က︀ေႃရ︀ိꩫ︀်တ︀ု ႑ 5:13 - Khamti Shan

¹³ က︀ူꩫ︀်းက︀ꩫ︀်ႛꩫ︀ွက︀်ႉꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀မ︀်။ ꩬ︀ူယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ “က︀ူꩫ︀်းꩫ︀ႂ်းꩡ︀ိူဝ်းꩡ︀ဝ်ႛဢ︀ꩫ︀်ႈ မ︀ဝ်ꩫ︀ီႈၸ︀ꩫ︀်းဢ︀မ︀ႂ်းၵ︀ဝ်မ︀ႆ︀ႛ လ︀ုက︀်ႉꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈၵ︀ွတ︀်တ︀ႃႉ။”

က︀ေႃရ︀ိꩫ︀်တ︀ု ႑ 5:13 ပူးပေါင်းရင်းမြစ်များ

မ︀တ︀်တ︀ႄး 18:17

ꩬ︀င︀်ဝႃႈမ︀ꩫ︀်းမ︀ဝ်ꩬ︀ၢင︀်ဝွေက︀ီး လ︀ွင︀်ႈဢ︀ꩫ︀်ႈမ︀ꩫ︀်းၸ︀ိတ︀်မ︀ႃးꩫ︀ႆ︀ႇ ꩡ︀ိူဝ်းမ︀ႆ︀ႛၵ︀ႆ︀ႈꩭႂ်ႛတ︀ႃႉ။ င︀ႆ︀းꩬ︀ီက︀ေႃႇ မ︀ꩫ︀်းမ︀ဝ်ꩬ︀ၢင︀်ဝွေက︀ီး မ︀ꩫ︀်းမ︀ႆ︀ႛꩫ︀င︀်က︀ူꩫ︀်းက︀ꩫ︀်ႛꩫ︀ွက︀်ႉꩡ︀ိူဝ်းꩫ︀က︀ꩫ︀်ႈ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩫ︀င︀်ၸ︀ူႛမ︀ၢပ︀်ႉလ︀ုပ︀်ႉꩫ︀က︀ꩫ︀်ႈမ︀တ︀်ႉၵ︀ွတ︀်တ︀ႃႉ။

ထဝ်ꩡ︀တ︀်ႉၵ︀ဝ် 17:31

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းဢ︀ꩫ︀်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇ ꩬ︀ိုဝ်ႈꩰꩫ︀ꩫ︀်ႈꩰတ︀ီꩡ︀ႅပ︀်ႉတ︀ြႃးꩫ︀ႆ︀ႇ ꩡ︀ွင︀်ဝႆ︀ႇယ︀ဝ်ႇꩰꩬ︀ီꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈတ︀ီပ︀ီꩫ︀်ႈမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩡ︀ဝ်ႛဢ︀မ︀ႂ်းမ︀ႆ︀ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩬ︀ီ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ” ꩫ︀ဝꩫ︀်ႇ။

ရ︀ေႃမ︀ 2:16

င︀ႆ︀းꩫ︀ႆ︀ႇꩬ︀ီ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ႅတ︀်ႉတ︀ြႃးꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈꩫ︀ႂ်းꩡ︀ႂ်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ တ︀ီပ︀ႅတ︀်ႉတ︀ြႃးꩫ︀မ︀်။

က︀ေႃရ︀ိꩫ︀်တ︀ု ႑ 5:1

ꩡ︀ႃႇလ︀ိူင︀်ႈ ꩬ︀ူယ︀ႃႇ မ︀ေထုင︀်ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈ ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀ၢႆ︀ႈက︀ေႃႇ မ︀ဝ်ꩭီတ︀်ꩫ︀ႆ︀ႇတ︀မ︀ိူင︀်းက︀ေႃႇ ꩬ︀ူꩭီတ︀်ဢ︀ူꩫ︀ꩬ︀ီ ꩭူင︀်က︀ꩫ︀်ႈꩫ︀ႆ︀ႇꩫ︀က︀ꩫ︀်ႈ ꩫ︀ႂ်းꩬ︀ူမ︀ႆ︀ႛ ၸ︀ူႛꩡ︀ႆ︀ၢးက︀ူဝ်ႇလ︀ိူင︀်ႈယ︀ႃႇ တ︀င︀်းမ︀ေဢ︀ွꩫ︀်မ︀ꩫ︀်းၸ︀ူႛꩡ︀ဝ်ႛတ︀မ︀ိူင︀်း ꩭူမ︀်ႈꩫ︀ွꩫ︀်းဢ︀ူꩫ︀ꩫ︀ႆ︀ႇ က︀ဝ်ႈꩫ︀ႆ︀ႛꩥ︀ိꩫ︀်းတ︀ေႇတ︀ေႇဢ︀ူ။

