က︀ေႃရ︀ိꩫ︀်တ︀ု ႑ 5:1 - Khamti Shan

¹ ꩡ︀ႃႇလ︀ိူင︀်ႈ ꩬ︀ူယ︀ႃႇ မ︀ေထုင︀်ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈ ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀ၢႆ︀ႈက︀ေႃႇ မ︀ဝ်ꩭီတ︀်ꩫ︀ႆ︀ႇတ︀မ︀ိူင︀်းက︀ေႃႇ ꩬ︀ူꩭီတ︀်ဢ︀ူꩫ︀ꩬ︀ီ ꩭူင︀်က︀ꩫ︀်ႈꩫ︀ႆ︀ႇꩫ︀က︀ꩫ︀်ႈ ꩫ︀ႂ်းꩬ︀ူမ︀ႆ︀ႛ ၸ︀ူႛꩡ︀ႆ︀ၢးက︀ူဝ်ႇလ︀ိူင︀်ႈယ︀ႃႇ တ︀င︀်းမ︀ေဢ︀ွꩫ︀်မ︀ꩫ︀်းၸ︀ူႛꩡ︀ဝ်ႛတ︀မ︀ိူင︀်း ꩭူမ︀်ႈꩫ︀ွꩫ︀်းဢ︀ူꩫ︀ꩫ︀ႆ︀ႇ က︀ဝ်ႈꩫ︀ႆ︀ႛꩥ︀ိꩫ︀်းတ︀ေႇတ︀ေႇဢ︀ူ။

က︀ေႃရ︀ိꩫ︀်တ︀ု ႑ 5:1 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 15:20

ꩫ︀ႆ︀ႇꩫ︀က︀ေႃႇ ဢ︀ꩫ︀်ႈက︀ိꩫ︀်ႈဢ︀ꩫ︀်ႈꩭုꩫ︀်ꩭၢင︀်ႈမ︀ႆ︀ႛ ပ︀ုက︀်ႉꩡ︀ူဝ်ဝႆ︀ႇꩫ︀ႆ︀ႇၵ︀ဝ်၊ ꩫ︀ိူဝ်ႇဢ︀ꩫ︀်ႈမ︀ိပ︀်ၵ︀ူဝ်းꩫ︀ႆ︀ႇၵ︀ဝ်၊ ꩫ︀ိူတ︀်ႉꩫ︀ႆ︀ႇၵ︀ဝ်မ︀ႆ︀ႛက︀ိꩫ︀်ႈꩫ︀ႆ︀ႇင︀ႆ︀း ဢ︀ꩫ︀်ႈၸ︀ိတ︀်က︀ႃမ︀ꩫ︀ႆ︀ႇၵ︀ဝ်မ︀ႆ︀ႛ ထုက︀်ꩫ︀ီႈင︀ိူင︀်ႇဢ︀ူ ꩫ︀ꩫ︀ႆ︀ႇၵ︀ဝ်မ︀ႆ︀ႛ လ︀ိက︀်ႉတ︀ႅမ︀်ႛ ꩭႂ်ႛက︀ီးꩫ︀ီႈဢ︀ူ။

ထဝ်ꩡ︀တ︀်ႉၵ︀ဝ် 15:29

ဢ︀ꩫ︀်ႈက︀ိꩫ︀်ႈဢ︀ꩫ︀်ႈꩭုꩫ︀်ꩭၢင︀်ႈမ︀ႆ︀ႛ ပ︀ုက︀်ႉꩡ︀ူဝ်ဝႆ︀ႇꩫ︀ႆ︀ႇၵ︀ဝ်၊ ꩫ︀ိူဝ်ႇဢ︀ꩫ︀်ႈမ︀ိပ︀်ၵ︀ူဝ်းꩫ︀ႆ︀ႇၵ︀ဝ်၊ ꩫ︀ိူတ︀်ႉꩫ︀ႆ︀ႇၵ︀ဝ်မ︀ႆ︀ႛက︀ိꩫ︀်ႈꩫ︀ႆ︀ႇင︀ႆ︀း ဢ︀ꩫ︀်ႈၸ︀ိတ︀်က︀ႃမ︀ꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇတ︀ႃႉ။ ꩫ︀ႆ︀ႇၵ︀ဝ်ꩡ︀ွမ︀်းက︀ီး ပ︀ူဝ်းယ︀ဝ်ႇ။ ꩬ︀ူꩡ︀ဝ်ႛတ︀င︀်းမ︀ိူင︀်း ꩭႂ်ႛဢ︀ူꩫ︀ီႈက︀ိꩫ︀်ႈဝၢꩫ︀်ၵ︀ႅမ︀်းꩬ︀ႃက︀ꩫ︀်ႈက︀ႃတ︀ႃႉ” ꩫ︀ꩬ︀ီတ︀ႅမ︀်ႛဝႆ︀ႇဢ︀ူ။

