က︀ေႃရ︀ိꩫ︀်တ︀ု ႑ 4:17 - Khamti Shan

¹⁷ င︀ႆ︀းꩬ︀ီꩫ︀မ︀် တ︀ိမ︀ေႃတ︀ေမ︀ႆ︀ႛ က︀ဝ်ႈꩬ︀ူမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇꩫ︀မ︀်။ မ︀ꩫ︀်းထိုင︀်မ︀ႃးက︀ီး ꩬ︀ူမ︀ႆ︀ႛတ︀ၢင︀်းက︀ႅင︀်း ဢ︀ꩫ︀်ႈက︀ဝ်ႈၸ︀ူႛꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ က︀မ︀်ႈက︀ႅင︀်းꩬ︀ီဢ︀ူင︀ႆ︀း ဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛꩬ︀ီဢ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ူမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 4:17 ပူးပေါင်းရင်းမြစ်များ

မ︀တ︀်တ︀ႄး 24:45

ၸ︀ူႛꩡ︀ႂ်ႇဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ပ︀ိင︀်ꩥ︀ႃယ︀င︀်း ꩫ︀ꩫ︀ႆ︀ႇ ꩫ︀င︀်ꩭိုဝ်ꩫ︀ႆ︀။ က︀ူဝ်ႇဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈꩡ︀ဝ်ႛမ︀ꩫ︀်း ယ︀ုမ︀်ꩬ︀ီꩬ︀ူဝ်းꩭိူꩫ︀်းဢ︀ၢပ︀်ႉဝႆ︀ႇင︀ႆ︀း ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်တ︀ွင︀်ႇမ︀ႆ︀ႛမ︀ႃးက︀ီး ဢ︀ꩫ︀်ႈက︀ိꩫ︀်ႈပ︀ꩫ︀်ႈꩭႂ်ႛꩫ︀ႆ︀ႇꩫ︀မ︀်။

မ︀တ︀်တ︀ႄး 25:21

ꩫ︀ႆ︀ႇမ︀ႆ︀ႛꩡ︀ဝ်ႛမ︀ꩫ︀်းက︀ေႃႇ “ဢ︀ိူဝ်းလ︀ႃႉ၊ မ︀ႂ်းꩬ︀ႅတ︀်ႉꩡ︀ႃယ︀င︀်းလ︀ူင︀်ꩥ︀ႃ။ ꩡ︀ႂ်ႈယ︀ဝ်ႇ၊ မ︀ႂ်းဢ︀ꩫ︀်ႈဢ︀ွꩫ︀်လ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ မ︀ႂ်းမ︀ႆ︀ႛ ဢ︀ၢꩫ︀်တ︀ၢꩫ︀်ဢ︀ၢပ︀်ႉꩭႂ်ႛဢ︀ိက︀်က︀ွတ︀်။ မ︀ႃးလ︀ႃး၊ တ︀င︀်းက︀ဝ်ႈꩡ︀ဝ်ႛမ︀ႃးꩭူမ︀်ႈက︀ိꩫ︀်ႈပ︀ိဝ်လ︀ႃး” ꩫ︀ဢ︀ူ။

မ︀တ︀်တ︀ႄး 25:23

ꩡ︀ဝ်ႛမ︀ꩫ︀်းက︀ေႃႇ “ဢ︀ိူဝ်းလ︀ႃႉ၊ မ︀ႂ်းက︀ေႃႇꩬ︀ႅတ︀်ႉꩡ︀ႃယ︀င︀်းဢ︀ူ။ ꩡ︀ႂ်ႈယ︀ဝ်ႇ။ မ︀ႂ်းဢ︀ꩫ︀်ႈꩡ︀ွꩫ︀်လ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ မ︀ႂ်းမ︀ႆ︀ႛက︀ေႃႇ ဢ︀ၢꩫ︀်တ︀ၢꩫ︀်ဢ︀ၢပ︀်ႉꩭႂ်ႛဢ︀ိက︀်က︀ွတ︀်။ မ︀ႃးလ︀ႃး၊ တ︀င︀်းက︀ဝ်ႈꩡ︀ဝ်ႛမ︀ႃးꩭူမ︀်ႈက︀ိꩫ︀်ႈပ︀ိဝ်လ︀ႃး” ꩫ︀ဢ︀ူ။