က︀ေႃရ︀ိꩫ︀်တ︀ု ႑ 5:2

င︀ႆ︀းꩬ︀ီက︀ေႃႇ ꩬ︀ူꩭလ︀ိုဝ်ꩬ︀ီ မ︀ႃꩫ︀ယ︀ႂ်က︀ꩫ︀်ႈꩫ︀ႆ︀။ ဢ︀ꩫ︀်ႈတ︀ေႇတ︀ေႇက︀ီး ꩬ︀ူယ︀ႃႇ ၵ︀ီၵ︀ီၵ︀ုမ︀်ꩰꩬ︀ီ က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉၸ︀ꩫ︀်းဢ︀မ︀ႂ်းမ︀ႆ︀ႛက︀ေႃႇ လ︀ုက︀်ႉꩫ︀ႂ်းꩬ︀ူမ︀ႆ︀ႛ ထုက︀်ꩭူဝ်ႛဢ︀ွက︀်ၵ︀ွတ︀်ꩫ︀မ︀်။

က︀ေႃရ︀ိꩫ︀်တ︀ု ႑ 5:5

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀မ︀ႂ်းမ︀ႆ︀ႛꩫ︀ႂ်းမ︀ိုဝ်းၵ︀ုꩫ︀်ꩬ︀ူင︀်မ︀ႆ︀ႛ ဢ︀ၢပ︀်ႉၵ︀ွတ︀်တ︀ႃႉ။ င︀ႆ︀းက︀ီး ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ပ︀ႅတ︀်ႉတ︀ြႃးꩫ︀ႆ︀ႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉမ︀ꩫ︀်းလ︀ူႇꩬ︀ုမ︀်းက︀ႃꩫ︀က︀ေႃႇ ၵ︀ွꩫ︀်မ︀ꩫ︀်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 5:7

ꩭႂ်ႛပ︀ူဝ်းꩬ︀ူမ︀ူတ︀်ꩡ︀ၢင︀်မ︀ႃးꩫ︀ီႈꩫ︀ီႈꩫ︀ႆ︀ႇ ဢ︀ပ︀ႅတ︀်ႉꩬ︀ူဢ︀ꩫ︀်ႈမ︀ိူꩫ︀်ꩫ︀င︀်ယ︀ႃႛꩫ︀ၢင︀်းၵ︀ၢဝ်က︀ဝ်ꩫ︀က︀ꩫ︀်ႈဢ︀မ︀ႂ်း ၵ︀ွတ︀်တ︀ႃႉ။ င︀ႆ︀းက︀ီးꩬ︀ူ ꩫ︀င︀်ၵ︀ဝ်ႛမ︀ိူဝ်ႈလ︀ွတ︀်ႉꩰဢ︀ꩫ︀်ႈယ︀ႃႛꩫ︀ၢင︀်းၵ︀ၢဝ်မ︀ဝ်လ︀ွေႛꩫ︀က︀ꩫ︀်ႈ ပ︀ီꩫ︀်ႈမ︀ႃးဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ꩭဝ်းယ︀ႃႇ ꩭီတ︀်ပ︀ူႇ ꩡ︀ႃႇပ︀ွႆ︀းပ︀ူꩫ︀်ႇလ︀ွတ︀်ႉꩭဝ်းꩬ︀ီ ၵ︀ၢမ︀်တ︀ႆ︀ၢႈꩭႂ်ႛယ︀ဝ်ႇꩰ။

ꩭေပ︀ရ︀ူး 13:4

လ︀ွင︀်ႈတ︀င︀်ႛꩭိူꩫ︀်းတ︀ေယ︀ေးမ︀ႆ︀ႛ က︀ူႈက︀ူဝ်ႇဝႆ︀ႇၵ︀ꩫ︀်ꩫ︀ၢပ︀်ႉယ︀မ︀်ႈ က︀ꩫ︀်ႈတ︀ႃႉ။ ပ︀ူဝ်ႈꩭိူꩫ︀်းမ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ိတ︀်မ︀ေထုင︀် ဢ︀ꩫ︀်မ︀ဝ်တ︀ြႃးꩫ︀ၵ︀ႃ ဢ︀ꩫ︀်ႈၸ︀ိတ︀်ၸ︀ူဝ်ပ︀ိူꩫ︀်ႈမ︀ေးပ︀ိူꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ပ︀ေတ︀ရ︀ု ႒ 2:9

င︀ႆ︀းꩫ︀ႆ︀ႇꩬ︀ီ လ︀ႅမ︀်းတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ ဢ︀ꩫ︀်ႈမ︀ဝ်က︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ူဝ်ထိုင︀်ဝꩫ︀်းပ︀ႅတ︀်ႉတ︀ြႃးပ︀ႆ︀ၢႈꩭၢင︀်လ︀ေႚလ︀ေႚ တ︀ီပ︀ူင︀်ႈတ︀ၢမ︀်က︀ႃꩫ︀မ︀်။