က︀ေႃရ︀ိꩫ︀်တ︀ု ႑ 1:11

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူၵ︀ၢမ︀်းꩫ︀မ︀်က︀ꩫ︀်ႈဢ︀ူꩫ︀ꩫ︀ႆ︀ႇ လ︀ုက︀်ႉက︀ူꩫ︀်းꩭိူꩫ︀်းက︀လ︀ေႃဢ︀ိၵ︀ဝ်မ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။

က︀ေႃရ︀ိꩫ︀်တ︀ု ႑ 5:11

ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈꩭီတ︀်ၵ︀ရ︀ီတ︀်ယ︀ၢꩫ︀်ꩬ︀ီ ၸ︀ိတ︀်က︀ႃႛမ︀၊ လ︀ေႃးၸ︀ႃးꩭႅင︀်း၊ ပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ပ︀ိူꩫ︀်ႈမ︀ႆ︀ႛဢ︀ဝ်ႈꩡ︀ိုဝ်ႈၸ︀ေႛ၊ မ︀ဝ်းလ︀ဝ်ႛ၊ ပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭႂ်ႛင︀ိူင︀်ႇꩫ︀ႆ︀ႇ။ တ︀င︀်းၵ︀ဝ်ယ︀ႃႇ မ︀ိူဝ်ႈက︀ိꩫ︀်ႈꩫ︀ႆ︀ၢႈက︀ေႃႇ ပ︀ီꩭူမ︀်ႈက︀ိꩫ︀်။

က︀ေႃရ︀ိꩫ︀်တ︀ု ႑ 6:13

ꩬ︀င︀်ဝႃႈ ဢ︀ꩫ︀်ႈက︀ိꩫ︀်ႈယ︀ႃႇ ꩡ︀ႃႇတ︀ွင︀်ႇꩫ︀မ︀်။ တ︀ွင︀်ႇက︀ေႃႇ ꩡ︀ႃႇဢ︀ꩫ︀်ႈက︀ိꩫ︀်ႈꩫ︀မ︀် ꩫ︀က︀တ︀ႃႉ။ ꩫ︀ႆ︀ႇꩫ︀က︀ေႃႇ ဢ︀မ︀ႂ်းꩫ︀ၵ︀ႃတ︀င︀်းꩬ︀ွင︀်ဢ︀ꩫ︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီယ︀ႃႇၵ︀ွတ︀်ꩫ︀မ︀်။ တ︀ူဝ်ႈꩭဝ်းꩫ︀ႆ︀ႇ ꩡ︀ႃႇၸ︀ိတ︀်က︀ႃႛမ︀ꩭင︀်ႛꩵ︀ႈꩡ︀ႂ်ႈ။ ꩡ︀ႃႇꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ူဝ်ႈꩭဝ်းမ︀ႆ︀ႛမ︀ိုင︀်ႇꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 6:18

ဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ႆ︀ႇ င︀ိူင︀်ႇတ︀ႃႉ။ ဢ︀ပ︀ႅတ︀်ႉတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ တ︀ူဝ်ႈမ︀ႆ︀ႛꩵ︀ႈၸ︀ိတ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ꩫ︀ႆ︀ႇယ︀ႃႇ ဢ︀ꩫ︀်ႈၸ︀ိတ︀်တ︀ူဝ်ႈၸ︀ူႛꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 6:9

က︀ူꩫ︀်းဢ︀ꩫ︀်ႈမ︀ဝ်တ︀ြႃးꩫ︀ႆ︀ႇၵ︀ဝ် ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။ ꩬ︀ူမ︀ႆ︀ႛပ︀ီꩭႂ်ႛၸ︀ၢမ︀်း။ က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ူႛꩡ︀ႆ︀ၢးꩫ︀ႆ︀ၢႈၸ︀ူႛꩡ︀ႆ︀ၢး ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်း ꩭီတ︀်မ︀ေထုင︀်က︀ꩫ︀်ႈ၊

က︀ေႃရ︀ိꩫ︀်တ︀ု ႒ 12:21

င︀ႆ︀းꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛꩬ︀ူမ︀ႆ︀ႛ က︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛဢ︀ဝ်ႈဢ︀ႆ︀ၢႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀မ︀် လ︀ုက︀်ႉဢ︀ပ︀ႅတ︀်ႉဢ︀ꩫ︀်ႈၸ︀ိတ︀်မ︀ေထုင︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈက︀ႃႛမ︀က︀ုင︀်ꩫ︀ၵ︀ႃ ꩡ︀ႂ်ႈက︀ိလ︀ေꩬ︀ႃꩭႅင︀်းꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ က︀ဝ်ႈတ︀ီꩫ︀ႆ︀ႛၵ︀ီၵ︀ုမ︀်ꩫ︀မ︀်။

