က︀ေႃရ︀ိꩫ︀်တ︀ု ႑ 2:13 - Khamti Shan

¹³ င︀ႆ︀းꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈတ︀ူႈတ︀ၢꩫ︀်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းꩬ︀ွꩫ︀်ꩭႂ်ႛ ꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်း တ︀ူႈမ︀ႆ︀ႛꩬ︀ွꩫ︀်ꩭႂ်ႛꩬ︀ီ တ︀ူႈက︀ေႃႇ က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃးလ︀ွင︀်ႈၵ︀ွꩫ︀်ꩫ︀ႆ︀ႇၵ︀ဝ်ၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 2:13 ပူးပေါင်းရင်းမြစ်များ

လ︀ုက︀ႃ 12:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈဢ︀မ︀ႂ်း ꩬ︀ူက︀ꩬ︀င︀်ဝႃႈ ဝႃႈꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ေꩭႂ်ႛꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 2:4

ၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈင︀ႆ︀း ꩫ︀င︀်ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ꩫ︀်းၵ︀ူဝ်းꩬ︀ႂ်ꩭႂ်ႛꩫ︀က︀ꩫ︀်ႈ ၵ︀ၢမ︀်းတ︀ၢင︀်ၸ︀ꩫ︀်းဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ် က︀ူဝ်ꩬ︀ီတ︀ၢꩫ︀်ႛက︀ꩫ︀်ႈꩭူဝ်းက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 1:17

ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇယ︀ႃႇ ꩭၢင︀်းꩭႂ်ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩵ︀ႈꩡ︀ႂ်ႈ။ ꩭၢင︀်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ၢႆ︀ႈꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀ꩫ︀်းၵ︀ူဝ်းဢ︀ꩫ︀်ႈမ︀ꩫ︀်းꩡ︀ဝ်ႛ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ၢႆ︀ႈꩭႂ်ႛꩫ︀ႆ︀ႇ ꩭႂ်ႛပ︀ူဝ်းမ︀ဝ်ၸ︀ႅင︀်းက︀ႃꩫ︀ႆ︀ႇ ၵ︀ၢမ︀်းဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းမ︀ူဝ်ꩫ︀ႆ︀ႇၵ︀ဝ် မ︀ဝ်တ︀ိုဝ်းꩬ︀ီဝႃႈꩭူဝ်းꩫ︀မ︀်။

က︀ေႃရ︀ိꩫ︀်တ︀ု ႑ 14:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈတ︀ၢꩫ︀်ႛၵ︀ၢမ︀်းလ︀ၢက︀်လ︀ၢႆ︀းꩫ︀ႆ︀ႇယ︀ႃႇ ဢ︀ꩫ︀်ႈက︀ူꩫ︀်းမ︀ႆ︀ႛတ︀ၢꩫ︀်ႛꩵ︀ႈꩡ︀ႂ်ႈ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀်တ︀ၢꩫ︀်ႛꩫ︀ႆ︀ႇ။ ဢ︀ꩫ︀်ႈမ︀ꩫ︀်းတ︀ၢꩫ︀်ႛမ︀ႆ︀ႛ ၸ︀ႂ်က︀ေႃႇꩵ︀ႈပ︀ွင︀်ꩡ︀ႂ်ႈ။ မ︀ꩫ︀်းယ︀ႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ဝႃႈꩫ︀ႆ︀ႇ။

က︀ေႃရ︀ိꩫ︀်တ︀ု ႑ 2:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈယ︀ႃႇ မ︀ိူဝ်ႈꩬ︀ူမ︀ႆ︀ႛမ︀ႃးꩬ︀ီ ꩭူဝ်းလ︀ွင︀်ႈလ︀ိူက︀်ႉလ︀မ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ လ︀ုက︀်ႉၵ︀ၢမ︀်းဢ︀ꩫ︀်ႈလ︀ၢက︀်လ︀ူင︀်၊ ဢ︀ꩫ︀်ႈပ︀ျႃးပ︀ိင︀်ꩥ︀ႃက︀ဝ်ႈꩫ︀ႆ︀ႇၵ︀ဝ် ꩵ︀ႈတ︀ိုဝ်းမ︀ႃး။

က︀ေႃရ︀ိꩫ︀်တ︀ု ႑ 2:14

က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ယ︀င︀်းꩫ︀ႆ︀ႇၵ︀ဝ်ယ︀ႃႇ ꩬ︀မ︀်မ︀ႃတ︀ြႃး ဢ︀ꩫ︀်ႈလ︀ုက︀်ႉၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ မ︀ႆ︀ႛမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉꩵ︀ႈꩫ︀ႆ︀ႛ။ က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩬ︀ီ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် ꩬ︀မ︀်မ︀ႃတ︀ြႃးဢ︀မ︀ႂ်း ၵ︀ႂ်ႈလ︀ႂ်ႈလ︀ႅင︀်ႇꩫ︀ꩫ︀ႆ︀ႇမ︀ႆ︀ႛ ပ︀ွင︀်ꩡ︀ႂ်ႈꩫ︀ႆ︀ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၢႆ︀ႈꩬ︀ိုင︀် ပ︀ွင︀်ꩡ︀ႂ်ႈꩫ︀ႆ︀ႛꩬ︀ီꩫ︀မ︀်။

