က︀ေႃရ︀ိꩫ︀်တ︀ု ႑ 3:5 - Khamti Shan5 ꩬ︀ူဝႃႈင︀ႆ︀းက︀ီး ဢ︀ႃပ︀ေႃလ︀ုꩫ︀ꩫ︀ႆ︀ႇၵ︀ꩫ︀်တ︀ႂ်းၸ︀ႂ်ꩫ︀ႆ︀။ ပ︀ေႃလ︀ုꩫ︀ꩫ︀ႆ︀ႇက︀ေႃႇၵ︀ꩫ︀်တ︀ႂ်း ၸ︀ႂ်ꩫ︀ႆ︀။ ꩭၢင︀်းၵ︀ိူဝ်ယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛꩡ︀ွႆ︀ႈဢ︀ဝ်ႈယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀ႃး။ ꩭၢင︀်းၵ︀ိူဝ်ယ︀ႃႇ ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ႂ်ႇꩫ︀ႆ︀ႇ ꩭီတ︀်ꩫ︀ႆ︀ၢႈꩬ︀ႃး။ အခန်းကိုကြည့်ပါ။ |
က︀ေႃရ︀ိꩫ︀်တ︀ု ႑ 3:5
30 ပူးပေါင်းရင်းမြစ်များ
ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းꩡ︀ွင︀်ဝႆ︀ႇဢ︀ူ။ ꩭူဝ်က︀ူဝ်လ︀ေႚလ︀ေႚမ︀ႆ︀ႛယ︀ႃႇ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်၊ ထတ︀်ꩫ︀ႆ︀ႇယ︀ႃႇ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ထတ︀်ꩫ︀ႆ︀ႇယ︀ႃႇ ꩬ︀ြႃꩫ︀ႆ︀ႇၵ︀ဝ်၊ ယ︀ဝ်ႇက︀ီး ၸ︀ူႛပ︀ျႃးတ︀ꩫ︀်းၵ︀ူဝ်းꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈဢ︀ဝ်ႈꩫ︀ီႈယ︀ေႃးက︀ႃပ︀ီꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩡ︀ွႆ︀ႈပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ူႛတ︀ၢꩫ︀်ႛၵ︀ၢမ︀်းလ︀ၢက︀်လ︀ႆ︀ၢးက︀ူႈၸ︀ꩫ︀်းꩰꩫ︀ႆ︀ႇၵ︀ဝ် ꩡ︀ွင︀်ဝႆ︀ႇဢ︀ူ။
က︀ဝ်ႈယ︀ႃႇ ꩬ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛမ︀ႆ︀ႛ တ︀ိုဝ်းꩬ︀ီ ꩫ︀င︀်ၸ︀ူႛပ︀ူက︀်ꩭိူꩫ︀်းဢ︀ꩫ︀်ႈက︀တ︀်ႉၵ︀ႅꩫ︀်ꩫ︀က︀ꩫ︀်ႈ ꩬ︀ူꩫ︀်ႛꩭိူꩫ︀်းꩭီတ︀်ဝႆ︀ႇယ︀ဝ်ႇ။ တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ဢ︀မ︀ႂ်းမ︀ႆ︀ႛက︀ၢပ︀်ꩬ︀ီပ︀ူက︀်ၵ︀ိုꩫ︀်ႛက︀ႃဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈပ︀ူက︀်ၵ︀ိုꩫ︀်ႛက︀ႃꩫ︀ႆ︀ႇ ꩭလ︀ိုဝ်ꩭီတ︀်က︀ႃꩫ︀ꩫ︀ႆ︀ႇယ︀ႃႇ ၸ︀ႂ်ꩰမ︀ꩫ︀်းꩰဝႃႈꩬ︀တ︀ိက︀ꩫ︀်ႈꩫ︀မ︀်။
ၵ︀ဝ်ပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛၵ︀ရ︀ီတ︀်ꩫ︀မ︀်ꩫ︀က︀ီး က︀ဝ်ႈယ︀ႃႇဢ︀ေႈၵ︀ႅꩫ︀်းပ︀ီꩫ︀်ႈဢ︀ူꩫ︀ꩬ︀ီ ꩫ︀င︀်ၸ︀ူႛမ︀ႃႛꩫ︀က︀ꩫ︀်ႈ က︀ဝ်ႈဝႃႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈ ဢ︀မ︀ူးၵ︀ႅꩫ︀်းꩬ︀ေႈꩡ︀ႃႉမ︀ႃးဢ︀ူ။ ဢ︀ေႈၵ︀ႅꩫ︀်းꩫ︀ႆ︀ႛတ︀ူက︀်ထွင︀်မ︀ႃး၊ ဢ︀ေႈၵ︀ႅꩫ︀်းꩫ︀ႆ︀ႛၵ︀ၢမ︀်တ︀ုက︀်ႉၵ︀မ︀ႃး၊ ၸ︀ေးတ︀ၢင︀်းတ︀ႆ︀ၢႈမ︀ႆ︀ႛ ဢ︀ေႈၵ︀ႅꩫ︀်းꩫ︀ႆ︀ႛꩭူပ︀်ႉꩭꩫ︀်မ︀ႃးဢ︀ူ။
ꩬ︀ူယ︀ႃႇ လ︀ိက︀်ႉဢ︀ꩫ︀်ႈꩡ︀ဝ်ႛၵ︀ရ︀ီတ︀် ဢ︀ဝ်ႈဢ︀မ︀ူးတ︀ူႈတ︀ႅမ︀်ႛဝႆ︀ႇꩫ︀မ︀် ꩫ︀ꩫ︀ႆ︀ႇꩡ︀ုꩫ︀်ႈꩬ︀ၢက︀်ꩰꩫ︀မ︀်။ လ︀ိက︀်ႉဢ︀မ︀ႂ်းယ︀ႃႇ ဢ︀ꩫ︀်ႈဢ︀ဝ်ႈမ︀ိုက︀်ႉတ︀ႅမ︀်ႛဝႆ︀ႇမ︀ဝ်ꩡ︀ႂ်ႈꩬ︀ီ ဢ︀ꩫ︀်ႈဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်တ︀ႅမ︀်ႛဝႆ︀ႇ၊ ဢ︀ꩫ︀်ႈၵ︀ႅပ︀်ꩭိꩫ︀်မ︀ႆ︀ႛ တ︀ႅမ︀်ႛဝႆ︀ႇမ︀ဝ်ꩡ︀ႂ်ႈꩬ︀ီ ဢ︀ꩫ︀်ႈꩭူဝ်ꩡ︀ႂ်ႈက︀ူꩫ︀်းမ︀ႆ︀ႛ တ︀ႅမ︀်ႛဝႆ︀ႇꩫ︀မ︀်။
မ︀ꩫ︀်းꩡ︀ဝ်ႛꩫ︀မ︀် တ︀ူႈမ︀ႆ︀ႛတ︀ꩫ︀်းၵ︀ူဝ်းꩭႂ်ႛꩬ︀ီ ꩭႂ်ႛထၢမ︀်းဢ︀မ︀ူး ၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇ။ ၵ︀ၢမ︀်းၵ︀တ︀်ႉꩫ︀ႆ︀ႇယ︀ႃႇ ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩵ︀ႈꩡ︀ႂ်ႈ။ တ︀ြႃးဢ︀ꩫ︀်ႈ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭႂ်ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ ꩭဝ်းမ︀ႆ︀ႛတ︀ၢင︀်းတ︀ႆ︀ၢႈꩭႂ်ႛꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ꩬ︀ၢက︀်ႉꩭႂ်ႛဢ︀ူ။
င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။
ကြော်ငြာတွေ