ထဝ်ꩡ︀တ︀်ႉၵ︀ဝ် 16:1

ပ︀ေႃလ︀ုယ︀ႃႇ ဝီင︀်းၻေရ︀ပ︀ေင︀ႆ︀း ဝီင︀်းလ︀ုတ︀်တ︀ရ︀မ︀ႆ︀ႛထိုင︀်က︀ႃဢ︀ူ။ ဝီင︀်းလ︀ုတ︀်တ︀ရ︀မ︀ႆ︀ႛ တ︀ိမ︀ေႃတ︀ေꩫ︀ꩫ︀ႆ︀ႇ ၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈယ︀င︀်းဢ︀ူ။ ၸ︀ူႛမ︀ေႈမ︀ꩫ︀်းယ︀ႃႇ ၸ︀ꩫ︀်းက︀ျူး ၸ︀ူႛယ︀ုမ︀်ယ︀မ︀်ႈꩫ︀မ︀်။ ၸ︀ူႛပ︀ူဝ်ႈယ︀ႃႇၸ︀ꩫ︀်းက︀ရ︀ိက︀်ꩫ︀မ︀်။

က︀ေႃရ︀ိꩫ︀်တ︀ု ႑ 11:16

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈထုင︀်းၸ︀ိင︀်ႛꩫ︀ႆ︀ႇမ︀ႆ︀ႛ တ︀ၢင︀်က︀ူဝ်ႇမ︀ဝ်ၵ︀ႂ်ႈꩭၢပ︀်ႉက︀ီး တ︀ူႈမ︀ႆ︀ႛꩫ︀က︀ေႃႇယ︀ႃ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛꩫ︀က︀ေႃႇယ︀ႃ ထုင︀်းၸ︀ိင︀်ႛဝႆ︀ႈၸ︀ြႃး တ︀ၢင︀်ဢ︀ꩫ︀်ႈယ︀ႃႇꩵ︀ႈယ︀င︀်း။

က︀ေႃရ︀ိꩫ︀်တ︀ု ႑ 11:2

ꩬ︀ူက︀ဝ်ႈမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ွက︀်ꩡ︀ႂ်ႈင︀ႆ︀း ထုင︀်းၸ︀ိင︀်ႛဢ︀ꩫ︀်ႈက︀ဝ်ႈꩫ︀ေꩭႂ်ႛꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈယ︀ူဝ်းယ︀ွင︀်ႛဢ︀ူ။

က︀ေႃရ︀ိꩫ︀်တ︀ု ႑ 11:34

ꩬ︀င︀်ဝႃႈꩬ︀ူတ︀ွင︀်ႇမ︀ႆ︀ႛၸ︀ႅဝ်က︀ီးယ︀ႃႇ ꩭိူꩫ︀်းၸ︀ူႛꩡ︀ဝ်ႛမ︀ႆ︀ႛက︀ိꩫ︀်ႈမ︀ႃးက︀ꩫ︀်ႈတ︀ႃႉ။ င︀ႆ︀းက︀ီး မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးမ︀ႆ︀ႛꩫ︀ႆ︀ႛလ︀ွတ︀်ႉဢ︀ူ။ လ︀ွင︀်ႈတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈက︀ဝ်ႈမ︀ႃးꩫ︀ႆ︀ႇꩬ︀င︀် ꩫ︀ေꩭႂ်ႛက︀ွတ︀်။

က︀ေႃရ︀ိꩫ︀်တ︀ု ႑ 14:33

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ၸ︀ိင︀်ႛမ︀ဝ်ယ︀င︀်း ပ︀ႅင︀်ႈမ︀ဝ်ယ︀င︀်းမ︀ဝ်ပ︀ီꩫ︀်ႈꩬ︀ီ ၵ︀ႂ်ႈꩭႂ်ႛထုက︀်က︀ꩫ︀်ႈ ꩫ︀ီႈꩫ︀ီႈꩫ︀ၢမ︀်းꩰက︀ꩫ︀်ႈꩫ︀မ︀်။ ꩡ︀ႃၵ︀ၢပ︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩫ︀င︀်က︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛꩭီတ︀်ꩫ︀က︀ꩫ︀်ႈ ꩭီတ︀်ဢ︀ူꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 16:1

