က︀ေႃရ︀ိꩫ︀်တ︀ု ႑ 14:33 - Khamti Shan

³³ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ၸ︀ိင︀်ႛမ︀ဝ်ယ︀င︀်း ပ︀ႅင︀်ႈမ︀ဝ်ယ︀င︀်းမ︀ဝ်ပ︀ီꩫ︀်ႈꩬ︀ီ ၵ︀ႂ်ႈꩭႂ်ႛထုက︀်က︀ꩫ︀်ႈ ꩫ︀ီႈꩫ︀ီႈꩫ︀ၢမ︀်းꩰက︀ꩫ︀်ႈꩫ︀မ︀်။ ꩡ︀ႃၵ︀ၢပ︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩫ︀င︀်က︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛꩭီတ︀်ꩫ︀က︀ꩫ︀်ႈ ꩭီတ︀်ဢ︀ူꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 14:33 ပူးပေါင်းရင်းမြစ်များ

လ︀ုက︀ႃ 2:14

“ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ꩫ︀်ႛꩫ︀ိူဝ်က︀ၢင︀်ႈꩭၢဝ်လ︀ေႚလ︀ေႚမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ မ︀ိူင︀်းက︀ၢင︀်ႈမ︀ႆ︀ႛ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ꩫ︀်ႈက︀တ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 9:13

ꩫ︀ႆ︀ႇမ︀ႆ︀ႛ ဢ︀ႃꩫ︀ꩫ︀ိယ︀ႃႇ “ꩡ︀ဝ်ႛꩴ︀း လ︀ွင︀်ႈမ︀ꩫ︀်းတ︀မ︀ိူင︀်း၊ လ︀ွင︀်ႈဢ︀ꩫ︀်ႈက︀ူꩫ︀်းၵ︀ိင︀်းတ︀ူဝ်ꩡ︀ဝ်ႛ ဢ︀ꩫ︀်ႈဢ︀ူဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းၵ︀ႂ်ႈလ︀ႂ်ႈဢ︀ဝ်ႈယ︀ပ︀်ယ︀ၢက︀်ႉမ︀ႃးꩫ︀ꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛမ︀ႆ︀ႛ ပ︀ိူꩫ︀်ႈဢ︀ၢꩫ︀်တ︀ၢꩫ︀်ၵ︀ႆ︀ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။

ရ︀ေႃမ︀ 15:33

ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀ႆ︀ႇ တ︀င︀်းꩬ︀ူတ︀င︀်းမ︀ိူင︀်း ꩭႂ်ႛၵ︀ိင︀်းလ︀ွေႛက︀ႃတ︀ႃႉ။ ꩬ︀ႃႈထု။

က︀ေႃရ︀ိꩫ︀်တ︀ု ႑ 11:16

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈထုင︀်းၸ︀ိင︀်ႛꩫ︀ႆ︀ႇမ︀ႆ︀ႛ တ︀ၢင︀်က︀ူဝ်ႇမ︀ဝ်ၵ︀ႂ်ႈꩭၢပ︀်ႉက︀ီး တ︀ူႈမ︀ႆ︀ႛꩫ︀က︀ေႃႇယ︀ႃ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛꩫ︀က︀ေႃႇယ︀ႃ ထုင︀်းၸ︀ိင︀်ႛဝႆ︀ႈၸ︀ြႃး တ︀ၢင︀်ဢ︀ꩫ︀်ႈယ︀ႃႇꩵ︀ႈယ︀င︀်း။

က︀ေႃရ︀ိꩫ︀်တ︀ု ႑ 14:32

ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ ၵ︀ွꩫ︀်ၸ︀ူႛꩡ︀ဝ်ႛမ︀ႆ︀ႛ ထိꩫ︀်ပ︀ီꩫ︀်ႈꩬ︀ီ မ︀ိုဝ်ႇၸ︀ႂ်မ︀ိုဝ်ႇမ︀ꩫ︀်း ဝႃႈထႃႛꩬ︀ီ ꩭူဝ်းꩫ︀မ︀်။

က︀ေႃရ︀ိꩫ︀်တ︀ု ႑ 14:40

ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭႂ်ႛပ︀ူဝ်းꩡ︀ႃၵ︀ၢပ︀်ႉꩥ︀ႃးꩬ︀ီ ထုက︀်ꩰꩬ︀ႅꩫ︀်ႛꩬ︀ႅꩫ︀်ႛꩫ︀ႆ︀ႇ ꩭီတ︀်က︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 4:17

င︀ႆ︀းꩬ︀ီꩫ︀မ︀် တ︀ိမ︀ေႃတ︀ေမ︀ႆ︀ႛ က︀ဝ်ႈꩬ︀ူမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇꩫ︀မ︀်။ မ︀ꩫ︀်းထိုင︀်မ︀ႃးက︀ီး ꩬ︀ူမ︀ႆ︀ႛတ︀ၢင︀်းက︀ႅင︀်း ဢ︀ꩫ︀်ႈက︀ဝ်ႈၸ︀ူႛꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ က︀မ︀်ႈက︀ႅင︀်းꩬ︀ီဢ︀ူင︀ႆ︀း ဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛꩬ︀ီဢ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ူမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 7:15

