဢ︀မ︀ွေꩵ︀ႈꩫ︀ႆ︀ႛ။ တ︀ူဝ်ႈဢ︀ꩫ︀်ႈတ︀ႆ︀ၢႈꩡ︀ၢင︀်ႈယ︀ႃႇ ဢ︀ꩫ︀်ႈထႃဝရ︀မ︀ꩫ︀်ႛတ︀ိူင︀်ႈမ︀ႆ︀ႛ ꩭၢပ︀်ႉဢ︀မ︀ွေꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႑ 3:16

ꩬ︀ူယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈꩫ︀မ︀်ꩫ︀ꩫ︀ႆ︀ႇလ︀ိူင︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ိင︀်းဢ︀ူꩫ︀ꩫ︀ႆ︀ႇလ︀ိူင︀်ႈ ꩬ︀ူတ︀ွင︀်းမ︀ဝ်ꩡ︀ႂ်ႈ။

က︀ေႃရ︀ိꩫ︀်တ︀ု ႑ 5:1

ꩡ︀ႃႇလ︀ိူင︀်ႈ ꩬ︀ူယ︀ႃႇ မ︀ေထုင︀်ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈ ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀ၢႆ︀ႈက︀ေႃႇ မ︀ဝ်ꩭီတ︀်ꩫ︀ႆ︀ႇတ︀မ︀ိူင︀်းက︀ေႃႇ ꩬ︀ူꩭီတ︀်ဢ︀ူꩫ︀ꩬ︀ီ ꩭူင︀်က︀ꩫ︀်ႈꩫ︀ႆ︀ႇꩫ︀က︀ꩫ︀်ႈ ꩫ︀ႂ်းꩬ︀ူမ︀ႆ︀ႛ ၸ︀ူႛꩡ︀ႆ︀ၢးက︀ူဝ်ႇလ︀ိူင︀်ႈယ︀ႃႇ တ︀င︀်းမ︀ေဢ︀ွꩫ︀်မ︀ꩫ︀်းၸ︀ူႛꩡ︀ဝ်ႛတ︀မ︀ိူင︀်း ꩭူမ︀်ႈꩫ︀ွꩫ︀်းဢ︀ူꩫ︀ꩫ︀ႆ︀ႇ က︀ဝ်ႈꩫ︀ႆ︀ႛꩥ︀ိꩫ︀်းတ︀ေႇတ︀ေႇဢ︀ူ။

က︀ေႃရ︀ိꩫ︀်တ︀ု ႑ 5:10

ဢ︀မ︀ႂ်းယ︀ႃႇ က︀ူꩫ︀်းမ︀ိူင︀်းက︀ၢင︀်ႈ ဢ︀ꩫ︀်ႈၸ︀ိတ︀်က︀ႃမ︀၊ ဢ︀ꩫ︀်ႈလ︀ေႃးၸ︀ႃး၊ ၸ︀ူႛလ︀ၢက︀်ႉင︀ႆ︀း ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛင︀ိူင︀်ႇꩵ︀ႈꩡ︀ႂ်ႈ။ ၵ︀ဝ်မ︀ႆ︀ႛပ︀ူဝ်းင︀ိူင︀်ႇက︀ီး ꩬ︀ူလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ ဝႃႈဢ︀ွက︀်က︀ႃလ︀ေႚလ︀ေႚꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 5:11

ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈꩭီတ︀်ၵ︀ရ︀ီတ︀်ယ︀ၢꩫ︀်ꩬ︀ီ ၸ︀ိတ︀်က︀ႃႛမ︀၊ လ︀ေႃးၸ︀ႃးꩭႅင︀်း၊ ပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ပ︀ိူꩫ︀်ႈမ︀ႆ︀ႛဢ︀ဝ်ႈꩡ︀ိုဝ်ႈၸ︀ေႛ၊ မ︀ဝ်းလ︀ဝ်ႛ၊ ပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭႂ်ႛင︀ိူင︀်ႇꩫ︀ႆ︀ႇ။ တ︀င︀်းၵ︀ဝ်ယ︀ႃႇ မ︀ိူဝ်ႈက︀ိꩫ︀်ႈꩫ︀ႆ︀ၢႈက︀ေႃႇ ပ︀ီꩭူမ︀်ႈက︀ိꩫ︀်။

