က︀ေႃရ︀ိꩫ︀်တ︀ု ႑ 2:7 - Khamti Shan

⁷ ဢ︀ꩫ︀်ႈတ︀ူႈၵ︀ႆ︀ႈꩫ︀ႆ︀ႇယ︀ႃႇ ပ︀ိင︀်ꩥ︀ႃၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်လ︀ူင︀် ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ဝ်ႈမ︀ႅပ︀်ဝႆ︀ႇမ︀ႃးꩫ︀ႆ︀ႇꩫ︀မ︀်။ ပ︀ိင︀်ꩥ︀ႃဢ︀မ︀ႂ်းယ︀ႃႇ ဢ︀ꩫ︀်ႈꩡ︀ႃႇꩭၢင︀်းဢ︀ဝ်ႈပ︀ီꩫ︀်ႈမ︀ူꩫ︀်ႈၸ︀ုင︀်းꩭဝ်းꩫ︀ꩬ︀ီ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩬ︀ၢင︀်မ︀ူဝ်ဝႆ︀ႇမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 2:7 ပူးပေါင်းရင်းမြစ်များ

မ︀တ︀်တ︀ႄး 11:25

ယ︀ဝ်ႇက︀ီး ꩡ︀ဝ်ႛယ︀ေꩬ︀ုယ︀ွꩫ︀်းꩬ︀ူးꩫ︀ႆ︀ႇ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀ၢင︀်ႈꩭၢဝ်ꩫ︀ၵ︀ႃမ︀ိူင︀်းက︀ၢင︀်ႈတ︀ီၵ︀ႃႛ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈၸ︀ူႛပ︀ိင︀်ꩥ︀ႃယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇ က︀ူꩫ︀်းဢ︀ꩫ︀်ႈပ︀ိင︀်ꩥ︀ႃမ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ပ︀ုတ︀်ပ︀ျႃးꩭႂ်ႛꩬ︀ီ က︀ျေးꩡ︀ူးတ︀ၢင︀်လ︀ူင︀်တ︀ီၵ︀ႃႛꩫ︀မ︀်။

မ︀တ︀်တ︀ႄး 13:35

မ︀ꩫ︀်းꩡ︀ဝ်ႛꩭီတ︀်င︀ႆ︀းꩬ︀ီ “က︀ဝ်ႈၵ︀ဝ်မ︀ႆ︀ႛ ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းတ︀ီဝႃႈꩫ︀မ︀်။ ဢ︀ꩫ︀်ႈလ︀ုက︀်ႉမ︀ိူဝ်ႈၸ︀ၢꩫ︀်ꩬ︀ၢင︀်းက︀မ︀်ၸ︀ႃပ︀ုꩫ︀်ႛ ၸ︀ႂ်က︀ေႃႇမ︀ဝ်တ︀ွင︀်းမ︀ႃးꩫ︀ႆ︀ႇ ၵ︀ဝ်မ︀ႆ︀ႛတ︀ီၵ︀ႆ︀ႈꩭႂ်ႛꩫ︀မ︀်” ꩫ︀ꩬ︀ီ ꩫ︀င︀်ဢ︀ꩫ︀်ႈ က︀ျမ︀်းပ︀ရ︀ေႃးၸ︀ႅတ︀်ႉꩭေꩬ︀ႃယ︀မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးယ︀ဝ်ႇ။

ရ︀ေႃမ︀ 11:25

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။

ရ︀ေႃမ︀ 8:29

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛဢ︀ူ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩫ︀ႂ်းက︀ူꩫ︀်းမ︀ꩫ︀်းꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ီꩫ︀်ႈလ︀ုက︀်ႉꩡ︀ႆ︀ၢးလ︀ူင︀်မ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 8:30

င︀ႆ︀းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩭွင︀်ႇဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇၵ︀ဝ်မ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်မ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ပ︀ူင︀်ႈꩭႂ်ႛမ︀ႃးဢ︀ူ။

က︀ေႃရ︀ိꩫ︀်တ︀ု ႑ 2:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈယ︀ႃႇ မ︀ိူဝ်ႈꩬ︀ူမ︀ႆ︀ႛမ︀ႃးꩬ︀ီ ꩭူဝ်းလ︀ွင︀်ႈလ︀ိူက︀်ႉလ︀မ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ လ︀ုက︀်ႉၵ︀ၢမ︀်းဢ︀ꩫ︀်ႈလ︀ၢက︀်လ︀ူင︀်၊ ဢ︀ꩫ︀်ႈပ︀ျႃးပ︀ိင︀်ꩥ︀ႃက︀ဝ်ႈꩫ︀ႆ︀ႇၵ︀ဝ် ꩵ︀ႈတ︀ိုဝ်းမ︀ႃး။

ဢ︀ေၸ︀ႅတ︀် 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ꩭဝ်းမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ိူက︀်ႉမ︀ႆ︀ၢက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇမ︀ႃးꩫ︀မ︀်။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်း ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်ꩬ︀ီ ꩭဝ်းမ︀ႆ︀ႛဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉꩫ︀ႆ︀ႇꩬ︀ီ

ဢ︀ေၸ︀ႅတ︀် 3:10

ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩡ︀ဝ်ႛၵ︀ုꩫ︀်၊ ꩡ︀ဝ်ႛဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ၢꩫ︀်တ︀ၢꩫ︀်းꩫ︀ႆ︀ႇၵ︀ဝ် င︀ႆ︀ႚယ︀ႃႇ ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛꩫ︀ူႈင︀ႆ︀းꩬ︀ီ တ︀ၢင︀်းꩭူႇတ︀ွင︀်းမ︀ꩫ︀်းꩡ︀ဝ်ႛဢ︀ꩫ︀်ႈလ︀ိူက︀်ႉလ︀မ︀်တ︀ီမ︀်ႈက︀ုမ︀်မ︀ႆ︀ႛ ꩭႂ်ႛတ︀ွင︀်းမ︀ႃးက︀ွတ︀်ꩫ︀ꩫ︀မ︀်။

