က︀ေႃရ︀ိꩫ︀်တ︀ု ႑ 3:13 - Khamti Shan13 ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ႅတ︀်ႉတ︀ြႃးꩫ︀ႆ︀ႇယ︀ႃႇ ဢ︀မ︀ူးဢ︀ꩫ︀်ႈၸ︀ႂ်မ︀ꩫ︀်းꩭီတ︀်ꩫ︀ႆ︀ႇ တ︀ီပ︀ျႃးလ︀ႃႇꩰမ︀ႃးꩫ︀မ︀်။ ဢ︀မ︀ူးဢ︀မ︀ႂ်းၵ︀ဝ် ၵ︀ႂ်ႈလ︀ႂ်ႈꩫ︀ီႈ ၵ︀ႂ်ႈလ︀ႂ်ႈၵ︀ိူင︀်ꩫ︀ꩫ︀ႆ︀ႇ မ︀ꩫ︀်းꩡ︀ဝ်ႛဢ︀ဝ်ႈၸ︀ႆ︀းတ︀ီꩡ︀ႅပ︀်ႉꩫ︀မ︀်။ အခန်းကိုကြည့်ပါ။ |
က︀ေႃရ︀ိꩫ︀်တ︀ု ႑ 3:13
28 ပူးပေါင်းရင်းမြစ်များ
ꩬ︀ူꩫ︀င︀်င︀ႆ︀းꩡ︀ႂ်ႈၵ︀ႅင︀်ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ မ︀ဝ်ꩬ︀ၢင︀်ဝွေပ︀ွက︀်ႉမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛ ꩭၢင︀်းꩭႂ်ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ေႈၵ︀ႅꩫ︀်းတ︀ေႃးꩬ︀ႃးꩫ︀ႆ︀ၢႈꩫ︀မ︀်။ ဢ︀မ︀ႂ်းယ︀ႃႇ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႈꩰꩫ︀ꩫ︀်ႈꩰပ︀ႅတ︀်ႉတ︀ြႃးꩬ︀ီ ဢ︀ပ︀ႅတ︀်ႉမ︀ႆ︀ႛမ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈꩡ︀င︀်းꩫ︀ꩬ︀ီပ︀ျႃးꩫ︀ႆ︀ႇ တ︀ီပ︀ီꩫ︀်ႈမ︀ႃးꩫ︀မ︀်။
င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ꩡ︀ူဝ်ႈက︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ပ︀ွက︀်ႉမ︀ႃးꩫ︀ႆ︀ႇ ၸ︀ႂ်မ︀ႆ︀ႛက︀ေႃႇ ပ︀ီပ︀ႅတ︀်ႉတ︀ြႃး။ ယ︀ၢမ︀်းထိုင︀်က︀ီး မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ႂ်ႈက︀ူꩫ︀်းꩭဝ်းမ︀ႆ︀ႛ က︀ႅမ︀်က︀တ︀်ႉꩰဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီဢ︀ဝ်ႈဢ︀ွက︀်မ︀ႃးꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထႅက︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛꩫ︀မ︀်။
င︀ႆ︀းꩫ︀ႆ︀ႇꩬ︀ီ င︀ႆ︀ႚက︀ဝ်ႈထွင︀်မ︀ႆ︀ႛ ꩫ︀ႆ︀ႛၻုက︀်ႉၵ︀ꩫ︀မ︀်။ ꩫ︀ႆ︀ႇꩫ︀က︀ေႃႇ က︀ဝ်ႈꩵ︀ႈဢ︀ႆ︀ၢႈပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုဢ︀ꩫ︀်ႈက︀ဝ်ႈတ︀ွင︀်းမ︀ႆ︀ႛꩫ︀မ︀် က︀ဝ်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ။ ယ︀ဝ်ႇက︀ီး ဢ︀ꩫ︀်ႈက︀ဝ်ႈမ︀ႆ︀ႛ မ︀ꩫ︀်းꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇက︀ေႃႇ တ︀ူဝ်ထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛက︀ုမ︀်ႇꩭႂ်ႛဢ︀ူꩫ︀ꩫ︀ႆ︀ႇက︀ေႃႇ က︀ဝ်ႈတ︀ွင︀်းဢ︀ူ။
င︀ႆ︀းꩫ︀ႆ︀ႇꩬ︀ီ ꩬ︀ူးပ︀ွင︀်းꩬ︀ႅင︀်ꩡ︀ႃႇက︀ဝ်ႈ ၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းဝႆ︀ႇယ︀ဝ်ႇꩰ။ ꩬ︀ူးဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်း ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ု၊ ꩡ︀ဝ်ႛတ︀ြႃးဢ︀ꩫ︀်ႈꩬ︀ိုဝ်ႈတ︀ူဝ်က︀ျွႃးမ︀ႃးꩫ︀ႆ︀ႇ က︀ဝ်ႈမ︀ႆ︀ႛ ꩬ︀ူးဢ︀မ︀ႂ်း တ︀ီꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ႂ်ႇထႃႛင︀ွက︀်ႉꩰꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛက︀ေႃႇ ꩬ︀ူးဢ︀မ︀ႂ်းတ︀ီꩭႂ်ႛꩫ︀မ︀်။
ဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်း ဢ︀ꩫ︀်ႈꩬ︀ူꩭူပ︀်ႉꩭꩫ︀်ဢ︀ꩫ︀်ႈꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ေႇတ︀ေႇယ︀ုမ︀်ယ︀မ︀်ႈ၊ မ︀ဝ်ယ︀ုမ︀်ယ︀မ︀်ႈꩫ︀ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩡ︀ၢမ︀်းꩫ︀မ︀်။ ၵ︀မ︀်းဢ︀ꩫ︀်ႈလ︀ူႇꩡ︀ၢင︀်ႈမ︀ႆ︀ႛꩫ︀ႆ︀ၢႈက︀ေႃႇ က︀ူꩫ︀်းꩫ︀ႆ︀ႇၵ︀ဝ် ꩡ︀ီၸ︀ႆ︀းꩬ︀ီဢ︀ဝ်ႈတ︀ွင︀်ဢ︀ူ။ ꩡ︀ႂ်ႈဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇယ︀ႃႇ က︀ႃႈၵ︀မ︀်းမ︀ဝ်က︀ႃးၵ︀ꩫ︀်ယ︀ႂ်ꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ိူင︀်ꩫ︀ႆ︀ႇ ဝႃႈꩡ︀ၢမ︀်းꩫ︀မ︀်။ င︀ႆ︀းꩬ︀ီ ꩬ︀ူမ︀ႆ︀ႛၵ︀ႂ်ႈလ︀ႂ်ႈꩡ︀ၢမ︀်းꩫ︀က︀ေႃႇ ꩬ︀ူၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီဢ︀ူက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ယ︀ူဝ်းယ︀ွင︀်ႛင︀ႆ︀း ၸ︀ုင︀်းꩭႂ်ႛꩬ︀ီတ︀ီဢ︀ဝ်ႈꩫ︀ႆ︀ႛꩫ︀ႃႛꩫ︀မ︀်။
ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းယ︀ႃႇ ꩫ︀င︀်မ︀ိူဝ်ႈၸ︀ူႛလ︀ၢက︀်ႉမ︀ႃးꩫ︀က︀ꩫ︀်ႈ မ︀ိူဝ်ႈꩭဝ်းမ︀ဝ်ထိူပ︀်မ︀ဝ်တ︀ႂ်းꩫ︀ႆ︀ႇ တ︀ီပ︀ွက︀်ႉမ︀ႃးꩫ︀မ︀်။ မ︀ိူဝ်ႈဢ︀မ︀ႂ်းယ︀ႃႇ ꩬ︀ီင︀်လ︀ူင︀်ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ က︀ၢင︀်ႈꩭၢဝ်ꩫ︀ႆ︀ႇၵ︀ဝ် တ︀ီꩭႆ︀ၢက︀ႃꩫ︀မ︀်။ ꩫ︀ိူꩫ︀်ႈ၊ ꩫ︀ၢဝ်ႈ၊ က︀ိဝ်ꩫ︀ႆ︀ႇၵ︀ဝ်က︀ေႃႇ တ︀ီꩡ︀ိူမ︀်ႈၸ︀ႆ︀းက︀ႃꩫ︀မ︀်။ လ︀င︀်ꩫ︀ိꩫ︀်ႈင︀ႆ︀းဢ︀ꩫ︀်ႈက︀ꩫ︀်ႛꩫ︀ိူဝ်လ︀င︀်ꩫ︀ိꩫ︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ တ︀ီꩡ︀ိူမ︀်ႈၸ︀ႆ︀းက︀ႃꩫ︀မ︀်။
ꩫ︀ႆ︀ႇꩫ︀က︀ေႃႇ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈဢ︀ꩫ︀်ႈင︀ႆ︀ႚမ︀ႆ︀ႛယ︀ႃႇ က︀ႃႈဝꩫ︀်းဢ︀ꩫ︀်ႈပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ဝ်ႈမ︀ꩫ︀်ႛတ︀ိူင︀်ႈဝႆ︀ႇဢ︀ူ။ ဝꩫ︀်းဢ︀မ︀ႂ်းထိုင︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈꩫ︀ႆ︀ႇမ︀ႆ︀ႛ ꩬ︀ုမ︀်ၸ︀ႆ︀းၵ︀ွတ︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ပ︀ႅတ︀်ႉတ︀ြႃးꩬ︀ီ တ︀ီဢ︀ဝ်ႈလ︀ူႇပ︀ႅက︀်ႉက︀ႃꩫ︀မ︀်။
ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛ က︀ူꩫ︀်းဢ︀ꩫ︀်ႈတ︀ႆ︀ၢႈပ︀ူꩫ︀်ႇက︀ႃꩫ︀ႆ︀ႇၵ︀ဝ် ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ တ︀င︀်းမ︀ိူင︀်းꩬ︀ဝ်းက︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ ပ︀ၢပ︀်ႉꩫ︀ႆ︀ႇၵ︀ဝ် ပ︀ုတ︀်ဝႆ︀ႇဢ︀ူ။ ပ︀ၢပ︀်ႉတ︀ၢင︀်ဢ︀ꩫ︀်ႈ ဢ︀ꩫ︀်ႈꩡ︀ိုဝ်ႈၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ဝ် တ︀ႅမ︀်ႛဝႆ︀ႇꩫ︀ႆ︀ႇက︀ေႃႇ ပ︀ုတ︀်ဝႆ︀ႇဢ︀ူ။ က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ꩭီတ︀်မ︀ႃး၊ ဢ︀ꩫ︀်ႈꩫ︀င︀်ပ︀ၢပ︀်ႉဢ︀မ︀ႂ်းၵ︀ဝ်မ︀ႆ︀ႛ လ︀ွေႛꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။
ကြော်ငြာတွေ