က︀ေႃရ︀ိꩫ︀်တ︀ု ႑ 2:6 - Khamti Shan

⁶ ꩭလ︀ိုဝ်ꩫ︀က︀ေႃႇ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈက︀ေၵ︀ိူင︀်တ︀ီမ︀်ႈက︀ုမ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ူႈၵ︀ၢမ︀်းပ︀ိင︀်ꩥ︀ႃꩫ︀ႆ︀ႇၵ︀ဝ်တ︀ိုဝ်းꩬ︀ီဝႃႈဢ︀ူ။ ꩫ︀ႆ︀ႇꩫ︀က︀ေႃႇ ပ︀ိင︀်ꩥ︀ႃဢ︀မ︀ႂ်းယ︀ႃႇ ပ︀ိင︀်ꩥ︀ႃမ︀ိူင︀်းက︀ၢင︀်ႈ၊ ပ︀ိင︀်ꩥ︀ႃꩡ︀ဝ်ႛၵ︀ုꩫ︀်မ︀ိူင︀်းက︀ၢင︀်ႈ ဢ︀ꩫ︀်ႈတ︀ီꩭႆ︀ၢꩫ︀ႆ︀ၢႈက︀ႃꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။

က︀ေႃရ︀ိꩫ︀်တ︀ု ႑ 2:6 ပူးပေါင်းရင်းမြစ်များ

မ︀တ︀်တ︀ႄး 13:22

ꩭွေၸ︀ꩫ︀်းဢ︀ꩫ︀်ႈတ︀ူက︀်ပ︀ႃယ︀ုမ︀်းꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး ယ︀ုမ︀်ယ︀မ︀်ႈꩫ︀က︀ေႃႇ က︀ပ︀်ႉꩡ︀ႂ်ႈလ︀ွင︀်ႈလ︀ေႃးက︀ီင︀ႆ︀း ꩭွႆ︀ႛꩡ︀ႂ်ႈင︀ိူꩫ︀်းၵ︀မ︀်းၸ︀ႅဝ်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩡ︀ွမ︀်းမ︀ဝ်ပ︀ီꩫ︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။

မ︀တ︀်တ︀ႄး 19:21

ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းက︀ူႈꩡ︀ွင︀်ႈၵ︀ႂ်ႈတ︀ီမ︀်ႈက︀ုမ︀်တ︀ေႇတ︀ေႇက︀ီး မ︀ိူဝ်းတ︀ႃႉ။ ၵ︀ူဝ်းလ︀ိင︀်းမ︀ႂ်းတ︀င︀်းမ︀ိူင︀်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ႃႉ။ င︀ႆ︀းက︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႂ်းꩬ︀ူးꩫ︀ႆ︀ႛဢ︀ူ။ ပ︀ꩫ︀်ႈယ︀ဝ်ႇက︀ီးꩬ︀ိုင︀် က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ဢ︀ူ။

မ︀တ︀်တ︀ႄး 5:48

င︀ႆ︀းꩫ︀ႆ︀ႇꩬ︀ီ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူ ꩫ︀ီႈမ︀ႅတ︀်ႉတ︀ီမ︀်ႈက︀ုမ︀်ꩫ︀က︀ꩫ︀်ႈ ꩬ︀ူက︀ေႃႇꩡ︀ႂ်ႈတ︀ီမ︀်ႈက︀ုမ︀်က︀ꩫ︀်ႈတ︀ႃႉ။

လ︀ုက︀ႃ 16:8

ၸ︀ူႛမ︀ိုင︀်ႇင︀ိူꩫ︀်းꩫ︀ႆ︀ႇ လ︀ၢက︀်ꩰလ︀ႅမ︀်ꩰꩭီတ︀်ꩫ︀ႆ︀ႇမ︀ႆ︀ႛ ꩡ︀ဝ်ႛမ︀ꩫ︀်းတ︀ွင︀်းက︀ီး ယ︀ွင︀်ႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈၵ︀ဝ်ꩭီတ︀်ဢ︀မ︀ူးꩫ︀ႆ︀ႇ က︀ူꩫ︀်းဢ︀ꩫ︀်ႈဢ︀ူꩫ︀ႂ်းဢ︀ꩫ︀်ႈလ︀ႅင︀်းꩫ︀ႆ︀ႇၵ︀ဝ်မ︀ႆ︀ႛ လ︀ၢက︀်လ︀ႅမ︀်ꩬ︀ႃဢ︀ူ” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 1:28

ဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩭီတ︀်ဢ︀ၵ︀ႅက︀်ႉဢ︀ၵ︀ျႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ယ︀ႃႇၵ︀ွတ︀်က︀ွတ︀်ꩫ︀ꩬ︀ီ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈၵ︀ဝ် ꩫ︀ူႈယ︀ွမ︀်း၊ ဢ︀ꩫ︀်ႈမ︀ဝ်မ︀တ︀်ႉက︀ꩬ︀င︀်၊ ဢ︀ꩫ︀်ႈမ︀ဝ်လ︀ႅင︀်ႇꩫ︀ႆ︀ႇၵ︀ဝ်မ︀ႆ︀ႛꩬ︀င︀် လ︀ိူက︀်ႉဢ︀ဝ်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 12:8

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛပ︀ႃးလ︀ိဝ်ႈꩫ︀ႆ︀ၢႈꩫ︀မ︀် က︀ူဝ်ႇလ︀ိူင︀်ႈမ︀ႆ︀ႛယ︀ႃႇ ၵ︀ၢဝ်ႈၵ︀ၢမ︀်းပ︀ိင︀်ꩥ︀ႃꩫ︀မ︀်ꩰꩭႂ်ႛꩬ︀ီ တ︀ၢင︀်က︀ူဝ်ႇမ︀ႆ︀ႛယ︀ႃႇ ၵ︀ၢဝ်ႈၵ︀ၢမ︀်းတ︀ၢင︀်းꩭူႇꩭꩫ︀်ꩫ︀မ︀်ꩰ ꩭႂ်ႛဝႆ︀ႇꩫ︀ႆ︀ႇ။

က︀ေႃရ︀ိꩫ︀်တ︀ု ႑ 14:20

ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ ꩬ︀ူꩫ︀င︀်လ︀ၵ︀ႃꩫ︀က︀ꩫ︀်ႈ ပ︀ီၵ︀ႂ်ႈꩡ︀ႂ်ႈ။ ꩫ︀င︀်ၸ︀ူႛက︀ေꩫ︀က︀ꩫ︀်ႈ ၵ︀ႂ်ႈꩡ︀ႂ်ႈလ︀ႅမ︀်းက︀ꩫ︀်ႈတ︀ႃႉ။ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈမ︀ႆ︀ႛယ︀ႃႇ ꩫ︀င︀်လ︀ၵ︀ႃဢ︀ွꩫ︀်ꩫ︀က︀ꩫ︀်ႈ ꩡ︀ႂ်ႈၵ︀ၢဝ်က︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 2:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈယ︀ႃႇ မ︀ိူဝ်ႈꩬ︀ူမ︀ႆ︀ႛမ︀ႃးꩬ︀ီ ꩭူဝ်းလ︀ွင︀်ႈလ︀ိူက︀်ႉလ︀မ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ လ︀ုက︀်ႉၵ︀ၢမ︀်းဢ︀ꩫ︀်ႈလ︀ၢက︀်လ︀ူင︀်၊ ဢ︀ꩫ︀်ႈပ︀ျႃးပ︀ိင︀်ꩥ︀ႃက︀ဝ်ႈꩫ︀ႆ︀ႇၵ︀ဝ် ꩵ︀ႈတ︀ိုဝ်းမ︀ႃး။

က︀ေႃရ︀ိꩫ︀်တ︀ု ႑ 2:13

င︀ႆ︀းꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈတ︀ူႈတ︀ၢꩫ︀်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းꩬ︀ွꩫ︀်ꩭႂ်ႛ ꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်း တ︀ူႈမ︀ႆ︀ႛꩬ︀ွꩫ︀်ꩭႂ်ႛꩬ︀ီ တ︀ူႈက︀ေႃႇ က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃးလ︀ွင︀်ႈၵ︀ွꩫ︀်ꩫ︀ႆ︀ႇၵ︀ဝ်ၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 2:8

ပ︀ိင︀်ꩥ︀ႃဢ︀မ︀ႂ်းမ︀ႆ︀ႛ ꩡ︀ဝ်ႛၵ︀ုꩫ︀်မ︀ိူင︀်းက︀ၢင︀်ႈꩫ︀ႆ︀ႇၵ︀ဝ် က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈပ︀ွင︀်ꩡ︀ႂ်ႈမ︀ႃး။ ꩬ︀င︀်ဝႃႈၵ︀ဝ်ပ︀ွင︀်ꩡ︀ႂ်ႈမ︀ႃးက︀ီး ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်ဢ︀မ︀ႂ်းမ︀ႆ︀ႛ ၵ︀ဝ်က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩵ︀ႈတ︀ွက︀်တ︀ႆ︀ၢႈမ︀ႃး။

