က︀ေႃရ︀ိꩫ︀်တ︀ု ႑ 3:18 - Khamti Shan

¹⁸ ꩬ︀ူၸ︀ႂ်က︀ေႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီၸ︀ၢမ︀်း။ ꩬ︀ူလ︀ႆ︀ၢးပ︀ိူဝ်ႈꩡ︀ၢင︀်ႈပ︀ိင︀်ꩥ︀ႃမ︀ိူင︀်းက︀ၢင︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛမ︀တ︀်ႉၸ︀ူႛꩭူႇတ︀ွင︀်းက︀ီး ꩭႂ်ႛပ︀ူဝ်းပ︀ီꩫ︀်ႈၸ︀ူႛꩭူႇတ︀ွင︀်းတ︀ေႇတ︀ေႇꩫ︀ႆ︀ႇ ꩫ︀င︀်ပ︀ိင︀်ꩥ︀ႃမ︀ိူင︀်းက︀ၢင︀်ႈမ︀ဝ်ꩡ︀ၢင︀်ႈꩫ︀က︀ꩫ︀်ႈဝႃႈဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 3:18 ပူးပေါင်းရင်းမြစ်များ

မ︀တ︀်တ︀ႄး 13:22

ꩭွေၸ︀ꩫ︀်းဢ︀ꩫ︀်ႈတ︀ူက︀်ပ︀ႃယ︀ုမ︀်းꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး ယ︀ုမ︀်ယ︀မ︀်ႈꩫ︀က︀ေႃႇ က︀ပ︀်ႉꩡ︀ႂ်ႈလ︀ွင︀်ႈလ︀ေႃးက︀ီင︀ႆ︀း ꩭွႆ︀ႛꩡ︀ႂ်ႈင︀ိူꩫ︀်းၵ︀မ︀်းၸ︀ႅဝ်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩡ︀ွမ︀်းမ︀ဝ်ပ︀ီꩫ︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။

မ︀တ︀်တ︀ႄး 18:4

က︀ူဝ်ႇဢ︀ꩫ︀်ႈꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈ က︀ွမ︀်းꩫ︀ွမ︀်းꩫ︀ႆ︀ႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ီပ︀ီꩫ︀်ႈဢ︀ꩫ︀်ႈၵ︀ႅꩫ︀်းယ︀ႂ်ꩫ︀မ︀်။

မ︀ႃက︀ု 10:15

က︀ဝ်ႈတ︀ေႇတ︀ေႇဝႃႈက︀ွတ︀်။ ၸ︀ႂ်ꩫ︀က︀ေႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩭၢပ︀်ႉꩫ︀က︀ꩫ︀်ႈ မ︀ဝ်ꩭၢပ︀်ႉက︀ီး မ︀ိူင︀်းꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ” ꩫ︀ဝꩫ︀်ႇ။

လ︀ုက︀ႃ 18:17

က︀ဝ်ႈဝႃႈက︀ွတ︀်။ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ၵ︀ႃꩫ︀ႆ︀ႇၵ︀ဝ် ꩭၢပ︀်ႉၵ︀ၢမ︀်ꩫ︀က︀ꩫ︀်ႈ ꩬ︀ူမ︀ဝ်ꩭၢပ︀်ႉက︀ီး ꩵ︀ႈꩫ︀ႆ︀ႛၵ︀ဝ်ႛ” ꩫ︀ဝꩫ︀်ႇ။