က︀ေႃရ︀ိꩫ︀်တ︀ု ႑ 2:4

မ︀ိူဝ်ႈက︀ဝ်ႈꩬ︀ူမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈꩭူဝ်းꩰꩬ︀ွꩫ︀်ꩰꩫ︀ႆ︀ႇ ၵ︀ၢမ︀်းဢ︀ꩫ︀်ႈလ︀ဝ် ၵ︀ၢမ︀်းပ︀ိင︀်ꩥ︀ႃမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် က︀ဝ်ႈꩵ︀ႈတ︀ိုဝ်းမ︀ႃး။ တ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩭီတ︀်ꩬ︀ၢက︀်ႉꩬ︀ေမ︀ႆ︀ႛꩫ︀ႆ︀ၢႈꩬ︀ိုင︀်ပ︀ိုင︀်ႈဢ︀ိင︀်ႈꩬ︀ီ ꩭူဝ်းလ︀ႅင︀်းꩰမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 9:11

ꩬ︀ူမ︀ႆ︀ႛတ︀ူႈၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩬ︀ီ ꩭွေၸ︀ꩫ︀်းၵ︀ွꩫ︀် ဝၢꩫ︀်မ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ လ︀ုက︀်ႉꩬ︀ူမ︀ႆ︀ႛတ︀ူႈ ဢ︀က︀ိဝ်းတ︀ူဝ်ႈ ဢ︀ꩫ︀်ႈက︀ိꩫ︀်ႈဢ︀ꩫ︀်ႈꩫ︀ုင︀်ႈꩫ︀ႆ︀ႇၵ︀ဝ် ꩭၢပ︀်ႉဢ︀ဝ်ႈꩫ︀ႆ︀ႇ မ︀ဝ်ထႅက︀်ႉက︀ျႃး။

ဢ︀ေၸ︀ႅတ︀် 5:19

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူတ︀ၢꩫ︀်ႛၵ︀ၢမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ဝႃႈက︀ꩫ︀်ႈတ︀ႃႉ။ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းယ︀ွင︀်ႛၸ︀ြႃပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ၵ︀ၢမ︀်းꩬ︀ႃလ︀ံၢꩫ︀ႆ︀ႇၵ︀ဝ် ဢ︀ွေက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:16

က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ႂ်ဢ︀ဝ်ႈတ︀ီမ︀်ႈꩰဝႆ︀ႇက︀ꩫ︀်ႈတ︀ႃႉ။ ၵ︀ၢမ︀်းဢ︀မ︀ႂ်း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ေႃႇ က︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀ွꩫ︀်က︀ꩫ︀်ႈ၊ ꩥ︀ႅပ︀်ႉက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛ က︀ူႈၸ︀ꩫ︀်းꩰဢ︀ွေꩬ︀ီ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ပ︀ေတ︀ရ︀ု ႑ 1:12

ဢ︀ꩫ︀်ႈၵ︀ဝ်မ︀ႆ︀ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် ꩭူဝ်းမ︀ႃးꩫ︀ႆ︀ႇယ︀ႃႇ ꩡ︀ႃႇဢ︀က︀ိဝ်းၵ︀ဝ်ၸ︀ူႛꩡ︀ဝ်ႛꩵ︀ႈꩡ︀ႂ်ႈ၊ ꩡ︀ႃႇဢ︀က︀ိဝ်းꩬ︀ူꩫ︀မ︀်။ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛဢ︀ꩫ︀်ႈꩬ︀ူမ︀ႆ︀ႛꩬ︀ူင︀်ၵ︀ၢဝ်ႈၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႇꩬ︀ီဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛꩭူဝ်းမ︀ႃးယ︀ဝ်ႇ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ လ︀ွင︀်ႈဢ︀မ︀ႂ်းၵ︀ဝ် ၵ︀ႂ်ႈတ︀ွင︀်းလ︀ူင︀်မ︀ႃးꩫ︀မ︀်။

ပ︀ေတ︀ရ︀ု ႒ 1:16

တ︀ူႈယ︀ႃႇ ꩬ︀ူမ︀ႆ︀ႛ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈတ︀ꩫ︀်းၵ︀ူဝ်းလ︀ူင︀် တ︀ီက︀ျွႃးမ︀ႃးꩫ︀ႆ︀ႇ မ︀ၢက︀်မ︀ူဝ်ꩬ︀ီၵ︀ႆ︀ႈမ︀ႃးꩵ︀ႈꩡ︀ႂ်ႈ။ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈယ︀ႂ်မ︀ႅတ︀်ႉꩫ︀ꩫ︀ႆ︀ႇ တ︀ူႈၸ︀ူႛꩡ︀ဝ်ႛ ꩭꩫ︀်တ︀ေႇတ︀ေႇမ︀ႃးꩬ︀ီၵ︀ႆ︀ႈꩫ︀မ︀်။