က︀ေႃရ︀ိꩫ︀်တ︀ု ႑ 13:5 - Khamti Shan

⁵ ꩭဝ်းမ︀ႆ︀ႛမ︀ႅတ︀်ႉတ︀ႃယ︀င︀်းက︀ီး ဢ︀ꩫ︀်ႈမ︀ဝ်ထုက︀်မ︀ဝ်ထက︀် ꩵ︀ႈꩭီတ︀်။ ꩡ︀ႂ်ႈတ︀ိင︀်ႈက︀ုပ︀်ꩵ︀ႈယ︀င︀်း။ တ︀ေႃးꩬ︀ႃးက︀ေႃႇ ꩵ︀ႈင︀ႆ︀ၢႈ။ ဢ︀ပ︀ႅတ︀်ႉပ︀ိူꩫ︀်ႈမ︀ႆ︀ႛက︀ေႃႇꩵ︀ႈမ︀တ︀်ႉဝႆ︀ႇ။

က︀ေႃရ︀ိꩫ︀်တ︀ု ႑ 13:5 ပူးပေါင်းရင်းမြစ်များ

မ︀တ︀်တ︀ႄး 5:22

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈပ︀ီႈꩫ︀ွင︀်ႇၸ︀ူႛꩡ︀ဝ်ႛမ︀ႆ︀ႛ တ︀ေႃးꩬ︀ႃးꩫ︀ႆ︀ႇမ︀ႆ︀ႛꩫ︀ႆ︀ၢႈက︀ေႃႇ တ︀ီပ︀ႅတ︀်ႉတ︀ြႃးꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ပ︀ၢဝ်ꩰတ︀ူꩰꩫ︀ꩬ︀ီဝႃႈꩫ︀ႆ︀ႇမ︀ႆ︀ႛယ︀ႃႇ ၵ︀ႆ︀ႇမ︀ဝ်က︀ႃးယ︀ုင︀်းတ︀ြႃးမ︀ႆ︀ႛ တ︀ီပ︀ႅတ︀်ႉတ︀ြႃးꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ တ︀ၢꩫ︀်ႛꩬ︀ယ︀ုက︀်ႉမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ွႆ︀တ︀ူက︀်င︀ႃးလ︀ႆ︀ၢးꩫ︀မ︀်။

မ︀တ︀်တ︀ႄး 9:4

ဢ︀ꩫ︀်ႈၵ︀ဝ်ဝႃႈင︀ႆ︀းက︀ꩫ︀်ႈꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုဢ︀ဝ်ႈꩥ︀ႅꩫ︀်တ︀ွင︀်းꩬ︀ီ “ꩭီတ︀်က︀ꩬ︀င︀်ꩫ︀ႆ︀ ဢ︀ꩫ︀်ႈၵ︀ႆ︀ႇလ︀ိူင︀်ႈမ︀ဝ်ꩫ︀ီႈꩬ︀လ︀ႂ်ႈ ꩬ︀ူၵ︀ႂ်ႈꩡ︀ႂ်ႈက︀ꩫ︀်ႈꩫ︀ႆ︀ႇ။

မ︀ႃက︀ု 3:5

ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇတ︀ီတ︀်ꩡ︀ိပ︀်ႉꩰꩬ︀ီဢ︀ူဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛဝိꩫ︀်ꩫ︀ူႈက︀ီး ၵ︀ဝ်ꩫ︀ႆ︀ႇꩡ︀ႂ်ႈတ︀ꩫ︀်ႈၸ︀ႅဝ်၊ ၸ︀ိတ︀်တ︀ြႃးၸ︀ႅဝ်ꩬ︀ီ မ︀ꩫ︀်းꩡ︀ဝ်ႛၵ︀ႂ်ႈꩡ︀ႃႇက︀ေႃႇၵ︀ႂ်ႈꩡ︀ႃႇ၊ ၵ︀ီꩡ︀ႂ်ႈ က︀ေႃႇၵ︀ီလ︀ူင︀်င︀ႆ︀းꩬ︀ီ ၸ︀ူႛဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ၢႆ︀ႈဢ︀မ︀ႂ်းမ︀ႆ︀ႛ “မ︀ိုဝ်းမ︀ႂ်းယ︀ီတ︀်ၵ︀ွတ︀်လ︀ႃး” ꩫ︀ꩬ︀ီဢ︀မ︀ိင︀်းꩭႂ်ႛဢ︀ူ။ မ︀ꩫ︀်းက︀ေႃႇ ယ︀ီတ︀်ၵ︀ွတ︀်က︀ီး မ︀ိုဝ်းမ︀ꩫ︀်းက︀ꩡ︀ူးꩫ︀ီႈꩬ︀ူဝ်းꩰက︀ႃဢ︀ူ။