က︀ေႃရ︀ိꩫ︀်တ︀ု ႒ 2:5

လ︀ိက︀်ႉဢ︀မ︀ႂ်းမ︀ႆ︀ႛ က︀ူဝ်ႇဢ︀ꩫ︀်ႈꩭဝ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩡ︀ီပ︀်ꩬ︀ႅပ︀်ꩫ︀ႆ︀ႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းဢ︀ဝ်ႈꩡ︀ီပ︀်ꩬ︀ႅပ︀်ꩫ︀မ︀်ꩫ︀ꩬ︀ီက︀ဝ်ႈဝႃႈမ︀ႃးဢ︀ူ။ က︀ဝ်ႈဝႃႈင︀ႆ︀းꩫ︀ႆ︀ႇယ︀ႃႇ ꩬ︀ူမ︀ႆ︀ႛၵ︀ၢꩫ︀်ႇꩭတ︀်က︀ႅမ︀်းꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 7:12

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈလ︀ိက︀်ႉꩫ︀ႆ︀ႇတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈ က︀ူဝ်ႇဢ︀ꩫ︀်ႈၸ︀ိတ︀်ꩫ︀ၵ︀ႃ က︀ူဝ်ႇဢ︀ꩫ︀်ႈꩫ︀ႆ︀ႛၵ︀ၢမ︀်ꩬ︀ီတ︀ႅမ︀်ႛꩵ︀ႈꩡ︀ႂ်ႈ။ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ူႈမ︀ႆ︀ႛ ၵ︀ႂ်ႈလ︀ႂ်ႈꩡ︀ေတ︀ꩫ︀ႃꩭႅင︀်းꩫ︀ꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းꩡ︀ုꩫ︀်ႈꩰꩫ︀ႆ︀ႇꩫ︀မ︀်။

က︀လ︀ႃတ︀ိ 5:19

တ︀ၢင︀်းက︀ႅင︀်းက︀ူꩫ︀်းဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ွမ︀်းတ︀ိက︀်ꩰꩫ︀ႆ︀ႇၵ︀ဝ်ယ︀ႃႇ ꩭဝ်းတ︀ွင︀်းꩬ︀ႃႚꩬ︀ႃႚꩫ︀မ︀်။ ၵ︀ဝ်ယ︀ႃႇ ၸ︀ိတ︀်က︀ႃႛမ︀၊ ၸ︀ိတ︀်ၸ︀ူဝ်ၸ︀ိတ︀်မ︀ေးပ︀ိူꩫ︀်ႈ၊ လ︀ွင︀်ႈက︀ႃႛမ︀မ︀ႆ︀ႛၸ︀ိင︀်ႛပ︀ႅင︀်ႈမ︀ဝ်ယ︀င︀်း၊

ဢ︀ေၸ︀ႅတ︀် 5:3

ꩬ︀ူယ︀ႃႇပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀ꩫ︀်ႈၸ︀ိတ︀်က︀ႃႛမ︀၊ ဢ︀ꩫ︀်ႈꩭီတ︀်ꩭင︀်ႛꩭီတ︀်ꩭိုက︀်က︀ူႈၸ︀ꩫ︀်းင︀ႆ︀း ꩡ︀ႂ်ႈတ︀ိင︀်ႈက︀ုပ︀်ꩫ︀ႆ︀ႇၵ︀ဝ် ꩵ︀ႈဝႃႈယ︀င︀်းပ︀ိူင︀်ႈလ︀ူင︀်။ ဢ︀ꩫ︀်ႈမ︀ဝ်ꩫ︀ီႈဢ︀မ︀ႂ်းၵ︀ဝ် လ︀ုက︀်ႉꩬ︀ူပ︀်မ︀ႆ︀ႛꩫ︀ႆ︀ၢႈက︀ေႃႇ ပ︀ီဢ︀ွက︀်ပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ꩡ︀ႃႇက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ꩵ︀ႈထုက︀်ပ︀ိူင︀်ႈလ︀ူင︀်။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:7

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇ ꩭၢင︀်းၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩵ︀ႈꩡ︀ႂ်ႈ။ ꩭၢင︀်းဢ︀ူမ︀ူတ︀်ꩰꩡ︀ၢင︀်ꩰꩫ︀မ︀်။

ၿျႃၻိက︀်ႉ 2:21

တ︀ိူက︀်ႉယ︀ၢမ︀်းဢ︀ꩫ︀်ႈမ︀ꩫ︀်း ထုက︀်ꩫ︀ီႈꩬ︀ၢင︀်ဝွေꩫ︀ႆ︀ႇ က︀ဝ်ႈပ︀ႂ်ႇထႃႛမ︀ႃးꩫ︀က︀ေႃႇ မ︀ꩫ︀်းယ︀ႃႇ လ︀ုက︀်ႉဢ︀ꩫ︀်ႈၸ︀ိတ︀်မ︀ေထုင︀်မ︀ႆ︀ႛ ꩵ︀ႈၵ︀ႂ်ႈꩬ︀ၢင︀်ဝွေမ︀ႃး။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။