က︀ေႃရ︀ိꩫ︀်တ︀ု ႑ 6:2 - Khamti Shan

² ꩭဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩬ︀ိုင︀် မ︀ိူင︀်းက︀ၢင︀်ႈမ︀ႆ︀ႛ တ︀ီပ︀ႅတ︀်ႉတ︀ြႃးက︀ေႃႇ မ︀ဝ်တ︀ွင︀်းက︀ျႃး။ မ︀ိူင︀်းက︀ၢင︀်ႈမ︀ႆ︀ႛတ︀မ︀ိူင︀်းက︀ေႃႇ ꩭဝ်းတ︀ီပ︀ႅတ︀်ႉတ︀ြႃးက︀ီး ဢ︀မ︀ူးဢ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩫ︀ႂ်းꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ႃး ဝႃႈပ︀ႅတ︀်ႉတ︀ြႃးꩫ︀ႆ︀ႇ။

က︀ေႃရ︀ိꩫ︀်တ︀ု ႑ 6:2 ပူးပေါင်းရင်းမြစ်များ

မ︀တ︀်တ︀ႄး 19:28

ꩡ︀ဝ်ႛယ︀ေꩬ︀ုယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ မ︀ိူဝ်ႈတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈဢ︀ꩫ︀်ႈမ︀ႂ်ꩫ︀ႆ︀ႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ပ︀လ︀ၢင︀်မ︀ႆ︀ႛတ︀ီꩫ︀င︀်ႈꩫ︀မ︀်။ မ︀ိူဝ်ႈဢ︀မ︀ႂ်း ꩬ︀ူၸ︀ူႛပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇၵ︀ဝ်က︀ေႃႇ ပ︀လ︀ၢင︀်ꩬ︀ိပ︀်ꩬ︀ွင︀်ဢ︀ꩫ︀်ႈမ︀ႆ︀ႛꩫ︀င︀်ႈꩬ︀ီ ဢ︀ီတ︀်ꩬ︀ြေးꩬ︀ိပ︀်ꩬ︀ွင︀်ၸ︀ꩫ︀်းမ︀ႆ︀ႛ တ︀ီဢ︀ုပ︀်ႉပ︀ိုင︀်ꩫ︀မ︀်။

လ︀ုက︀ႃ 22:30

ꩬ︀ူမ︀ိူင︀်းက︀ဝ်ႈမ︀ႆ︀ႛ ၸ︀ိူꩫ︀်က︀ဝ်ႈမ︀ႆ︀ႛꩫ︀င︀်ႈက︀ိꩫ︀်ႈꩬ︀ီ ၸ︀ꩫ︀်းဢ︀ီတ︀်ꩬ︀ြေးꩬ︀ိပ︀်ꩬ︀ွင︀်ၸ︀ꩫ︀်းမ︀ႆ︀ႛ တ︀ီꩫ︀ႆ︀ႛဢ︀ုပ︀်ႉပ︀ိုင︀်ꩫ︀မ︀်။

ရ︀ေႃမ︀ 6:16

ꩬ︀ူထွမ︀်ၵ︀ၢမ︀်းၸ︀ႂ်ꩫ︀က︀ေႃႇ ပ︀ီꩫ︀်ႈၵ︀ႃႛက︀ူဝ်ႇဢ︀မ︀ႂ်းꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈဢ︀ူ။ ꩬ︀ူꩭီတ︀်ၵ︀ႃႛဢ︀ပ︀ႅတ︀်ႉက︀ီး တ︀ီꩫ︀ႆ︀ႛတ︀ႆ︀ၢႈꩫ︀မ︀်။ ꩭီတ︀်ၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ူ။

က︀ေႃရ︀ိꩫ︀်တ︀ု ႑ 1:20

င︀ႆ︀းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ပ︀ႆ︀ၵ︀ွတ︀်က︀ီး ၸ︀ူႛꩭူႇတ︀ွင︀်းꩫ︀ႆ︀ႇၵ︀ဝ်၊ ၸ︀ူႛꩡ︀ၢင︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛ ꩭီတ︀်ၸ︀ူႛဢ︀မ︀်ꩬ︀ီထီင︀်ꩭႆ︀ၢႇꩫ︀ႆ︀ႇၵ︀ဝ် ဢ︀ꩬ︀ုင︀်းက︀ꩬ︀င︀်ꩫ︀ႆ︀တ︀ီယ︀င︀်းꩫ︀ႆ︀ႇ။ ꩥ︀ႅꩫ︀်မ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉတ︀ၢင︀်းမ︀ိူက︀်ႉၵ︀ွတ︀်တ︀ေႇတ︀ေႇယ︀ဝ်ႇ။

က︀ေႃရ︀ိꩫ︀်တ︀ု ႑ 1:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩥ︀ႅꩫ︀်ၵ︀ဝ်ၸ︀ူႛꩡ︀ဝ်ႛတ︀ွင︀်းမ︀ဝ်ꩫ︀ႆ︀ႛꩫ︀ႆ︀ႇ ဢ︀ဝ်ႈꩥ︀ႅꩫ︀်ၵ︀မ︀်းမ︀ꩫ︀်းꩡ︀ဝ်ႛꩭီတ︀်ဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်း ဢ︀ꩫ︀်ႈပ︀ိူꩫ︀်ႈ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀ꩫ︀ႆ︀ႇꩬ︀ိုင︀် ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈၵ︀ေꩬ︀ေꩫ︀မ︀်။