လ︀ုက︀ႃ 7:39

ꩫ︀ႆ︀ႇမ︀ႆ︀ႛꩭꩫ︀်က︀ီး ၸ︀ႃရ︀ိꩬ︀ႄꩡ︀ဝ်ႛꩭိူꩫ︀်းꩫ︀ႆ︀ႇယ︀ႃႇ ꩫ︀ႂ်းꩡ︀ႂ်ႈမ︀ꩫ︀်းမ︀ႆ︀ႛ “ꩬ︀ြႃꩫ︀ႆ︀ႇ ꩬ︀င︀်ဝႃႈပ︀ီꩫ︀်ႈပ︀ရ︀ေႃးၸ︀ႅတ︀်ႉက︀ီး ၸ︀ူႛယ︀ိင︀်းဢ︀ꩫ︀်ႈဝၢမ︀်ႇတ︀ိꩫ︀်ႈမ︀ꩫ︀်းꩡ︀ဝ်ႛꩫ︀ႆ︀ႇ ပ︀ီꩫ︀်ႈၸ︀ႂ်၊ ဢ︀ပ︀ႅတ︀်ႉꩫ︀င︀်ꩭိုဝ်ꩭီတ︀်မ︀ႃးꩫ︀ꩫ︀ႆ︀ႇ မ︀ꩫ︀်းဝႃႈတ︀ွင︀်းဢ︀ူ” ꩫ︀ꩬ︀ီၵ︀ႂ်ႈꩡ︀ႂ်ႈဢ︀ူ။

က︀ေႃရ︀ိꩫ︀်တ︀ု ႑ 10:24

ꩬ︀ူၸ︀ႂ်က︀ေႃႇ ဢ︀က︀ိဝ်းၸ︀ူႛꩡ︀ဝ်ႛပ︀ီၵ︀ႃက︀ꩫ︀်ႈ။ က︀ူႈက︀ူဝ်ႇ ဢ︀က︀ိဝ်းပ︀ိူꩫ︀်ႈꩬ︀င︀် ၵ︀ႃက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 10:33

က︀ဝ်ႈၸ︀ူႛꩡ︀ဝ်ႛက︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ႛꩭၢပ︀်ႉꩫ︀ႆ︀ႇ ဢ︀က︀ိဝ်းၸ︀ူႛꩡ︀ဝ်ႛမ︀ဝ်ၵ︀ႃꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭႂ်ႛပ︀ူဝ်းက︀ူႈက︀ူဝ်ႇမ︀ႃးꩡ︀ႂ်ႈꩫ︀ႆ︀ႇ ꩬ︀ေႈꩡ︀ႃႉဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 11:18

ဢ︀ွꩫ︀်ႈတ︀ၢင︀်းလ︀ေႚလ︀ေႚဝႃႈက︀ွတ︀်ꩫ︀က︀ီး မ︀ိူဝ်ႈꩬ︀ူꩡ︀ွင︀်းၸ︀ြႃးမ︀ႆ︀ႛတ︀ုမ︀်ႈက︀ꩫ︀်ႈꩫ︀ႆ︀ႇ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈက︀ၢက︀်ႉက︀ꩫ︀်ႈꩫ︀ႆ︀ႇၵ︀ဝ်ယ︀င︀်းဢ︀ူꩫ︀ꩫ︀ႆ︀ႇ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။ ၵ︀ၢမ︀်းဢ︀မ︀ႂ်း က︀မ︀်ႈၸ︀ွင︀်းꩡ︀ႂ်ႈဢ︀ူꩫ︀ꩫ︀ႆ︀ႇ က︀ဝ်ႈယ︀ုမ︀်ဢ︀ူ။

က︀ေႃရ︀ိꩫ︀်တ︀ု ႑ 12:25

ပ︀ီꩫ︀်ႈင︀ႆ︀းꩫ︀ႆ︀ႇယ︀ႃႇ တ︀ူဝ်ႈꩭဝ်းမ︀ႆ︀ႛဢ︀ꩫ︀်ႈက︀ၢက︀်ႉက︀ꩫ︀်ႈꩫ︀ႆ︀ႇမ︀ဝ်ယ︀င︀်းꩬ︀ီ ꩬ︀ိက︀်ႉတ︀ူဝ်ႈဢ︀ꩫ︀်ႈမ︀ဝ်မ︀ိူꩫ︀်က︀ꩫ︀်ႈꩫ︀ႆ︀ႇၵ︀ဝ် တ︀င︀်းမ︀ိူင︀်းꩬ︀ိက︀်ႉလ︀ိူင︀်ႈမ︀ႆ︀ႛꩬ︀ိက︀်ႉလ︀ိူင︀်ႈ ꩭႂ်ႛပ︀ူဝ်းလ︀ႅင︀်ႇက︀ꩫ︀်ႈꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 7:36