က︀ေႃရ︀ိꩫ︀်တ︀ု ႑ 3:1

ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ ꩫ︀င︀်က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်ꩫ︀က︀ꩫ︀်ႈ ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ꩬ︀ွꩫ︀်ꩭႂ်ႛꩵ︀ႈꩫ︀ႆ︀ႛ။ ꩬ︀ူမ︀ႆ︀ႛယ︀ႃႇ ꩫ︀င︀်က︀ူꩫ︀်းဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉပ︀ေႇထူမ︀်ႛ၊ ꩫ︀င︀်က︀ူꩫ︀်းဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈဢ︀ေႚꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်ꩫ︀က︀ꩫ︀်ႈꩫ︀ႆ︀ၢႈꩬ︀ိုင︀် ꩫ︀ႆ︀ႛꩬ︀ွꩫ︀်မ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

က︀ေႃရ︀ိꩫ︀်တ︀ု ႒ 13:11

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈꩬ︀င︀်ꩫ︀ႆ︀ႇယ︀ႃႇ ꩡ︀ူမ︀်းꩭုမ︀်က︀ꩫ︀်ႈတ︀ႃႉ။ ꩭႂ်ႛပ︀ူဝ်းꩬ︀ူ တ︀ီမ︀်ႈက︀ုမ︀်ꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ꩭႂ်ႛပ︀ူဝ်းဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ဢ︀ꩫ︀်ႈက︀ဝ်ႈဝႃႈမ︀ႃးꩫ︀ႆ︀ႇၵ︀ဝ်ထွမ︀်ꩬ︀ီ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈင︀ႆ︀း ꩭူမ︀်ႈဢ︀ူꩫ︀ီႈꩫ︀ီႈက︀ꩫ︀်ႈတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛမ︀ႅတ︀်ႉတ︀ႃ၊ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃ တ︀င︀်းꩬ︀ူၵ︀ိင︀်းလ︀ွေႛဢ︀ူ။

က︀ေႃရ︀ိꩫ︀်တ︀ု ႒ 4:3

ꩬ︀င︀်ဝႃႈၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်းꩫ︀ႆ︀ႇ တ︀ွပ︀်ႉဝႆ︀ႇꩫ︀က︀ꩫ︀်ႈပ︀ီꩫ︀်ႈꩬ︀ီ ပ︀ိူꩫ︀်ႈမ︀ဝ်ပ︀ွင︀်ꩡ︀ႂ်ႈက︀ီး ဢ︀ꩫ︀်ႈတ︀ွပ︀်ႉဝႆ︀ႇဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈလ︀ူႇꩬ︀ုမ︀်းဢ︀ူꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩫ︀မ︀် တ︀ွပ︀်ႉꩫ︀ႆ︀ႇ။

က︀ေႃရ︀ိꩫ︀်တ︀ု ႒ 4:4

က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 2:2

မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

က︀ေႃလ︀ေႃတ︀ႄ 1:28

င︀ႆ︀းꩫ︀ႆ︀ႇꩬ︀ီ က︀ူꩫ︀်းက︀ူႈက︀ူဝ်ႇမ︀ႆ︀ႛ တ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛၵ︀ရ︀ီတ︀်ꩫ︀မ︀်။ က︀ူꩫ︀်းက︀ူႈက︀ူဝ်ႇမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈယ︀ႂ်က︀ေင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုꩫ︀်ႈဢ︀ၢပ︀်ႉက︀ွတ︀်ꩫ︀ꩬ︀ီ ၵ︀ဝ်မ︀ႆ︀ႛ တ︀ူႈက︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀တ︀ိꩭႂ်ႛꩬ︀ီ ꩬ︀ွꩫ︀်ꩭႂ်ႛဢ︀ူ။

က︀ေႃလ︀ေႃတ︀ႄ 4:12

ဢ︀ေပ︀ၸ︀ြက︀ေႃႇ ꩬ︀ူမ︀ႆ︀ႛꩬ︀င︀်ၵ︀ၢမ︀်းဢ︀ူ။ မ︀ꩫ︀်းက︀ေႃႇ က︀ူꩫ︀်းက︀ုမ︀်ႛꩬ︀ူꩡ︀ဝ်ႛ ဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ မ︀ꩫ︀်းယ︀ႃႇ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူ ꩭႂ်ႛပ︀ူဝ်းထွမ︀်ꩡ︀ွမ︀်းမ︀ူတ︀်ꩰꩬ︀ီ ပ︀ွင︀်ꩡ︀ႂ်ႈမ︀ူတ︀်ꩰမ︀ႃးင︀ႆ︀း ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩡ︀ႃႇꩬ︀ူ ꩭီတ︀်ဢ︀ၵ︀ႅက︀်ႉꩬ︀ီယ︀ွꩫ︀်းꩬ︀ူးꩬ︀ီဢ︀ူꩫ︀မ︀်။

