က︀ေႃရ︀ိꩫ︀်တ︀ု ႑ 15:2 - Khamti Shan

² ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀ူယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ီႈꩫ︀ီႈက︀ႃက︀ီး ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ဢ︀ꩫ︀်ႈꩬ︀ူယ︀ုမ︀်ယ︀မ︀်ႈꩫ︀ႆ︀ႇ ၵ︀ွတ︀်ꩫ︀ႆ︀ၢႈက︀ႃဢ︀ူ။

က︀ေႃရ︀ိꩫ︀်တ︀ု ႑ 15:2 ပူးပေါင်းရင်းမြစ်များ

လ︀ုက︀ႃ 8:13

ပ︀ႃꩭိꩫ︀်မ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းက︀ီး ꩡ︀ူမ︀်းꩰꩭုမ︀်ꩰꩭၢပ︀်ႉဢ︀ဝ်ႈꩫ︀က︀ေႃႇ ꩭူဝ်ꩡ︀ႂ်ႈမ︀ႆ︀ႛၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭၢက︀်ႉမ︀ဝ်ꩡ︀ပ︀်ꩬ︀ီ က︀ိုမ︀်ႇလ︀ိူင︀်ႈꩫ︀ႆ︀ၢႈꩬ︀ိုင︀် ယ︀ုမ︀်ယ︀မ︀်ႈꩫ︀ႆ︀ႇꩫ︀မ︀်။ င︀ႆ︀းꩬ︀ီ မ︀ꩫ︀်းမ︀ႆ︀ႛ ဢ︀ꩫ︀်ႈယ︀ႃႇဢ︀ꩫ︀်ႈက︀ဝ်းထိုင︀်မ︀ႃးက︀ီး ꩡ︀ႂ်ႈၸ︀ုꩫ︀်ႇက︀ႃꩫ︀မ︀်။

ထဝ်ꩡ︀တ︀်ႉၵ︀ဝ် 2:47

မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩬ︀ီ က︀ꩫ︀်ႛꩫ︀ႃႛက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀ႆ︀ႛꩫ︀ႃႛꩫ︀ႆ︀ႛတ︀ႃႈက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛၵ︀ေꩬ︀ေဝႆ︀ႇꩫ︀ႆ︀ႇၵ︀ဝ် ဝꩫ︀်းလ︀ိူင︀်ႈယ︀ဝ်ႇ ဝꩫ︀်းလ︀ိူင︀်ႈ ဢ︀ဝ်ႈꩫ︀မ︀်မ︀ႃးꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 8:13

ꩬ︀ႅင︀်မ︀ုꩫ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်း ယ︀ုမ︀်ယ︀မ︀်ႈမ︀ႃးꩬ︀ီ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈင︀ႆ︀း ꩭီတ︀်တ︀ပ︀ေး ၸ︀ိလ︀ိပ︀်ꩬ︀ီဢ︀ူဢ︀ူ။ မ︀ꩫ︀်းယ︀ႃႇ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ꩭꩫ︀်က︀ီး ဢ︀ၢမ︀်းတ︀ႆ︀ၢႈꩰꩬ︀ီဢ︀ူဢ︀ူ။

ရ︀ေႃမ︀ 1:16

ၵ︀ၢဝ်ႈၵ︀ၢမ︀်းꩫ︀ီႈယ︀ႃႇ တ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛယ︀ုမ︀်ယ︀မ︀်ႈလ︀ုက︀်ႉၸ︀ꩫ︀်းက︀ျူးမ︀ႆ︀ႛက︀ူဝ်ꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၵ︀ေꩬ︀ေꩭႂ်ႛꩫ︀မ︀်ꩫ︀ꩫ︀ႆ︀ႇ က︀ဝ်ႈဢ︀က︀မ︀်ထက︀်ꩰꩫ︀မ︀်။