ꩬ︀င︀်ဝႃႈ က︀ူဝ်ႇဢ︀ꩫ︀်ႈၵ︀ရ︀ီတ︀်ယ︀ၢꩫ︀်မ︀ဝ်ꩡ︀ႂ်ႈꩫ︀ႆ︀ႇꩬ︀ိုင︀် ၵ︀ရ︀ီတ︀်ယ︀ၢꩫ︀်မ︀ႆ︀ႛ ၵ︀ႂ်ႈၸ︀ၢက︀်ႉက︀ီးယ︀ႃႇ ꩭႂ်ႛၸ︀ၢက︀်ႉက︀ႃတ︀ႃႉ။ င︀ႆ︀းက︀ီးယ︀ႃႇ ပ︀ူဝ်ႈꩭိူꩫ︀်း၊ မ︀ေႈꩭိူꩫ︀်းၵ︀ရ︀ီတ︀်ယ︀ၢꩫ︀်ဢ︀ꩫ︀်ႈက︀ိူတ︀်ꩫ︀ႆ︀ႇ လ︀ုက︀်ႉတ︀ြႃးဢ︀ꩫ︀်ႈတ︀င︀်းက︀ူဝ်ႇဢ︀မ︀ႂ်းက︀ူပ︀်က︀ꩫ︀်ႈဝႆ︀ႇမ︀ႆ︀ႛ လ︀ွတ︀်ႉယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛꩭွင︀်ႇဝႆ︀ႇꩫ︀ႆ︀ႇ ꩭၢင︀်းꩭူမ︀်ႈဢ︀ူꩫ︀ီႈꩫ︀ီႈက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႑ 7:17

ꩫ︀ႆ︀ႇꩫ︀ႆ︀ၢႈက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူက︀ူႈက︀ူဝ်ႇမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းꩡ︀ွင︀်ဝႆ︀ႇ ဢ︀ဝ်ႈပ︀ီꩫ︀်ႈဝႆ︀ႇဢ︀ူ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ ꩬ︀ူꩭလ︀ိုဝ်ဢ︀ူမ︀ႃးꩫ︀က︀ေႃႇ ꩫ︀င︀်ဢ︀မ︀ႂ်းꩫ︀က︀ꩫ︀်ႈ က︀ၢပ︀်ꩬ︀ီဢ︀ူက︀ႃက︀ꩫ︀်ႈတ︀ႃႉ။ ꩫ︀ႆ︀ႇယ︀ႃႇ တ︀ြႃးဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛဢ︀ူꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 12:20

ဢ︀ꩫ︀်ႈက︀ဝ်ႈက︀ပ︀်ႉꩡ︀ႂ်ႈꩫ︀ႆ︀ႇယ︀ႃႇ က︀ဝ်ႈꩬ︀ူမ︀ႆ︀ႛထိုင︀်မ︀ႃးက︀ီး က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ က︀ူဝ်ႈမ︀ဝ်ꩥ︀ႃးꩡ︀ႂ်ႈက︀ꩫ︀်ႈလ︀ူင︀်ꩫ︀မ︀်။ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈꩫ︀ꩫ︀်းက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ တ︀ေႃးꩬ︀ႃးက︀ꩫ︀်ႈ၊ ꩡ︀ႂ်ႈတ︀ိင︀်ႈက︀ုပ︀်၊ က︀ေးလ︀ေးက︀ꩫ︀်ႈ၊ ၵ︀ႃႇက︀ꩫ︀်ႈ၊ မ︀ႃꩫ︀ယ︀ႂ်က︀ꩫ︀်ႈင︀ႆ︀း ဢ︀ꩫ︀်ႈဢ︀ုက︀်တ︀လ︀ုက︀်မ︀ူဝ်ႈꩫ︀ꩫ︀်းက︀ꩫ︀်ႈꩫ︀ႆ︀ႇၵ︀ဝ် က︀ူဝ်ႈꩫ︀ႆ︀ႛꩭꩫ︀်ဢ︀ူ။

က︀လ︀ႃတ︀ိ 5:22

ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭဝ်းꩡ︀ွမ︀်းက︀ီး မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈꩭၢက︀်ႉပ︀ိူꩫ︀်ႈ၊ ဢ︀ꩫ︀်ႈꩡ︀ူမ︀်းꩭုမ︀်၊ ဢ︀ꩫ︀်ႈတ︀င︀်းပ︀ိူꩫ︀်ႈထုက︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈꩫ︀ီႈပ︀ိူꩫ︀်ႈ၊ ဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ၊ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:16

ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ူႈၸ︀ꩫ︀်း ꩭႂ်ႛပ︀ူင︀်ႈꩭႂ်ႛက︀ႃတ︀ႃႉ။ ꩬ︀ူꩡ︀ဝ်ႛက︀ူႈက︀ူဝ်ႇမ︀ႆ︀ႛ ꩡ︀ဝ်ႛꩭဝ်းꩭႂ်ႛၵ︀ိင︀်းလ︀ွေႛက︀ႃတ︀ႃႉ။

ꩭေပ︀ရ︀ူး 13:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃယ︀ႃႇ ꩡ︀ဝ်ႛယ︀ေꩬ︀ုꩭဝ်း ၸ︀ူႛလ︀ီင︀်ႇပ︀ူႇလ︀ူင︀် ဢ︀ꩫ︀်ႈဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ တ︀ွက︀်ꩡ︀ုမ︀်ႛလ︀ိက︀်ႉၵ︀တ︀်ႉထႃဝရ︀မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။