ꩡ︀ႃႇလ︀ိူင︀်ႈ လ︀ွင︀်ႈက︀ီပ︀်ၵ︀ွင︀်လ︀ူꩡ︀ႃႇꩡ︀ွႆ︀ႈ က︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်ဝႃႈက︀ွတ︀်။ ဢ︀မ︀ႂ်းယ︀ႃႇ ꩫ︀င︀်က︀ဝ်ႈꩡ︀ိူဝ်းဝီင︀်းက︀လ︀ႃတ︀ိမ︀ႆ︀ႛ ဝႃႈမ︀ႃးꩫ︀က︀ꩫ︀်ႈ ꩬ︀ူက︀ေႃႇꩭီတ︀်တ︀ႃႉ။

က︀ေႃရ︀ိꩫ︀်တ︀ု ႑ 16:10

ꩬ︀ူမ︀ႆ︀ႛတ︀ိမ︀ေႃတ︀ေထိုင︀်မ︀ႃးက︀ီး မ︀ꩫ︀်းမ︀ႆ︀ႛꩭၢပ︀်ႉꩬ︀ီမ︀ိုင︀်ႇꩫ︀ီႈꩫ︀ီႈက︀ꩫ︀်ႈမ︀ႃးတ︀ႃႉ။ မ︀ꩫ︀်းယ︀ႃႇ က︀ူꩫ︀်းဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 4:14

က︀ဝ်ႈင︀ႆ︀းꩬ︀ီတ︀ႅမ︀်ႛꩫ︀ႆ︀ႇ ꩭႂ်ႛꩬ︀ူဢ︀ႆ︀ၢႈက︀ွတ︀်ꩫ︀ꩬ︀ီꩵ︀ႈꩡ︀ႂ်ႈ။ ꩭႂ်ႛꩬ︀ူပ︀ွင︀်ꩡ︀ႂ်ႈက︀ွတ︀်ꩫ︀ꩬ︀ီ ꩬ︀ူမ︀ႆ︀ႛ ꩫ︀င︀်လ︀ုက︀်ႉꩭၢက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩬ︀တ︀ိꩭႂ်ႛꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 4:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈꩬ︀ူမ︀ႆ︀ႛꩬ︀ွꩫ︀်လ︀ွင︀်ႈꩡ︀ဝ်ႛၵ︀ရ︀ီတ︀်ꩭႂ်ႛ ဢ︀ၢꩫ︀်ꩭီင︀်ယ︀င︀်းꩫ︀က︀ေႃႇ ပ︀ူဝ်ၵ︀ွꩫ︀်ꩬ︀ူယ︀ႃႇ က︀ူဝ်ႇလ︀ိူင︀်ႈꩫ︀ႆ︀ၢႈꩫ︀မ︀်။ က︀ဝ်ႈယ︀ႃႇ ဢ︀ꩫ︀်ႈꩬ︀ူမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈင︀ႆ︀း တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ဝ်ႈလ︀ွမ︀်ႈလ︀မ︀်းက︀ꩫ︀်ႈꩭႂ်ႛင︀ႆ︀းꩬ︀ီ ပ︀ီꩫ︀်ႈပ︀ူဝ်ၵ︀ွꩫ︀်ꩬ︀ူမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 4:2

ၸ︀ူႛမ︀ိုင︀်ႇၵ︀ူဝ်းလ︀ိင︀်းꩫ︀ꩫ︀ႆ︀ႇယ︀ႃႇ ဢ︀မ︀ူးဢ︀ꩫ︀်ႈꩡ︀ဝ်ႛမ︀ꩫ︀်းဢ︀ၢပ︀်ႉꩭႂ်ႛမ︀ႆ︀ႛ ဝႃႈꩬ︀ႅတ︀်ႉꩡ︀ႃယ︀င︀်းꩫ︀မ︀်။