ရ︀ေႃမ︀ 11:22

ꩬ︀တ︀ိတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႂ်ႈꩫ︀ီႈလ︀ူင︀်၊ ꩡ︀ႃႇꩡ︀ၢင︀်ႈလ︀ူင︀်ꩫ︀မ︀်။ မ︀ꩫ︀်းꩡ︀ဝ်ႛ က︀ူꩫ︀်းဢ︀ꩫ︀်ႈပ︀ႅက︀်တ︀ၢင︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛꩡ︀ႃႇꩬ︀ီ ꩬ︀ူမ︀ႆ︀ႛယ︀ႃႇ ꩡ︀ႂ်ႈꩫ︀ီႈဢ︀ူ။ ꩫ︀င︀်မ︀ꩫ︀်းꩡ︀ဝ်ႛꩡ︀ႂ်ႈꩫ︀ီႈꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီဢ︀ူက︀ီး ꩬ︀ူမ︀ႆ︀ႛမ︀ꩫ︀်းꩡ︀ဝ်ႛ က︀ၢပ︀်ꩬ︀ီꩡ︀ႂ်ႈꩫ︀ီႈက︀ႃဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛတ︀ီလ︀ၢꩫ︀်းၵ︀ွတ︀်ꩫ︀မ︀်။

က︀ေႃရ︀ိꩫ︀်တ︀ု ႑ 1:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢဝ်ႈၵ︀ၢမ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ၢႆ︀ႈꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်မ︀ႆ︀ႛꩭူဝ်းက︀ီး ၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်ႈဢ︀မ︀ႂ်းမ︀ႆ︀ႛ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇꩭဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩫ︀က︀ီး ၵ︀ၢဝ်ႈၵ︀ၢမ︀်းဢ︀မ︀ႂ်းယ︀ႃႇ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ေꩬ︀ေက︀ူꩫ︀်းမ︀ိူင︀်းက︀ၢင︀်ႈꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

က︀ေႃရ︀ိꩫ︀်တ︀ု ႑ 1:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩥ︀ႅꩫ︀်ၵ︀ဝ်ၸ︀ူႛꩡ︀ဝ်ႛတ︀ွင︀်းမ︀ဝ်ꩫ︀ႆ︀ႛꩫ︀ႆ︀ႇ ဢ︀ဝ်ႈꩥ︀ႅꩫ︀်ၵ︀မ︀်းမ︀ꩫ︀်းꩡ︀ဝ်ႛꩭီတ︀်ဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်း ဢ︀ꩫ︀်ႈပ︀ိူꩫ︀်ႈ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀ꩫ︀ႆ︀ႇꩬ︀ိုင︀် ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈၵ︀ေꩬ︀ေꩫ︀မ︀်။

က︀ေႃရ︀ိꩫ︀်တ︀ု ႑ 11:2

ꩬ︀ူက︀ဝ်ႈမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ွက︀်ꩡ︀ႂ်ႈင︀ႆ︀း ထုင︀်းၸ︀ိင︀်ႛဢ︀ꩫ︀်ႈက︀ဝ်ႈꩫ︀ေꩭႂ်ႛꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈယ︀ူဝ်းယ︀ွင︀်ႛဢ︀ူ။

က︀ေႃရ︀ိꩫ︀်တ︀ု ႑ 15:14

ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ꩫ︀ိပ︀်ပ︀ွက︀်ႉမ︀ႃးက︀ီး ဢ︀ꩫ︀်ႈတ︀ူႈꩭူဝ်းꩫ︀ႆ︀ႇ က︀ꩬ︀င︀်က︀ေႃႇဢ︀က︀ိဝ်းꩵ︀ႈယ︀င︀်း။ ဢ︀ꩫ︀်ႈꩬ︀ူယ︀ုမ︀်ယ︀မ︀်ႈꩫ︀ႆ︀ႇက︀ေႃႇ ဢ︀က︀ိဝ်းꩵ︀ႈယ︀င︀်းပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႒ 2:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ူဝ်ႈတ︀ႃႈဢ︀ꩬ︀ၢက︀်ႉတ︀ူႈယ︀ႃႇ ဢ︀ႆ︀ၢႈꩫ︀မ︀်ႇꩭွမ︀်ꩡ︀ဝ်ႛၵ︀ရ︀ီတ︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ꩫ︀က︀ꩫ︀်ႈꩫ︀မ︀်။ ဢ︀ႆ︀ၢႈဢ︀မ︀ႂ်းယ︀ႃႇ ꩫ︀ႂ်းက︀ူꩫ︀်းဢ︀ꩫ︀်ႈꩫ︀ႆ︀ႛၵ︀ေꩬ︀ေꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ဢ︀ꩫ︀်ႈလ︀ူႇꩬ︀ုမ︀်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထိုင︀်က︀ႃယ︀ဝ်ႇ။