လ︀ုက︀ႃ 21:8

ꩡ︀ဝ်ႛယ︀ေꩬ︀ုယ︀ႃႇ “ꩭႂ်ႛပ︀ူဝ်းꩬ︀ူမ︀ႆ︀ႛ ပ︀ိူꩫ︀်ႈၸ︀ၢမ︀်းမ︀ဝ်ꩫ︀ႆ︀ႛꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ က︀ူꩫ︀်းဢ︀ꩫ︀်ႈ “က︀ဝ်ႈယ︀ႃႇꩡ︀ဝ်ႛၵ︀ရ︀ီတ︀်ꩫ︀မ︀်” ꩫ︀ꩬ︀ီဝႃႈꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်တ︀ီဢ︀ွက︀်မ︀ႃးꩫ︀မ︀်။ ၵ︀ဝ်ယ︀ႃႇ “ယ︀ၢမ︀်းဢ︀မ︀ႂ်း ထိုင︀်မ︀ႃးယ︀ဝ်ႇ” ꩫ︀ꩬ︀ီဝႃႈꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီၸ︀ၢမ︀်းက︀ꩫ︀်ႈꩫ︀မ︀်။ ၵ︀ဝ်မ︀ႆ︀ႛပ︀ီယ︀ုမ︀်။

ရ︀ေႃမ︀ 11:25

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။

ရ︀ေႃမ︀ 12:16

က︀ူꩫ︀်းက︀ူႈက︀ူဝ်ႇမ︀ႆ︀ႛ လ︀ွေႛၵ︀ိူင︀်ႈꩰတ︀ႃႉ။ ပ︀ီက︀မ︀်ႇလ︀ွင︀်ႛ။ က︀ူꩫ︀်းဢ︀ꩫ︀်ႈꩫ︀ႃႛဢ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ လ︀ွေႛက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩡ︀ၢင︀်ႈလ︀ူင︀်ယ︀ဝ်ႇꩫ︀ꩬ︀ီ ပ︀ီၵ︀ႂ်ႈꩡ︀ႂ်ႈ။

က︀ေႃရ︀ိꩫ︀်တ︀ု ႑ 15:33

ꩬ︀ူပ︀ီမ︀ိူက︀်ႉ။ “တ︀င︀်းက︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်လ︀ွေႛက︀ꩫ︀်ႈက︀ီး တ︀ၢင︀်းက︀ႅင︀်းꩬ︀ူဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် ၸ︀ေႛက︀ႃဢ︀ူ” ꩫ︀ꩬ︀ီဝႃႈꩫ︀ႆ︀ႇꩫ︀က︀ꩫ︀်ႈ ꩬ︀ူ ꩭꩫ︀်ꩬ︀ိုဝ်ႈꩰꩬ︀ီ ꩭီတ︀်ဢ︀ပ︀ႅတ︀်ႉၸ︀ႃႛက︀ꩫ︀်ႈတ︀ႃႉ။ ꩫ︀ႂ်းꩬ︀ူမ︀ႆ︀ႛ မ︀ၢင︀်ႈၸ︀ွင︀်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈပ︀ႆ︀တ︀ွင︀်းတ︀ေႇတ︀ေႇ။ ꩬ︀ူမ︀ႆ︀ႛၵ︀ႆ︀ႇလ︀ိူင︀်ႈဝႃႈက︀ီး ဢ︀ႆ︀ၢႈက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 3:17

က︀ူဝ်ႇဢ︀ꩫ︀်ႈယ︀ႃႇꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ႃႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ူတ︀်ꩡ︀ၢင︀်ဢ︀ူ။ ꩬ︀ူယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 4:10

တ︀ူႈꩭူဝ်းလ︀ွင︀်ႈꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛယ︀ႃႇပ︀ိူꩫ︀်ႈၵ︀ꩫ︀်တ︀ႂ်း က︀ူꩫ︀်းမ︀ိူက︀်ႉꩫ︀မ︀်။ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၵ︀ꩫ︀်တ︀ႂ်း ၸ︀ူႛꩭူႇတ︀ွင︀်းꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇꩵ︀ႈꩡ︀ႂ်ႈ။ တ︀ူႈမ︀ႆ︀ႛပ︀ိူꩫ︀်ႈ ၵ︀ꩫ︀်တ︀ႂ်းတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇၵ︀ꩫ︀်တ︀ႂ်းꩬ︀ူတ︀ꩫ︀်းၵ︀ူဝ်းယ︀င︀်းဢ︀ူ။ ꩬ︀ူမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩬ︀ီ တ︀ူႈမ︀ႆ︀ႛယ︀ႃႇ ပ︀ိူꩫ︀်ႈꩫ︀ူႈꩫ︀ၢႆ︀ႈဢ︀ူ။ ပ︀ီꩫ︀်ႈင︀ႆ︀းꩫ︀ႆ︀ႇမ︀ႆ︀ႛ ꩬ︀ူယ︀ႃႇၵ︀ꩫ︀်တ︀ႂ်းꩫ︀ီႈꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇ ꩵ︀ႈꩫ︀ီႈ။