က︀ေႃရ︀ိꩫ︀်တ︀ု ႑ 7:17

ꩫ︀ႆ︀ႇꩫ︀ႆ︀ၢႈက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူက︀ူႈက︀ူဝ်ႇမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းꩡ︀ွင︀်ဝႆ︀ႇ ဢ︀ဝ်ႈပ︀ီꩫ︀်ႈဝႆ︀ႇဢ︀ူ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ ꩬ︀ူꩭလ︀ိုဝ်ဢ︀ူမ︀ႃးꩫ︀က︀ေႃႇ ꩫ︀င︀်ဢ︀မ︀ႂ်းꩫ︀က︀ꩫ︀်ႈ က︀ၢပ︀်ꩬ︀ီဢ︀ူက︀ႃက︀ꩫ︀်ႈတ︀ႃႉ။ ꩫ︀ႆ︀ႇယ︀ႃႇ တ︀ြႃးဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛဢ︀ူꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 7:25

ꩡ︀ႃႇလ︀ိူင︀်ႈ လ︀ွင︀်ႈက︀ူꩫ︀်းလ︀ွတ︀်ႉꩫ︀ႆ︀ႇၵ︀ဝ် ꩬ︀ူတ︀ႅမ︀်ႛမ︀ႃးꩫ︀ႆ︀ႇမ︀ႆ︀ႛ ၵ︀ႂ်ႈတ︀ွပ︀်ꩭႂ်ႛꩫ︀ႆ︀ႇယ︀ႃႇ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩫ︀ေꩭႂ်ႛဝႆ︀ႇ။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛက︀ဝ်ႈမ︀ႆ︀ႛတ︀ၢင︀်းꩭူႇတ︀ွင︀်း ပ︀ူင︀်ႈꩭႂ်ႛမ︀ႃးꩫ︀ႆ︀ႇꩬ︀ီ ꩫ︀င︀်က︀ူဝ်ႇဢ︀ꩫ︀်ႈဢ︀က︀မ︀်ꩫ︀ႆ︀ႛက︀ူဝ်ႇလ︀ိူင︀်ႈꩫ︀က︀ꩫ︀်ႈ ဝႃႈက︀ွတ︀်ꩫ︀က︀ီး

က︀ေႃရ︀ိꩫ︀်တ︀ု ႒ 8:18

က︀ူꩫ︀်းတ︀ူႈက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀ူႈတ︀င︀်းတ︀ိတ︀ုꩭႂ်ႛမ︀ႃးဢ︀ူ။ မ︀ꩫ︀်းယ︀ႃႇ လ︀ွင︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ပ︀ၢင︀်ႈꩫ︀ႃႛꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩡ︀ိုဝ်ႈꩫ︀ႆ︀ႛလ︀ူင︀်ꩫ︀မ︀်။

ဢ︀ေၸ︀ႅတ︀် 6:21

လ︀ွင︀်ႈက︀ဝ်ႈတ︀င︀်းမ︀ိူင︀်း ꩭႂ်ႛပ︀ူဝ်းꩬ︀ူတ︀ွင︀်းꩫ︀ႆ︀ႇ တ︀ုၵ︀ိက︀်တ︀ီမ︀ႃးၵ︀ႆ︀ႈꩭႂ်ႛꩫ︀မ︀်။ မ︀ꩫ︀်းယ︀ႃႇꩫ︀ွင︀်ႇꩭၢက︀်ႉꩭဝ်း ဢ︀ꩫ︀်ႈဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းလ︀ူင︀်က︀ူဝ်ႇလ︀ိူင︀်ႈꩫ︀မ︀်။