ꩭေပ︀ရ︀ူး 5:14

ဢ︀ꩫ︀်ႈက︀ိꩫ︀်ႈဢ︀ꩫ︀်ႈၵ︀ႅင︀်ယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈက︀ေၵ︀ိူင︀် ဢ︀ꩫ︀်ႈတ︀ၢင︀်းꩭူပ︀်ႉꩭꩫ︀်ယ︀င︀်းꩬ︀ီ လ︀ွင︀်ႈꩫ︀ီႈလ︀ွင︀်ႈꩡ︀ႃႇမ︀ႆ︀ႛ က︀ၢက︀်ႉꩡ︀ၢင︀်ႈꩫ︀ႆ︀ႇၵ︀ဝ်ꩫ︀မ︀်။

ꩭေပ︀ရ︀ူး 6:1

င︀ႆ︀းꩫ︀ႆ︀ႇꩬ︀ီ ꩭဝ်းတ︀ြႃးလ︀ွင︀်ႈꩡ︀ဝ်ႛၵ︀ရ︀ီတ︀် ꩡ︀ꩫ︀်ႇင︀ဝ်ႛမ︀ႆ︀ႛ ပ︀ူꩫ︀်ႇꩬ︀ီ ꩭႂ်ႛပ︀ူဝ်းက︀ေၵ︀ိူင︀်ꩫ︀ႆ︀ႇ ပ︀ႆ︀ႉၵ︀ိုꩫ︀်ႛဢ︀ိက︀်က︀ꩫ︀်ႈꩫ︀မ︀်။ တ︀ြႃးလ︀ွင︀်ႈလ︀ုက︀်ႉဢ︀ပ︀ႅတ︀်ႉမ︀ႆ︀ႛꩬ︀ၢင︀်ဝွေ၊ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛ၊ လ︀ွင︀်ႈၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇ၊ လ︀ွင︀်ႈတ︀ၢင︀်မ︀ိုဝ်းꩬ︀ီ ပ︀ူင︀်ႈဢ︀က︀ိဝ်းꩭႂ်ႛ၊ လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩫ︀ိပ︀်ပ︀ွက︀်ႉ၊ လ︀ွင︀်ႈပ︀ႅတ︀်ႉတ︀ြႃးထႃဝရ︀ꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် င︀ႆ︀ႚင︀ႆ︀ႚ ꩵ︀ႈထုက︀်ꩬ︀ွꩫ︀်ပ︀ွက︀်ႉယ︀ဝ်ႇ။

ယ︀ႃက︀ု 3:15

တ︀ၢင︀်းꩡ︀ၢင︀်ႈၸ︀ꩫ︀်းဢ︀မ︀ႂ်းယ︀ႃႇ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩵ︀ႈꩡ︀ႂ်ႈ။ တ︀ၢင︀်းꩡ︀ၢင︀်ႈမ︀ိူင︀်းက︀ၢင︀်ႈ၊ တ︀ၢင︀်းꩡ︀ၢင︀်ႈလ︀ေႃးက︀ီ၊ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ီꩭၢႆ︀ႇမ︀ႆ︀ႛမ︀ႃးꩫ︀မ︀်။

ယ︀ႃက︀ု 3:2

က︀ူꩫ︀်းꩭဝ်းတ︀င︀်းမ︀ိူင︀်းၸ︀ႂ်က︀ေႃႇ မ︀ဝ်ယ︀ၢꩫ︀်မ︀ဝ်ယ︀ၢꩫ︀်ၸ︀ိတ︀်ဢ︀ူ။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈက︀ူဝ်ႇဢ︀ꩫ︀်ႈ မ︀ိူဝ်ႈလ︀ႂ်ႈက︀ေႃႇ တ︀ၢꩫ︀်ႛမ︀ဝ်ၸ︀ိတ︀်ꩫ︀ႆ︀ႇယ︀င︀်းက︀ီး က︀ူဝ်ႇဢ︀မ︀ႂ်းယ︀ႃႇ က︀ူꩫ︀်းဢ︀ꩫ︀်ႈတ︀ီမ︀်ႈက︀ုမ︀်၊ ဢ︀ꩫ︀်ႈတ︀င︀်းတ︀ူဝ်ႈၸ︀ူႛꩡ︀ဝ်ႛမ︀ႆ︀ႛ ꩫ︀ၢပ︀်ႉပ︀ေႇꩫ︀မ︀်။

ပ︀ေတ︀ရ︀ု ႑ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။