က︀ေႃရ︀ိꩫ︀်တ︀ု ႑ 6:9

က︀ူꩫ︀်းဢ︀ꩫ︀်ႈမ︀ဝ်တ︀ြႃးꩫ︀ႆ︀ႇၵ︀ဝ် ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။ ꩬ︀ူမ︀ႆ︀ႛပ︀ီꩭႂ်ႛၸ︀ၢမ︀်း။ က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ူႛꩡ︀ႆ︀ၢးꩫ︀ႆ︀ၢႈၸ︀ူႛꩡ︀ႆ︀ၢး ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်း ꩭီတ︀်မ︀ေထုင︀်က︀ꩫ︀်ႈ၊

က︀လ︀ႃတ︀ိ 6:3

ꩬ︀င︀်ဝႃႈꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ၵ︀ꩫ︀်တ︀ႂ်းဢ︀မ︀်ꩬ︀ႃပ︀ိူꩫ︀်ႈက︀ီး က︀ူဝ်ႇဢ︀မ︀ႂ်းယ︀ႃႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ၸ︀ၢမ︀်းꩫ︀ႆ︀ၢႈꩫ︀မ︀်။ တ︀ေႇတ︀ေႇက︀ီး က︀ူဝ်ႇဢ︀မ︀ႂ်းယ︀ႃႇက︀ꩬ︀င︀်က︀ေႃႇꩵ︀ႈꩡ︀ႂ်ႈ။

က︀လ︀ႃတ︀ိ 6:7

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းၸ︀ႅတ︀်ႉꩵ︀ႈꩫ︀ႆ︀ႛ။ ၵ︀ꩫ︀်တ︀ႂ်းၸ︀ႅတ︀်ႉꩫ︀ႆ︀ႛꩫ︀မ︀်ꩫ︀က︀ီး က︀ူဝ်ႇဢ︀မ︀ႂ်းယ︀ႃႇ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ၸ︀ူႛꩡ︀ဝ်ႛၸ︀ၢမ︀်းꩫ︀မ︀်။ ဢ︀ꩫ︀်ႈꩫ︀င︀်ꩬ︀ူပ︀ုက︀်ꩫ︀ႆ︀ႇ ꩬ︀ူတ︀ီꩫ︀ႆ︀ႛဢ︀ဝ်ႈꩫ︀မ︀်။

ဢ︀ေၸ︀ႅတ︀် 5:6

ꩬ︀ူမ︀ႆ︀ႛ ၸ︀ႂ်က︀ေႃႇ ဢ︀ဝ်ႈၵ︀ၢမ︀်းဢ︀ꩫ︀်ႈလ︀ီႈမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ီꩭႂ်ႛမ︀ႃးၸ︀ၢမ︀်း။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩫ︀ႆ︀ႇၵ︀ဝ်ꩬ︀ီ က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛတ︀ေႃးꩬ︀ႃးꩬ︀ီ တ︀ီပ︀ူင︀်ႈတ︀ၢမ︀်ꩫ︀မ︀်။

တ︀ိမ︀ေႃတ︀ေ ႒ 3:13

က︀ူꩫ︀်းꩭင︀်ႛဢ︀ꩫ︀်ႈၸ︀ၢမ︀်းပ︀ိူꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ေႈၵ︀ႅꩫ︀်းတ︀ီꩡ︀ႃႇက︀ႃꩫ︀မ︀်။ ပ︀ိူꩫ︀်ႈမ︀ႆ︀ႛၵ︀ဝ်ၸ︀ၢမ︀်းꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇ ပ︀ိူꩫ︀်ႈတ︀ီၸ︀ၢမ︀်းꩫ︀မ︀်။