က︀ေႃရ︀ိꩫ︀်တ︀ု ႒ 6:1

တ︀ူႈယ︀ႃႇ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ဢ︀မ︀ူးꩫ︀ႆ︀ႇꩬ︀ီ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူ ပ︀ီဝႆ︀ႇꩬ︀ၢႆ︀ႇꩫ︀ꩬ︀ီ ဝွꩫ︀်းၵ︀ႅꩫ︀်းဢ︀ူ။

က︀လ︀ႃတ︀ိ 3:4

ဢ︀ꩫ︀်ႈꩬ︀ူ ၵ︀ႆ︀ႇလ︀ိူင︀်ႈပ︀ုꩫ︀်ႛꩭူပ︀်ႉꩭꩫ︀်မ︀ႃးꩫ︀ႆ︀ႇၵ︀ဝ် ꩭၢင︀်းၵ︀ွတ︀်ꩫ︀ႆ︀ၢႈက︀ျႃး။ ꩭလ︀ိုဝ်က︀ေႃႇ ꩵ︀ႈထုက︀်ၵ︀ွတ︀်ꩫ︀ႆ︀ၢႈ။

ဢ︀ေၸ︀ႅတ︀် 2:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈက︀ျေးꩡ︀ူးꩡ︀ဝ်ႛꩬ︀ီ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀မ︀် ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛꩫ︀ႆ︀ႇ။ ꩭဝ်းက︀မ︀်ႈက︀ႅင︀်းပ︀ီꩫ︀်ႈꩬ︀ီꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ႂ်က︀ေႃႇ ဢ︀ꩫ︀်ႈဝႃႈက︀မ︀်ႇလ︀ွင︀်ႛꩵ︀ႈယ︀င︀်း။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:15

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈတ︀ႃႉ။ ꩬ︀မ︀်မ︀ႃတ︀ြႃး ဢ︀ꩫ︀်ႈတ︀ူႈꩭူဝ်းꩬ︀ီ၊ တ︀ႅမ︀်ႛꩬ︀ီ ꩬ︀ူမ︀ႆ︀ႛꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈတ︀ႃႉ။

တ︀ိမ︀ေႃတ︀ေ ႒ 1:9

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛက︀ွတ︀်ꩫ︀ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ၵ︀ေꩬ︀ေဝႆ︀ႇ၊ ꩭွင︀်ႇဝႆ︀ႇꩫ︀ႆ︀ႇ လ︀ႆ︀ၢးပ︀ိူဝ်ႈလ︀ွင︀်ႈꩫ︀ီႈဢ︀ꩫ︀်ႈက︀ူꩫ︀်းꩭဝ်းꩭီတ︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩭီတ︀်င︀ႆ︀းက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇယ︀ဝ်ႇꩰမ︀ႃးꩬ︀ီꩫ︀မ︀်။ ဢ︀မ︀ႂ်းယ︀ႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛလ︀ုက︀်ႉ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ျႃးမ︀ႃးꩫ︀ႆ︀ႇꩫ︀မ︀်။

ꩭေပ︀ရ︀ူး 10:23

ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း ဢ︀ꩫ︀်ႈꩭဝ်းတ︀ႂ်းထႃႛꩬ︀ီ ꩭီတ︀်ꩬ︀ၢက︀်ႉꩬ︀ေဝႆ︀ႇꩫ︀ႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈꩫ︀မ︀်။

ꩭေပ︀ရ︀ူး 2:1

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩭဝ်းမ︀ဝ်ပ︀ႅက︀်တ︀ၢင︀်းက︀ႃꩫ︀ႆ︀ႇ ဢ︀ꩫ︀်ႈꩭဝ်းꩫ︀ႆ︀ႛꩥ︀ိꩫ︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ႉထွမ︀်ꩫ︀ီႈꩫ︀ီႈ က︀ꩫ︀်ႈꩫ︀မ︀်။

