က︀ေႃရ︀ိꩫ︀်တ︀ု ႑ 6:1 - Khamti Shan

¹ မ︀ိူဝ်ႈꩬ︀ူၸ︀ူႛယ︀ုမ︀်ယ︀မ︀်ႈၸ︀ူႛꩡ︀ဝ်ႛꩫ︀ႆ︀ၢႈ တ︀ၢꩫ︀်ႛတ︀ြႃးက︀ꩫ︀်ႈꩫ︀ႆ︀ႇ က︀ူꩫ︀်းဢ︀ꩫ︀်ႈꩫ︀ႂ်းꩬ︀ူၸ︀ူႛꩡ︀ဝ်ႛမ︀ႆ︀ႛ မ︀ဝ်ꩭႂ်ႛပ︀ႅတ︀်ႉတ︀ြႃးꩬ︀ီ ꩭီတ︀်က︀ꩬ︀င︀်ꩫ︀ႆ︀ ꩬ︀ူပ︀ၢင︀်ႈတ︀ြႃးဢ︀ꩫ︀်ႈၸ︀ူႛယ︀ုမ︀်ယ︀မ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩭီတ︀်ꩭူဝ်မ︀ႆ︀ႛ က︀ႃꩭႂ်ႛပ︀ႅတ︀်ႉတ︀ြႃးꩫ︀ႆ︀ႇ။

က︀ေႃရ︀ိꩫ︀်တ︀ု ႑ 6:1 ပူးပေါင်းရင်းမြစ်များ

မ︀တ︀်တ︀ႄး 5:45

င︀ႆ︀းက︀ီး ꩬ︀ူပ︀ီꩫ︀်ႈလ︀ုက︀်ႉပ︀ူဝ်ꩡ︀ဝ်ႛက︀ၢင︀်ႈꩭၢဝ်ꩬ︀ူဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ꩡ︀ဝ်ႛက︀ၢင︀်ႈꩭၢဝ်ယ︀ႃႇ က︀ူꩫ︀်းꩬ︀ိုဝ်ႈတ︀ူဝ် က︀ူꩫ︀်းꩭႆ︀ၢႇမ︀ဝ်ဝႃႈ တ︀င︀်းမ︀ိူင︀်းမ︀ႆ︀ႛ ၸ︀ူꩫ︀်ဢ︀ဝ်ႈတ︀ူက︀်ꩭႂ်ႛ၊ ၸ︀ႃႇဢ︀ဝ်ႈꩫ︀ႅတ︀်ꩭႂ်ႛꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 19:38

င︀ႆ︀းꩫ︀ႆ︀ႇꩬ︀ီ တ︀ေမ︀ေတ︀ရ︀ိင︀ႆ︀း ၸ︀ူႛꩡ︀ႂ်ႇမ︀ꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ႂ်မ︀ႆ︀ႛၵ︀ႂ်ႈထိုင︀်တ︀ြႃးꩫ︀က︀ေႃႇ ယ︀ုင︀်းတ︀ြႃးမ︀ႆ︀ႛထိုင︀်တ︀ြႃးꩫ︀ႆ︀ႛဢ︀ူ။ ဝꩫ︀်းၵ︀ိုꩫ︀်ႛယ︀ုင︀်းတ︀ြႃးတ︀မ︀ိူင︀်း ꩡ︀ဝ်ႛဝွင︀်ႇꩫ︀ႆ︀ႇၵ︀ဝ်တ︀မ︀ိူင︀်းယ︀င︀်းဢ︀ူ။

က︀ေႃရ︀ိꩫ︀်တ︀ု ႑ 1:2

ပ︀ီႈꩫ︀ွင︀်ႇꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛ ဝီင︀်းက︀ေႃရ︀ိꩫ︀်တ︀ုၵ︀ဝ်ꩴ︀း ꩬ︀ူꩡ︀ဝ်ႛယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ူတ︀်ꩡ︀ၢင︀်ယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛၵ︀ဝ်ယ︀ႃႇ ꩬ︀ူင︀ႆ︀း က︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ၢႆ︀ႛဝႆ︀ႈꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ꩭွင︀်ႇဝႆ︀ႇꩫ︀ႆ︀ႇ ꩭၢင︀်းမ︀ူတ︀်ꩡ︀ၢင︀်ꩫ︀မ︀်။