တ︀ိတ︀ု 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ꩭွꩫ︀်မ︀ိူက︀်ႉမ︀ႃး၊ ꩭွꩫ︀်တ︀ၢꩫ︀်ႛမ︀ဝ်ထွမ︀်ဝႃႈမ︀ဝ်ꩡ︀ူးမ︀ႃးဢ︀ူ။ ၵ︀ႆ︀ႇမ︀ဝ်က︀ႃး ꩭွꩫ︀်ပ︀ီꩫ︀်ႈၸ︀ူႛၵ︀ႃႛက︀ူႈၸ︀ꩫ︀်းꩫ︀က︀ꩫ︀်ႈ တ︀ၢင︀်းပ︀ိဝ်က︀ူႈၸ︀ꩫ︀်း၊ ဢ︀လ︀ၢင︀်းက︀ူႈၸ︀ꩫ︀်းက︀ေႃႇ ꩭဝ်းမ︀ႆ︀ႛꩭီတ︀်ꩡ︀ဝ်ႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩭဝ်းꩭႆ︀ၢႇꩰꩡ︀ႃႇꩰမ︀ႃးဢ︀ူ။ ပ︀ိူꩫ︀်ႈမ︀ႆ︀ႛက︀ေႃႇꩭဝ်းတ︀ႃႈꩫ︀ႅင︀်ႈꩬ︀ီ ပ︀ိူꩫ︀်ႈက︀ေႃႇꩭဝ်းမ︀ႆ︀ႛꩡ︀င︀်း၊ ꩭဝ်းက︀ေႃႇပ︀ိူꩫ︀်ႈမ︀ႆ︀ႛꩡ︀င︀်းမ︀ႃးဢ︀ူ။

ယ︀ႃက︀ု 1:22

ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢင︀်းဢ︀မ︀ၢင︀်းꩫ︀ႆ︀ၢႈပ︀ီထွမ︀်၊ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ၢမ︀်းꩫ︀က︀ꩫ︀်ႈပ︀ီꩭႂ်ႛပ︀ီꩫ︀်ႈ။ က︀မ︀်ႈက︀ႅင︀်းတ︀ေႇတ︀ေႇက︀ꩫ︀်ႈတ︀ႃႉ။

ယ︀ႃက︀ု 1:26

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩬ︀ထႃဢ︀ူꩫ︀ꩬ︀ီ ဝႃႈၵ︀ႂ်ႈလ︀ႂ်ႈꩫ︀က︀ေႃႇ လ︀ိꩫ︀်ႇၸ︀ူႛꩡ︀ဝ်ႛမ︀ႆ︀ႛ ထိꩫ︀်မ︀ဝ်ပ︀ီꩫ︀်ႈက︀ီး ဢ︀က︀ိဝ်းꩵ︀ႈယ︀င︀်း။ ꩭီတ︀်င︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ႅတ︀်ႉꩫ︀ႆ︀ၢႈꩫ︀မ︀်။

ယ︀ေႃးꩭၢꩫ︀် ႑ 1:8

ꩬ︀င︀်ဝႃႈꩭဝ်းမ︀ႆ︀ႛ ဢ︀ပ︀ႅတ︀်ႉꩵ︀ႈယ︀င︀်းꩫ︀ꩬ︀ီ ꩭဝ်းဝႃႈက︀ီး ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈပ︀ႅက︀်တ︀ၢင︀်းꩫ︀မ︀်။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩭဝ်းဝႃႈꩫ︀ၵ︀ႃ ဢ︀ꩫ︀်ႈꩭဝ်းꩭီတ︀်ꩫ︀ႆ︀ႇꩵ︀ႈꩥ︀ႃးက︀ꩫ︀်ႈ။