က︀ေႃရ︀ိꩫ︀်တ︀ု ႑ 6:10

က︀ူꩫ︀်းဢ︀ꩫ︀်ႈလ︀ၢက︀်ႉၵ︀ွင︀်ပ︀ိူꩫ︀်ႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်၊ ဢ︀ꩫ︀်ႈက︀ိꩫ︀်ႈလ︀ဝ်ႛ၊ ဢ︀ꩫ︀်ႈက︀ေးလ︀ေးပ︀ိူꩫ︀်ႈꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႑ 6:18

ဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ႆ︀ႇ င︀ိူင︀်ႇတ︀ႃႉ။ ဢ︀ပ︀ႅတ︀်ႉတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ တ︀ူဝ်ႈမ︀ႆ︀ႛꩵ︀ႈၸ︀ိတ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ꩫ︀ႆ︀ႇယ︀ႃႇ ဢ︀ꩫ︀်ႈၸ︀ိတ︀်တ︀ူဝ်ႈၸ︀ူႛꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 6:19

တ︀ူဝ်ႈꩬ︀ူယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ႃး။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛꩭႂ်ႛꩬ︀ီ ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛ ၵ︀ိင︀်းဢ︀ူꩫ︀ႆ︀ႇꩬ︀ႃး။ င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩵ︀ႈပ︀ႅင︀်။ ၸ︀ြႃးပ︀ီꩫ︀်ႈꩡ︀ဝ်ႛꩬ︀ႃး ꩬ︀ူမ︀ႆ︀ႛပ︀ႅင︀်ꩫ︀ႆ︀ႇ။ ꩬ︀ူမ︀ဝ်တ︀ွင︀်းက︀ျႃး။

က︀ေႃရ︀ိꩫ︀်တ︀ု ႑ 9:24

ပ︀ွႆ︀းလ︀ႅꩫ︀်ႈၵ︀ီင︀်က︀ꩫ︀်ႈမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀်လ︀ႅꩫ︀်ႈꩫ︀က︀ေႃႇ က︀ူဝ်ႇလ︀ိူင︀်ႈꩫ︀ႆ︀ၢႈꩫ︀မ︀်ꩬ︀ူးꩫ︀ႆ︀ႛꩫ︀ႆ︀ႇꩫ︀ꩫ︀ႆ︀ႇ ꩬ︀ူတ︀ွင︀်းမ︀ဝ်ꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩬ︀ူးꩫ︀ႆ︀ႛꩫ︀ႆ︀ႇ လ︀ႅꩫ︀်ႈက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 12:21

င︀ႆ︀းꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛꩬ︀ူမ︀ႆ︀ႛ က︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛဢ︀ဝ်ႈဢ︀ႆ︀ၢႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀မ︀် လ︀ုက︀်ႉဢ︀ပ︀ႅတ︀်ႉဢ︀ꩫ︀်ႈၸ︀ိတ︀်မ︀ေထုင︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈက︀ႃႛမ︀က︀ုင︀်ꩫ︀ၵ︀ႃ ꩡ︀ႂ်ႈက︀ိလ︀ေꩬ︀ႃꩭႅင︀်းꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ က︀ဝ်ႈတ︀ီꩫ︀ႆ︀ႛၵ︀ီၵ︀ုမ︀်ꩫ︀မ︀်။

က︀လ︀ႃတ︀ိ 6:7

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းၸ︀ႅတ︀်ႉꩵ︀ႈꩫ︀ႆ︀ႛ။ ၵ︀ꩫ︀်တ︀ႂ်းၸ︀ႅတ︀်ႉꩫ︀ႆ︀ႛꩫ︀မ︀်ꩫ︀က︀ီး က︀ူဝ်ႇဢ︀မ︀ႂ်းယ︀ႃႇ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ၸ︀ူႛꩡ︀ဝ်ႛၸ︀ၢမ︀်းꩫ︀မ︀်။ ဢ︀ꩫ︀်ႈꩫ︀င︀်ꩬ︀ူပ︀ုက︀်ꩫ︀ႆ︀ႇ ꩬ︀ူတ︀ီꩫ︀ႆ︀ႛဢ︀ဝ်ႈꩫ︀မ︀်။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