တ︀ိမ︀ေႃတ︀ေ ႒ 1:9

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛက︀ွတ︀်ꩫ︀ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ၵ︀ေꩬ︀ေဝႆ︀ႇ၊ ꩭွင︀်ႇဝႆ︀ႇꩫ︀ႆ︀ႇ လ︀ႆ︀ၢးပ︀ိူဝ်ႈလ︀ွင︀်ႈꩫ︀ီႈဢ︀ꩫ︀်ႈက︀ူꩫ︀်းꩭဝ်းꩭီတ︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩭီတ︀်င︀ႆ︀းက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇယ︀ဝ်ႇꩰမ︀ႃးꩬ︀ီꩫ︀မ︀်။ ဢ︀မ︀ႂ်းယ︀ႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛလ︀ုက︀်ႉ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ျႃးမ︀ႃးꩫ︀ႆ︀ႇꩫ︀မ︀်။

ꩭေပ︀ရ︀ူး 1:2

င︀ႆ︀ႚ ꩡ︀ူဝ်ႈပ︀ႆ︀ၢႈꩭၢင︀်မ︀ႆ︀ႛယ︀ႃႇ ꩭဝ်းမ︀ႆ︀ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛပ︀ွႆ︀ꩡ︀ႂ်ႇꩬ︀ီ ဝႃႈမ︀ႃးဢ︀ူ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဢ︀မ︀ွေမ︀ꩫ︀်းꩡ︀ဝ်ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းလ︀ုက︀်ႉမ︀ꩫ︀်းꩡ︀ဝ်ႛ ၸ︀ၢꩫ︀်ꩬ︀ၢင︀်းမ︀ႃးယ︀ဝ်ႇ။

ꩭေပ︀ရ︀ူး 11:3

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉꩫ︀ႆ︀ႇယ︀ႃႇ ဢ︀ဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇꩬ︀ိုင︀် ၸ︀ၢꩫ︀်ꩬ︀ၢင︀်းဝႆ︀ႇꩬ︀ီ ဢ︀ဝ်ႈဢ︀ꩫ︀်ႈꩭဝ်းꩭꩫ︀်ယ︀ဝ်ႇမ︀ႆ︀ႛ ပ︀ီꩫ︀်ႈမ︀ႃးꩵ︀ႈꩡ︀ႂ်ႈꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ပ︀ေတ︀ရ︀ု ႑ 1:11

ꩡ︀ဝ်ႛꩬ︀ေꩬ︀ုၵ︀ရ︀ီတ︀်ယ︀ႃႇ မ︀ꩫ︀်းꩡ︀ဝ်ႛꩭိုဝ်လ︀ိုဝ်တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀၊ ယ︀ဝ်ႇက︀ီးꩭိုဝ်လ︀ိုဝ်တ︀ီꩫ︀ႆ︀ႛမ︀ူꩫ︀်ႈၸ︀ုင︀်းလ︀ူင︀်ꩫ︀ꩫ︀ႆ︀ႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ွႆ︀ꩡ︀ႂ်ႇꩬ︀ီ က︀ꩫ︀်ႛꩫ︀ႂ်းပ︀ရ︀ေႃးၸ︀ႅတ︀်ႉဢ︀မ︀ႂ်းၵ︀ဝ်မ︀ႆ︀ႛၵ︀ိင︀်းꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛၵ︀ႆ︀ႈမ︀ႃးဢ︀ူ။ မ︀ိူဝ်ႈဢ︀မ︀ႂ်း ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်၊ လ︀ွင︀်ႈဢ︀မ︀ႂ်းမ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီ ꩬ︀ွက︀်ႉတ︀ႆ︀မ︀ႃးဢ︀ူ။

ပ︀ေတ︀ရ︀ု ႑ 5:1

ꩬ︀ူꩡ︀ဝ်ႛဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ပ︀ီꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝွꩫ︀်းၵ︀ႅꩫ︀်းဢ︀ူ။ က︀ဝ်ႈယ︀ႃႇၸ︀ူႛဢ︀ꩫ︀်ႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ႉ ꩫ︀ႆ︀ႛၵ︀ၢမ︀်ၻုက︀်ႉၵ︀မ︀ႆ︀ႛ ꩭူပ︀်ႉꩭꩫ︀်မ︀ႃးꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

ပ︀ေတ︀ရ︀ု ႒ 1:3

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းꩭဝ်းတ︀ွင︀်းမ︀ႃးꩬ︀ီ ꩫ︀င︀်မ︀ꩫ︀်းꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈဢ︀ူꩫ︀ႆ︀ႛꩫ︀ႆ︀ႇ ဢ︀ꩫ︀်ႈꩭဝ်းꩭၢင︀်ႇꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ဝ်ႈတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛပ︀ူင︀်ႈꩭႂ်ႛမ︀ႃးယ︀ဝ်ႇ။ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛ မ︀ူꩫ︀်ႈၸ︀ုင︀်းယ︀င︀်းင︀ႆ︀းꩫ︀ီႈမ︀ျတ︀်ႉꩫ︀ႆ︀ႇꩬ︀ီ ꩭဝ်းမ︀ႆ︀ႛꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛမ︀ႃးယ︀ဝ်ႇ။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။