ၸ︀ိလ︀ိပ︀်ပ︀ၢႆ︀ 2:19

ၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းꩭႂ်ႛက︀ီး မ︀ဝ်ꩭိုင︀်က︀ꩬ︀င︀် တ︀ိမ︀ေႃတ︀ေမ︀ႆ︀ႛ က︀ဝ်ႈတ︀ီꩫ︀ႆ︀ႛꩭႂ်ႛမ︀ႃးလ︀ႅမ︀်းꩬ︀ူꩫ︀မ︀်ꩫ︀ꩬ︀ီ က︀ဝ်ႈတ︀ႂ်းထႃႛဢ︀ူ။ င︀ႆ︀းက︀ီးမ︀ိူဝ်ႈမ︀ꩫ︀်းပ︀ွက︀်ႉမ︀ႃးꩫ︀ႆ︀ႇ လ︀ွင︀်ႈꩬ︀ူꩫ︀ႆ︀ႛꩥ︀ိꩫ︀်းꩬ︀ီ က︀ဝ်ႈတ︀ီꩫ︀ႆ︀ႛꩡ︀ူမ︀်းꩭုမ︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 2:22

ꩫ︀ႆ︀ႇꩫ︀က︀ေႃႇ တ︀ိမ︀ေႃတ︀ေယ︀ႃႇ က︀ူꩫ︀်းꩫ︀င︀်ꩭိုဝ်ꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။ မ︀ꩫ︀်းယ︀ႃႇ တ︀င︀်းက︀ဝ်ႈ ꩫ︀င︀်ပ︀ူဝ်ႈလ︀ုက︀်ႉꩫ︀က︀ꩫ︀်ႈ ꩭူမ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးယ︀ဝ်ႇ။

က︀ေႃလ︀ေႃတ︀ႄ 1:7

က︀ူဝ်ႇဢ︀ꩫ︀်ႈꩬ︀ူမ︀ႆ︀ႛ လ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈꩭႂ်ႛမ︀ႃးꩫ︀ႆ︀ႇယ︀ႃႇ က︀ူဝ်ႇꩬ︀ေႛꩭၢက︀်ႉတ︀ူႈ ဢ︀ေပ︀ၸ︀ြ ဢ︀ꩫ︀်ႈတ︀င︀်းတ︀ူႈ ꩭူမ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩫ︀မ︀်။ မ︀ꩫ︀်းယ︀ႃႇ တ︀ၢင︀်ႈတ︀ူဝ်ႈတ︀ူႈꩬ︀ီ ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ႅတ︀်ႉꩡ︀ႃဢ︀ဝ်ႈယ︀င︀်းꩰꩭီတ︀်မ︀ႃးယ︀ဝ်ႇ။

က︀ေႃလ︀ေႃတ︀ႄ 4:9

ပ︀ီႈꩫ︀ွင︀်ႇꩭၢက︀်ႉꩭဝ်း ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း က︀ူꩫ︀်းက︀ုမ︀်ႛꩬ︀ူꩡ︀ဝ်ႛ ဢ︀ေႃꩫ︀ေတ︀ိမ︀်က︀ေႃႇ တ︀င︀်းမ︀ꩫ︀်းလ︀ွေႛမ︀ႃးဢ︀ူ။ လ︀ွင︀်ႈဢ︀ꩫ︀်ႈမ︀ႆ︀ႛပ︀ီꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩬ︀ူမ︀ႆ︀ႛꩬ︀ွင︀်ၵ︀ႃတ︀ီၵ︀ႆ︀ႈꩭႂ်ႛꩫ︀မ︀်။

တ︀ိမ︀ေႃတ︀ေ ႑ 1:18

လ︀ုက︀်ႉက︀ဝ်ႈတ︀ိမ︀ေႃတ︀ေꩴ︀း ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃႈက︀ꩫ︀်ႛꩫ︀ႃႛမ︀ႆ︀ႛ ပ︀ရ︀ေႃးၸ︀ႅတ︀်ႉၵ︀ဝ် မ︀ႂ်းမ︀ႆ︀ႛꩡ︀ိုဝ်ꩬ︀ီꩭူဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ꩬ︀ြႃဢ︀ꩫ︀်ႈꩬ︀ွꩫ︀်ၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛꩡ︀တ︀်တ︀ႃႉ၊ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃး ꩬ︀ွꩫ︀်ꩭႂ်ႛထက︀်ꩰတ︀ႃႉ။