ꩭေပ︀ရ︀ူး 12:14

တ︀င︀်းပ︀ိူꩫ︀်ႈက︀ူႈက︀ူဝ်ႇ ꩬ︀ေႈꩡ︀ႃႉꩬ︀ီ ဢ︀ဝ်ႈထုက︀်က︀ꩫ︀်ႈတ︀ႃႉ။ ꩡ︀ူဝ်ႈတ︀ႃႈဢ︀ꩬ︀ၢက︀်ႉ ꩬ︀ေႈꩡ︀ႃႉꩬ︀ီ ဢ︀ဝ်ႈမ︀ူတ︀်ꩡ︀ၢင︀်က︀ꩫ︀်ႈတ︀ႃႉ။ မ︀ဝ်မ︀ူတ︀်ꩡ︀ၢင︀်က︀ီး ၸ︀ႂ်က︀ေႃႇ ꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛꩭꩫ︀်။

ꩭေပ︀ရ︀ူး 12:16

ꩬ︀ူၸ︀ႂ်က︀ေႃႇ ꩫ︀င︀်ဢ︀ေꩬ︀ေႃꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ꩫ︀ၢပ︀်ႉမ︀ဝ်ၵ︀ၢꩫ︀်းပ︀ီꩭီတ︀်။ မ︀ꩫ︀်းယ︀ႃႇ ꩭႂ်ႛပ︀ူဝ်းဢ︀ꩫ︀်ႈက︀ိꩫ︀်ႈမ︀ႃးလ︀ိူင︀်ႈꩫ︀ႆ︀ႛက︀ိꩫ︀်ႈꩫ︀ႆ︀ႇ ဢ︀ယ︀ႃလ︀ုက︀်ႉꩭူဝ်လ︀ႃႈမ︀ꩫ︀်း ၵ︀ႆ︀ၢက︀ိꩫ︀်ႈꩬ︀ီ ꩭီတ︀်မ︀ေထုင︀် ဢ︀ꩫ︀်ႈမ︀ဝ်တ︀ြႃးꩫ︀က︀ꩫ︀်ႈ ၸ︀ိတ︀်မ︀ႃးယ︀ဝ်ႇ။

ꩭေပ︀ရ︀ူး 13:4

လ︀ွင︀်ႈတ︀င︀်ႛꩭိူꩫ︀်းတ︀ေယ︀ေးမ︀ႆ︀ႛ က︀ူႈက︀ူဝ်ႇဝႆ︀ႇၵ︀ꩫ︀်ꩫ︀ၢပ︀်ႉယ︀မ︀်ႈ က︀ꩫ︀်ႈတ︀ႃႉ။ ပ︀ူဝ်ႈꩭိူꩫ︀်းမ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ိတ︀်မ︀ေထုင︀် ဢ︀ꩫ︀်မ︀ဝ်တ︀ြႃးꩫ︀ၵ︀ႃ ဢ︀ꩫ︀်ႈၸ︀ိတ︀်ၸ︀ူဝ်ပ︀ိူꩫ︀်ႈမ︀ေးပ︀ိူꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ယ︀ႃက︀ု 1:16

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူပ︀ီꩭႂ်ႛꩫ︀ႆ︀ႛၸ︀ၢမ︀်း။

ယ︀ေႃးꩭၢꩫ︀် ႑ 3:7

လ︀ုက︀်ႉꩭၢက︀်ႉၵ︀ဝ်ꩴ︀း ꩬ︀ူမ︀ႆ︀ႛၸ︀ႂ်က︀ေႃႇ ပ︀ီꩭႂ်ႛၸ︀ၢမ︀်း။ က︀ူဝ်ႇဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭီတ︀်ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ိုဝ်ႈတ︀ူဝ်ꩫ︀က︀ꩫ︀်ႈ ꩬ︀ိုဝ်ႈတ︀ူဝ်ꩫ︀မ︀်။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 22:15

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈꩡ︀ႂ်ႈက︀ူꩫ︀်းမ︀ဝ်ယ︀င︀်းꩫ︀ႆ︀ႇၵ︀ဝ်၊ ဢ︀ꩫ︀်ႈꩡ︀ွႆ︀းပ︀ိူꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩫ︀ႆ︀ႇၵ︀ဝ်၊ ၸ︀ူႛပ︀ႆ︀ၢႛꩭုꩫ︀်ꩭၢင︀်ႈꩫ︀ႆ︀ႇၵ︀ဝ်၊ ၸ︀ူႛၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇက︀ꩫ︀်ႛꩫ︀ႂ်းဝီင︀်းမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။