က︀ေႃရ︀ိꩫ︀်တ︀ု ႑ 2:3 - Khamti Shan

³ မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ က︀ဝ်ႈꩭႅင︀်းဢ︀ေင︀ႆ︀း က︀ူဝ်ႈꩰꩬ︀ွင︀်ꩰꩬ︀ီဢ︀ူမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 2:3 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 17:1

င︀ႆ︀းꩬ︀ီ ပ︀ေႃလ︀ုꩫ︀ၵ︀ႃတ︀ိလ︀ၵ︀ဝ် ဢ︀ွက︀်တ︀ၢင︀်းက︀ႃက︀ီး ဝီင︀်းဢ︀ံပ︀ေႃလ︀ိꩫ︀ၵ︀ႃ ဝီင︀်းဢ︀ႃပ︀ေႃလ︀ေႃꩫ︀ိမ︀ႆ︀ႛၸ︀ႃက︀ႃꩬ︀ီ ဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်မ︀ႆ︀ႛ ထိုင︀်က︀ႃဢ︀ူ။ ဝီင︀်းဢ︀မ︀ႂ်းမ︀ႆ︀ႛ ꩡ︀ွင︀်းꩬ︀ွꩫ︀်တ︀ြႃးယ︀င︀်းဢ︀ူ။

ထဝ်ꩡ︀တ︀်ႉၵ︀ဝ် 18:1

ဝၢႆ︀းꩫ︀ႆ︀ႇပ︀ေႃလ︀ု လ︀ုက︀်ႉဝီင︀်းဢ︀ႃတ︀ီꩫ︀်မ︀ႆ︀ႛဢ︀ွက︀်ꩬ︀ီ က︀ႃဝီင︀်းက︀ေႃရ︀ိꩫ︀်တ︀ုဢ︀ူ။

ထဝ်ꩡ︀တ︀်ႉၵ︀ဝ် 18:12

ꩡ︀ူဝ်ႈမ︀ိူဝ်ႈက︀ႃလ︀ျုင︀် ပ︀ီꩫ︀်ႈꩡ︀ဝ်ႛက︀ႅမ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်တ︀ုမ︀်ႈက︀ꩫ︀်ႈꩬ︀ီ ပ︀ေႃလ︀ုမ︀ႆ︀ႛꩬ︀ႅဝ်ႛင︀ႆ︀း ပ︀ၢင︀်ႈတ︀ြႃးမ︀ႆ︀ႛဢ︀ဝ်ႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 18:6

က︀ျူးꩫ︀ႆ︀ႇၵ︀ဝ်မ︀ꩫ︀်းမ︀ႆ︀ႛ ထီင︀်ပ︀ွက︀်ႉꩬ︀ီတ︀ၢꩫ︀်ႛပ︀ုက︀်ႉꩬ︀ုက︀်ႉပ︀က︀်ႉꩬ︀က︀်ႉက︀ီး ပ︀ေႃလ︀ုယ︀ႃႇ “ꩬ︀ူတ︀ၢႆ︀ႈက︀ီးꩫ︀ႃႛတ︀ီႈꩬ︀ူၸ︀ူႛꩡ︀ဝ်ႛꩫ︀မ︀်။ က︀ဝ်ႈယ︀ႃႇꩫ︀ႃႛတ︀ီႈပ︀ေယ︀ဝ်ႇ။ လ︀ꩭႃꩫ︀ႆ︀ႇက︀ဝ်ႈယ︀ႃႇ က︀ႃဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀မ︀်” ꩫ︀ꩬ︀ီ ၸ︀ွင︀်ၵ︀ိူင︀်ႈယ︀ၢင︀်ꩬ︀ီဝႃႈဢ︀ူ။