ꩭေပ︀ရ︀ူး 3:14

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းတ︀မ︀်းꩡ︀ႂ်ႈဝႆ︀ႇမ︀ႆ︀ႛ ꩫ︀င︀်မ︀ိူဝ်ႈꩭူဝ်က︀ူဝ်မ︀ႆ︀ႛꩫ︀က︀ꩫ︀်ႈ တ︀ူဝ်ပ︀ူဝ်းꩬ︀ုတ︀် ပ︀ꩫ︀်ႛၵ︀ိူင︀်ꩰက︀ႃက︀ီး ꩭဝ်းတ︀င︀်းꩡ︀ဝ်ႛၵ︀ရ︀ီတ︀် ꩡ︀ၢပ︀်ႉလ︀ႅင︀်က︀ꩫ︀်ႈဢ︀ူꩫ︀မ︀်။

ꩭေပ︀ရ︀ူး 3:6

ꩫ︀ႆ︀ႇꩫ︀က︀ေႃႇ ꩡ︀ဝ်ႛၵ︀ရ︀ီတ︀်ယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ုက︀်ႉꩫ︀က︀ꩫ︀်ႈ ꩬ︀ႅတ︀်ႉꩡ︀ႃယ︀င︀်းꩬ︀ီ ဢ︀ုပ︀်ႉပ︀ိုင︀်ဢ︀ူ။ င︀ႆ︀းꩬ︀ီ ဢ︀ꩫ︀်ႈꩭဝ်းတ︀ႂ်းထႃႛမ︀ႆ︀ႛ ꩭဝ်းꩭတ︀်ꩰꩭၢꩫ︀်ꩰꩬ︀ီ ပ︀ꩫ︀်ႛၵ︀ိူင︀်ꩰက︀ီး ꩭဝ်းယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ꩭေပ︀ရ︀ူး 4:14

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ု ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈယ︀ႂ်လ︀ူင︀် ဢ︀ꩫ︀်ႈ ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩫ︀ႆ︀ႇ ꩭဝ်းမ︀ႆ︀ႛယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း တ︀ၢင︀်းယ︀ုမ︀်ယ︀မ︀်ႈꩭဝ်းဢ︀ꩫ︀်ႈꩭဝ်းတ︀ႅဝ်ဝႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈက︀ွတ︀်။

ယ︀ႃက︀ု 2:14

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈဢ︀ူꩫ︀ꩬ︀ီ ဝႃႈꩫ︀က︀ေႃႇ လ︀ွင︀်ႈꩭီတ︀်မ︀ဝ်လ︀ွေႛက︀ီး ဢ︀က︀ိဝ်းက︀ꩬ︀င︀်ꩫ︀ႆ︀ယ︀င︀်းꩫ︀ႆ︀ႇ။ ဢ︀ꩫ︀်ႈယ︀ုမ︀်ယ︀မ︀်ႈၸ︀ꩫ︀်းꩫ︀င︀်င︀ႆ︀းꩫ︀ႆ︀ႇ ꩬ︀ူမ︀ႆ︀ႛၵ︀ေꩬ︀ေꩵ︀ႈꩫ︀ႆ︀ႛ။

ယ︀ႃက︀ု 2:17

တ︀ၢင︀်းယ︀ုမ︀်ယ︀မ︀်ႈꩫ︀ꩫ︀ႆ︀ႇက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈꩫ︀မ︀်။ လ︀ွင︀်ႈꩭီတ︀်မ︀ဝ်လ︀ွေႛက︀ီး တ︀ၢင︀်းယ︀ုမ︀်ယ︀မ︀်ႈဢ︀မ︀ႂ်းꩫ︀ႆ︀ႇ ဢ︀က︀ိဝ်းꩵ︀ႈယ︀င︀်း။

ယ︀ႃက︀ု 2:26

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ တ︀ူဝ်ႈဢ︀ꩫ︀်ႈၵ︀ွꩫ︀်မ︀ဝ်ယ︀င︀်းꩫ︀ႆ︀ႇ ဢ︀ꩫ︀်ႈတ︀ၢႆ︀ႈꩫ︀က︀ꩫ︀်ႈ တ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈလ︀ွင︀်ႈꩭီတ︀်မ︀ဝ်လ︀ွေႛꩫ︀ႆ︀ႇက︀ေႃႇ ဢ︀ꩫ︀်ႈတ︀ၢႆ︀ႈꩫ︀မ︀်။