တ︀ိမ︀ေႃတ︀ေ ႒ 2:2

တ︀ြႃးဢ︀ꩫ︀်ႈက︀ဝ်ႈ မ︀ႂ်းမ︀ႆ︀ႛ ပ︀ၢင︀်ႈꩫ︀ႃႛက︀ူꩫ︀်းꩬ︀ၢက︀်ႉꩬ︀ေဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ွꩫ︀်ꩭႂ်ႛမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈဢ︀က︀မ︀်ꩫ︀ႆ︀ႛ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛပ︀ွက︀်ႉပ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ၢပ︀်ꩬ︀ီꩬ︀ွꩫ︀်ꩭႂ်ႛတ︀ႃႉ။

တ︀ိမ︀ေႃတ︀ေ ႒ 3:10

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်၊ ဢ︀ꩫ︀်ႈက︀ဝ်ႈꩭီတ︀်၊ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ဝ်ႈꩫ︀တ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ွမ︀်းမ︀ႃးယ︀ဝ်ႇ။ ဢ︀ꩫ︀်ႈက︀ဝ်ႈယ︀ုမ︀်ယ︀မ︀်ႈ၊ ဢ︀ꩫ︀်ႈက︀ဝ်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈက︀ဝ်ႈပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်၊ ဢ︀ꩫ︀်ႈက︀ဝ်ႈက︀ꩫ︀်ႛပ︀ီꩫ︀်ႈ၊ ဢ︀ꩫ︀်ႈက︀ဝ်ႈမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉမ︀ႃး၊ ဢ︀ꩫ︀်ႈက︀ဝ်ႈꩡ︀မ︀်ႈꩡ︀ႂ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ မ︀ႂ်းတ︀ွင︀်းဢ︀ူ။ ဢ︀ꩫ︀်ႈဝီင︀်းဢ︀ꩫ︀်တ︀ိဢ︀ုက︀်၊ ဝီင︀်းဢ︀ိက︀ေႃꩫ︀ိင︀ႆ︀း ဝီင︀်းလ︀ုတ︀်တ︀ရ︀ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈမ︀ႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀ꩫ︀ႆ︀ႇၵ︀ဝ်က︀ေႃႇ မ︀ႂ်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛ လ︀ုက︀်ႉၸ︀ေးꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

တ︀ိတ︀ု 1:5

မ︀ႂ်းမ︀ႆ︀ႛက︀ဝ်ႈင︀ွꩫ︀်ႈက︀ရ︀ေတ︀ေမ︀ႆ︀ႛ ꩭႂ်ႛဢ︀ူꩫ︀ႆ︀ႇ ဢ︀မ︀ူးဢ︀ꩫ︀်ႈဢ︀မ︀ႂ်းမ︀ႆ︀ႛက︀ိူတ︀်ꩫ︀ႆ︀ႇၵ︀ဝ် ꩭႂ်ႛꩭီတ︀်က︀ွတ︀်ꩫ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩫ︀င︀်က︀ဝ်ႈဝႃႈꩫ︀က︀ꩫ︀်ႈ က︀ူႈဝီင︀်းမ︀ႆ︀ႛ ၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ် လ︀ိူက︀်ႉတ︀ၢင︀်ꩭႂ်ႛတ︀ႃႉ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 2:13

တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်မ︀ႆ︀ႛ မ︀ႂ်းꩭလ︀ိုဝ်ဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ꩭလ︀ိုဝ်ꩫ︀က︀ေႃႇ မ︀ႂ်းယ︀ႃႇ က︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းဢ︀ူ။ ဢ︀ꩫ︀်တ︀ိပ︀ ဢ︀ꩫ︀်ႈက︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းꩬ︀ီ ꩭီတ︀်ꩬ︀ၢက︀်ႉꩬ︀ေက︀ဝ်ႈꩫ︀ႆ︀ႇ တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ဢ︀မ︀ႂ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ႆ︀ၢႈမ︀ႃးယ︀ဝ်ႇ။ မ︀ိူဝ်ႈဢ︀မ︀ႂ်းꩫ︀ႆ︀ၢႈက︀ေႃႇ မ︀ႂ်း က︀ဝ်ႈမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰဢ︀ူ။