က︀ေႃရ︀ိꩫ︀်တ︀ု ႒ 10:1

က︀ဝ်ႈပ︀ေႃလ︀ုယ︀ႃႇ မ︀ိူဝ်ႈတ︀ူဝ်ꩫ︀ႃႛက︀ꩫ︀်ႈꩫ︀ႆ︀ႇက︀ူဝ်ႈꩰꩬ︀ွင︀်ꩰတ︀ၢꩫ︀်ႛꩬ︀ီ မ︀ိူဝ်ႈဢ︀ဝ်ႈလ︀ိက︀်ႉတ︀ႅမ︀်ႛက︀ီးꩭတ︀်ꩭၢꩫ︀်ဢ︀ူ ꩫ︀ꩬ︀ီက︀ူꩫ︀်းꩬ︀ူက︀မ︀်ႈၸ︀ွင︀်းဝႃႈဢ︀ူ။ ꩫ︀ႆ︀ႇꩫ︀က︀ေႃႇ င︀ႆ︀ႚက︀ဝ်ႈ ꩡ︀ႂ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈက︀ွမ︀်းꩫ︀ွမ︀်း ဢ︀ူꩫ︀်ႛꩥ︀ေႈꩫ︀ႆ︀ႇပ︀ၢက︀်ႉꩬ︀ီ ꩬ︀ူမ︀ႆ︀ႛ ဝွꩫ︀်းၵ︀ႅꩫ︀်းက︀ွတ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူဝ်ႇဢ︀ꩫ︀်ႈꩫ︀င︀်က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩭီတ︀်ဢ︀မ︀ူးꩫ︀မ︀်ꩫ︀ꩬ︀ီ ဝႃႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝႃႈတ︀ၢꩫ︀်ႛၵ︀တ︀်ꩰꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူပ︀်တ︀င︀်းꩬ︀ူꩬ︀ီ ꩭႂ်ႛပ︀ူဝ်းၵ︀ဝ်မ︀ႆ︀ႛ မ︀ဝ်တ︀ၢꩫ︀်ႛၵ︀တ︀်ꩰꩫ︀ႆ︀ႇ ꩡ︀ွႆ︀ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 10:10

ꩬ︀ူက︀မ︀်ႈၸ︀ွင︀်းဝႃႈꩫ︀ႆ︀ႇ “လ︀ိက︀်ႉပ︀ေႃလ︀ုယ︀ႃႇ လ︀ိူက︀်ႉလ︀မ︀်ꩬ︀ီ ဢ︀ႃꩫ︀ႃလ︀ွေႛꩫ︀က︀ေႃႇ မ︀ိူဝ်ႈမ︀ꩫ︀်းတ︀င︀်းတ︀ူႈဢ︀ူꩫ︀ႆ︀ႇယ︀ႃႇ မ︀ꩫ︀်းၸ︀ူႛꩡ︀ဝ်ႛယ︀ႃႇ ꩭႅင︀်းꩵ︀ႈယ︀င︀်း၊ ဢ︀ꩫ︀်ႈမ︀ꩫ︀်းဝႃႈက︀ေႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈ” ꩫ︀ꩬ︀ီဝႃႈဢ︀ူ။

က︀ေႃရ︀ိꩫ︀်တ︀ု ႒ 13:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ွက︀်တ︀ႆ︀ၢႈꩫ︀ႆ︀ႇ ꩭႅင︀်းဢ︀ေꩫ︀က︀ေႃႇ င︀ႆ︀ႚယ︀ႃႇဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူႈက︀ေႃႇတ︀င︀်းꩡ︀ဝ်ႛၵ︀ရ︀ီတ︀်လ︀ွမ︀်ႈလ︀မ︀်းက︀ꩫ︀်ႈꩬ︀ီ ꩭႅင︀်းဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛင︀ႆ︀ႚပ︀ီꩫ︀်ႈဢ︀ူꩫ︀က︀ꩫ︀်ႈ တ︀ူႈက︀ေႃႇ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛ တ︀ီဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 13:9

တ︀ူႈꩭႅင︀်းဢ︀ေၵ︀ႂ်ႈလ︀ႂ်ႈꩫ︀က︀ေႃႇ ꩬ︀ူၵ︀ိူင︀်က︀ိုမ︀်းꩫ︀ႆ︀ႇꩬ︀ီ တ︀ူႈꩡ︀ူမ︀်းဢ︀ူ။ ꩭႂ်ႛပ︀ူဝ်းꩬ︀ူ တ︀ီမ︀်ႈက︀ုမ︀်မ︀ႃးꩫ︀ႆ︀ႇက︀ေႃႇ တ︀ူႈယ︀ွꩫ︀်းꩬ︀ူးဢ︀ူ။

က︀ေႃရ︀ိꩫ︀်တ︀ု ႒ 4:1

င︀ႆ︀းꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ူႈမ︀ႆ︀ႛဢ︀ီꩫ︀ူႈင︀ႆ︀း ဢ︀မ︀ူးဢ︀ꩫ︀်ႈꩭူဝ်းလ︀ွင︀်ႈၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇပ︀ူင︀်ႈꩭႂ်ႛꩫ︀ႆ︀ႇꩬ︀ီ တ︀ူႈယ︀ႃႇ မ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈꩵ︀ႈၸ︀ေႛ။