က︀ေႃရ︀ိꩫ︀်တ︀ု ႑ 6:4

ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈဝႃႈပ︀ႅတ︀်ႉတ︀ြႃးယ︀င︀်းမ︀ႃးက︀ီး က︀ူꩫ︀်းဢ︀ꩫ︀်ႈက︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ် မ︀ဝ်ꩫ︀ၢပ︀်ႉယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ႃꩭႂ်ႛꩭီတ︀်ꩡ︀ဝ်ႛတ︀ြႃးꩬ︀ူꩫ︀ႆ︀ႇ ꩵ︀ႈထုက︀်ꩭီတ︀်ပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႒ 4:18

င︀ႆ︀းꩫ︀ႆ︀ႇꩬ︀ီ ꩭဝ်းယ︀ႃႇ ဢ︀ꩫ︀်ႈꩭဝ်းꩭꩫ︀်ꩫ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩫ︀ူႈꩬ︀ီ ဢ︀ꩫ︀်ႈꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ꩡ︀ိက︀်ꩫ︀ူႈဢ︀ူꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩭꩫ︀်ꩫ︀ႆ︀ႛꩫ︀ႆ︀ႇၵ︀ဝ်ယ︀ႃႇ က︀ိုမ︀်ႇလ︀ိူင︀်ႈꩫ︀ႆ︀ၢႈယ︀င︀်းꩬ︀ီ ဢ︀ꩫ︀်ႈꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇၵ︀ဝ်ယ︀ႃႇ ထႃဝရ︀တ︀ီမ︀ꩫ︀်ႛတ︀ိူင︀်ႈက︀ႃꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:13

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူမ︀ႆ︀ႛꩡ︀ဝ်ႛယ︀ေꩬ︀ု ꩭႂ်ႛဢ︀ဝ်ႈၵ︀ိူင︀်က︀ိုမ︀်းꩭႂ်ႛက︀ႃတ︀ႃႉ။ င︀ႆ︀းꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛ တ︀င︀်းၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ် က︀ျွႃးမ︀ႃးꩫ︀ႆ︀ႇ ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းမ︀ႆ︀ႛ ꩬ︀ူꩭႂ်ႛပ︀ီꩫ︀်ႈၸ︀ူႛမ︀ူတ︀်ꩡ︀ၢင︀် ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းက︀ႃတ︀ႃႉ။

ၿျႃၻိက︀်ႉ 20:4

ယ︀ဝ်ႇက︀ီး ပ︀လ︀ၢင︀်ꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈပ︀လ︀ၢင︀်ဢ︀မ︀ႂ်းမ︀ႆ︀ႛ ꩫ︀င︀်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩭꩫ︀်ဢ︀ူ။ ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈပ︀ႅတ︀်ႉတ︀ြႃးꩫ︀ႆ︀ႛဝႆ︀ႇဢ︀ူ။ င︀ႆ︀းꩬ︀ီ ၵ︀ွꩫ︀်က︀ူꩫ︀်းဢ︀ꩫ︀်ႈꩭီတ︀်ꩬ︀ၢက︀်ႉꩬ︀ေꩡ︀ဝ်ႛယ︀ေꩬ︀ုင︀ႆ︀း တ︀ႅဝ်ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ပ︀ိူꩫ︀်ႈတ︀ႅပ︀်ၵ︀ူဝ်းတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်ႈꩭꩫ︀်ဢ︀ူ။ ၵ︀ဝ်ယ︀ႃႇ က︀ူဝ်ႇဢ︀ꩫ︀်ႈတ︀ူဝ်ႈꩭႆ︀ၢႇꩫ︀ၵ︀ႃ ꩭုꩫ︀်ꩭၢင︀်ႈမ︀ꩫ︀်းမ︀ႆ︀ႛက︀ေႃႇမ︀ဝ်ပ︀ႆ︀ၢႛ၊ ꩫ︀ႃႛၸ︀က︀်မ︀ႆ︀ႛပ︀တ︀ု၊ မ︀ိုဝ်းမ︀ႆ︀ႛပ︀တ︀ု ꩡ︀ုမ︀်ႛတ︀ူဝ်ႈꩭႆ︀ၢႇက︀ေႃႇ မ︀ဝ်ꩭၢပ︀်ႉဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ဢ︀ꩬ︀ၢက︀်ႉꩫ︀ိပ︀်ပ︀ွက︀်ႉꩬ︀ီ ꩭီင︀်ပ︀ီႈတ︀ၢင︀်ႈꩰ တ︀င︀်းꩡ︀ဝ်ႛၵ︀ရ︀ီတ︀် တ︀ီꩭူမ︀်ႈဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 3:21

က︀ဝ်ႈပ︀ေႇဢ︀ွင︀်ꩬ︀ီ တ︀င︀်းပ︀ူဝ်က︀ဝ်ႈ ပ︀လ︀ၢင︀်မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩫ︀င︀်ႈꩫ︀က︀ꩫ︀်ႈ က︀ူဝ်ႇဢ︀ꩫ︀်ႈ ဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ပ︀ေႇဢ︀ွင︀်ꩫ︀ႆ︀ႇၵ︀ဝ်က︀ေႃႇ ပ︀လ︀ၢင︀်က︀ဝ်ႈမ︀ႆ︀ႛ တ︀င︀်းက︀ဝ်ႈတ︀ီꩭႂ်ႛꩭူမ︀်ႈꩫ︀င︀်ႈꩫ︀မ︀်။