က︀ေႃရ︀ိꩫ︀်တ︀ု ႑ 14:33

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ၸ︀ိင︀်ႛမ︀ဝ်ယ︀င︀်း ပ︀ႅင︀်ႈမ︀ဝ်ယ︀င︀်းမ︀ဝ်ပ︀ီꩫ︀်ႈꩬ︀ီ ၵ︀ႂ်ႈꩭႂ်ႛထုက︀်က︀ꩫ︀်ႈ ꩫ︀ီႈꩫ︀ီႈꩫ︀ၢမ︀်းꩰက︀ꩫ︀်ႈꩫ︀မ︀်။ ꩡ︀ႃၵ︀ၢပ︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩫ︀င︀်က︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛꩭီတ︀်ꩫ︀က︀ꩫ︀်ႈ ꩭီတ︀်ဢ︀ူꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 16:1

ꩡ︀ႃႇလ︀ိူင︀်ႈ လ︀ွင︀်ႈက︀ီပ︀်ၵ︀ွင︀်လ︀ူꩡ︀ႃႇꩡ︀ွႆ︀ႈ က︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်ဝႃႈက︀ွတ︀်။ ဢ︀မ︀ႂ်းယ︀ႃႇ ꩫ︀င︀်က︀ဝ်ႈꩡ︀ိူဝ်းဝီင︀်းက︀လ︀ႃတ︀ိမ︀ႆ︀ႛ ဝႃႈမ︀ႃးꩫ︀က︀ꩫ︀်ႈ ꩬ︀ူက︀ေႃႇꩭီတ︀်တ︀ႃႉ။

က︀ေႃရ︀ိꩫ︀်တ︀ု ႑ 16:15

ꩡ︀ုမ︀်ႛꩭိူꩫ︀်းꩬ︀တ︀ေၸ︀ꩫ︀်ၵ︀ဝ်မ︀ႆ︀ႛ ꩬ︀ူတ︀ွင︀်းမ︀ဝ်ꩡ︀ႂ်ႈ။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉတ︀ိူင︀်းဢ︀ႃၵ︀ႃယ︀မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚယ︀ုမ︀်ယ︀မ︀်ႈမ︀ႃးꩫ︀မ︀်။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩡ︀ွႆ︀ႈလ︀ူင︀်ꩡ︀ွႆ︀ႈလ︀ၢင︀်မ︀ႃးယ︀ဝ်ႇ။ ၵ︀ႅꩫ︀်းꩫ︀က︀ွတ︀်။ ၵ︀ၢမ︀်းၵ︀ဝ်မ︀ႆ︀ႛတ︀မ︀ိူင︀်း၊ ၵ︀ၢမ︀်းက︀ူꩫ︀်းဢ︀ꩫ︀်ႈတ︀င︀်းၵ︀ဝ် ꩭူမ︀်ႈꩭီတ︀်ဢ︀မ︀ူးꩬ︀ေႈꩡ︀ႃႉꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထွမ︀်ꩡ︀ွမ︀်းက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 5:12

ဢ︀ꩫ︀်ႈက︀ူꩫ︀်းက︀ꩫ︀်ႛꩫ︀ွက︀်ႉꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ဝႃႈပ︀ႅတ︀်ႉတ︀ြႃးꩫ︀ႆ︀ႇယ︀ႃႇ ꩫ︀ႃႛတ︀ီႈက︀ဝ်ႈꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ က︀ူꩫ︀်းꩫ︀ႂ်းꩡ︀ိူဝ်းꩡ︀ဝ်ႛမ︀ႆ︀ႛယ︀ႃႇ ꩬ︀ူၸ︀ူႛꩡ︀ဝ်ႛꩫ︀မ︀်ထုက︀်ပ︀ႅတ︀်ႉတ︀ြႃးꩫ︀ႆ︀ႇ။

က︀ေႃရ︀ိꩫ︀်တ︀ု ႑ 6:5

ꩬ︀ူꩭီတ︀်င︀ႆ︀းꩫ︀ႆ︀ႇ ၵ︀ိူင︀်ႈꩫ︀ီႈဢ︀ႆ︀ၢႈလ︀ူင︀်ꩫ︀မ︀်။ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈပ︀ိင︀်ꩥ︀ႃယ︀င︀်းꩬ︀ီ ဢ︀မ︀ူးꩬ︀ူမ︀ႆ︀ႛ ပ︀ႅတ︀်ႉတ︀ြႃးꩭႂ်ႛပ︀ီꩫ︀်ႈꩫ︀ႆ︀ႇ က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ မ︀ဝ်ယ︀င︀်းက︀ႃက︀ျႃး။