က︀ေႃရ︀ိꩫ︀်တ︀ု ႒ 4:16

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩭဝ်းယ︀ႃႇ မ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈꩵ︀ႈၸ︀ေႛ။ တ︀ူဝ်ႈꩭၢင︀်ႈꩭဝ်းꩫ︀ႆ︀ႇ ဝꩫ︀်းလ︀ိူင︀်ႈယ︀ဝ်ႇဝꩫ︀်းလ︀ိူင︀်ႈ က︀ႃက︀ꩫ︀်ႛဢ︀ꩫ︀်ႈလ︀ူႇတ︀ႆ︀ၢႈက︀ႃၵ︀ႂ်ႈလ︀ႂ်ႈꩫ︀က︀ေႃႇ ၵ︀ွꩫ︀်ꩭဝ်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩬ︀ီ ဝꩫ︀်းလ︀ိူင︀်ႈယ︀ဝ်ႇဝꩫ︀်းလ︀ိူင︀်ႈ ပ︀ီꩫ︀်ႈဢ︀ꩫ︀်ႈမ︀ႂ်မ︀ႃးက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 6:4

င︀ႆ︀းမ︀ဝ်ꩭီတ︀်ꩬ︀ေႇမ︀ဝ်က︀ႃး တ︀ူႈယ︀ႃႇ ဢ︀ꩫ︀်ႈၻုက︀်ႉၵ︀ꩫ︀ႆ︀ႇၵ︀ဝ်၊ ဢ︀ꩫ︀်ႈက︀ပ︀်ႉယ︀ၢက︀်ႉꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈꩫ︀ႆ︀ႛꩡ︀ီပ︀်ꩬ︀ႅပ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈယ︀ၢဝ်းꩰက︀ꩫ︀်ႛꩬ︀ီ တ︀ူႈပ︀ီꩫ︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩫ︀ႆ︀ႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ပ︀ျႃးဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 7:15

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩬ︀ွꩫ︀်ꩭႂ်ႛꩫ︀ႆ︀ႇၵ︀ဝ်မ︀ႆ︀ႛ ꩬ︀ူꩡ︀ွမ︀်းꩫ︀ီႈꩫ︀ီႈ၊ မ︀ꩫ︀်းမ︀ႆ︀ႛꩫ︀ၢပ︀်ႉယ︀မ︀်ႈꩬ︀ီ ꩭၢပ︀်ႉတ︀ွꩫ︀်ႛꩫ︀ီႈꩫ︀ီႈꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းဢ︀ွက︀်ꩡ︀ႂ်ႈꩬ︀ီ ꩬ︀ူမ︀ႆ︀ႛမ︀ꩫ︀်းဢ︀ေႈၵ︀ႅꩫ︀်းꩭၢက︀်ႉꩭွမ︀်မ︀ႃးဢ︀ူ။

က︀ေႃရ︀ိꩫ︀်တ︀ု ႒ 7:5

မ︀ိူဝ်ႈမ︀ႆ︀ႛ တ︀ူႈထိုင︀်တ︀ိူင︀်းမ︀ႃက︀ေတ︀ေႃꩫ︀ိꩫ︀ႆ︀ႇ တ︀ူႈꩵ︀ႈꩫ︀ႆ︀ႛဢ︀ူꩫ︀ီႈꩫ︀ီႈပ︀ိူင︀်ႈလ︀ူင︀်။ တ︀ူႈမ︀ႆ︀ႛ လ︀ုက︀်ႉက︀ူႈပ︀ႃႛက︀ူႈꩫ︀ႃႛမ︀ႆ︀ႛ ꩫ︀ိက︀်ႉꩬ︀ၢက︀်ႉꩫ︀ႆ︀ႇꩬ︀ီ တ︀ူႈꩫ︀ႆ︀ႛက︀ူဝ်ႈꩬ︀ီဢ︀ူမ︀ႃးꩫ︀မ︀်။

ဢ︀ေၸ︀ႅတ︀် 6:5

ၸ︀ူႛပ︀ီꩫ︀်ႈၵ︀ႃႛၵ︀ဝ်ꩴ︀း ꩡ︀ဝ်ႛꩬ︀ူမ︀ႆ︀ႛꩫ︀ၢပ︀်ႉယ︀မ︀်ႈတ︀ေႇတ︀ေႇꩬ︀ီ ၵ︀ၢမ︀်းထွမ︀်ꩫ︀ီႈꩫ︀ီႈက︀ꩫ︀်ႈတ︀ႃႉ။ ꩫ︀င︀်ꩬ︀ူ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ိုင︀်ႇꩫ︀က︀ꩫ︀်ႈ ꩡ︀ဝ်ႛꩬ︀ူမ︀ႆ︀ႛမ︀ိုင︀်ႇꩫ︀ီႈꩫ︀ီႈꩭႂ်ႛက︀ꩫ︀်ႈတ︀ႃႉ။