ၸ︀ူႛꩡ︀ႆ︀ၢး ဢ︀ꩫ︀်ႈတ︀င︀်းၸ︀ူႛယ︀ိင︀်းမ︀ႆ︀ၢက︀ꩫ︀်ႈဝႆ︀ႇꩫ︀ႆ︀ႇ မ︀ဝ်တ︀င︀်ႛꩭိူꩫ︀်းက︀ွတ︀်ꩫ︀ꩬ︀ီ တ︀ႅပ︀်တ︀တ︀်ဝႆ︀ႇဢ︀ူꩫ︀က︀တ︀ႃႉ။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛꩡ︀ႂ်ႈဢ︀ꩫ︀်ႈၵ︀ႂ်ႈꩭူမ︀်ႈဢ︀ူꩫ︀ႆ︀ႇ ꩭႅင︀်းပ︀ူꩫ︀်ႇမ︀ႃးꩬ︀ီ ထုက︀်ꩫ︀ီႈဢ︀ဝ်ႈဢ︀ူꩫ︀ꩬ︀ီ မ︀ꩫ︀်းၵ︀ႂ်ႈꩡ︀ႂ်ႈမ︀ႃးက︀ီး ꩫ︀င︀်မ︀ꩫ︀်းၵ︀ႂ်ႈꩡ︀ႂ်ႈꩫ︀ႆ︀ႇꩫ︀က︀ꩫ︀်ႈ ဢ︀ဝ်ႈꩫ︀ႆ︀ႛဢ︀ူ။ ဢ︀ဝ်ႈက︀ꩫ︀်ႈꩫ︀ႆ︀ႇ ဢ︀ပ︀ႅတ︀်ႉꩵ︀ႈꩡ︀ႂ်ႈ။

က︀ေႃရ︀ိꩫ︀်တ︀ု ႒ 5:19

ၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ မ︀ဝ်မ︀တ︀်ႉဝႆ︀ႇꩬ︀ီ က︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛဢ︀ဝ်ႈထုက︀်က︀ꩫ︀်ႈပ︀ွက︀်ႉꩭႂ်ႛꩫ︀ႆ︀ႇꩫ︀မ︀်။

က︀လ︀ႃတ︀ိ 5:13

ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်းလ︀ွတ︀်ႉꩫ︀ႆ︀ႇꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ွတ︀်ႉယ︀ဝ်ႇꩫ︀ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛယ︀ႃႇ ꩬ︀ူပ︀ီꩡ︀ွမ︀်းဝၢင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ဝ်ႈမ︀ႅတ︀်ႉတ︀ႃꩬ︀ိုင︀်ꩡ︀ွႆ︀ႈက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 2:21

တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ꩡ︀ႃႇၸ︀ႂ်ꩡ︀ႃႇမ︀ꩫ︀်းꩫ︀ႆ︀ၢႈꩫ︀မ︀် ၵ︀ႂ်ႈꩡ︀ႂ်ႈက︀ꩫ︀်ႈꩫ︀ႆ︀ႇ။ ꩡ︀ႃႇꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ၸ︀ႂ်က︀ေႃႇꩵ︀ႈၵ︀ႂ်ႈꩡ︀ႂ်ႈ။

ၸ︀ိလ︀ိပ︀်ပ︀ၢႆ︀ 4:8

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈဝႃႈꩫ︀ႆ︀ႇယ︀ႃႇ ꩭူဝ်ꩡ︀ႂ်ႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈ၊ ဢ︀ꩫ︀်ႈꩫ︀ီႈမ︀ျတ︀်ႉ၊ ဢ︀ꩫ︀်ႈꩥ︀ႃးလ︀ွင︀်ႈ၊ ꩡ︀ႂ်ႈဢ︀ꩫ︀်ႈၵ︀ၢဝ်၊ တ︀ၢင︀်းက︀ႅင︀်းဢ︀ꩫ︀်ႈꩬ︀ႅꩫ︀်ႛ၊ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩭုမ︀်ꩫ︀ႆ︀ႇၵ︀ဝ် ꩡ︀ႂ်ႈဢ︀ꩫ︀်ႈမ︀ျတ︀်ႉလ︀ူင︀်ꩬ︀ီ ၵ︀ိူင︀်ႈꩫ︀ီႈယ︀ူဝ်းယ︀ွင︀်ႛꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈဢ︀ူတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်တ︀ူႈꩭီတ︀်ဢ︀မ︀ူးꩬ︀ေႈꩡ︀ႃႉမ︀ႃးꩫ︀က︀ꩫ︀်ႈ ꩭိုဝ်လ︀ိုဝ် ဝႃႈယ︀ီင︀်ႈꩡ︀ွမ︀်းꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈ ဢ︀ူ။ မ︀ိူဝ်ႈတ︀ူႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ တ︀ူႈꩵ︀ႈၵ︀ၢꩫ︀်ႇမ︀ႃး။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။

တ︀ိမ︀ေႃတ︀ေ ႒ 4:16

မ︀ိူဝ်ႈꩭႃပ︀ထမ︀ က︀ဝ်ႈပ︀ၢင︀်ႈတ︀ြႃးမ︀ႆ︀ႛ က︀ႃဝွꩫ︀်းၵ︀ႅꩫ︀်းꩫ︀ႆ︀ႇ ပ︀ႃႛက︀ဝ်ႈမ︀ႆ︀ႛၸ︀ႂ်က︀ေႃႇ ꩵ︀ႈꩡ︀ွႆ︀ႈတ︀ၢꩫ︀်ႛမ︀ႃး။ က︀ဝ်ႈမ︀ႆ︀ႛ တ︀င︀်းမ︀ိူင︀်းၵ︀ွတ︀်ပ︀ႆ︀ၢႈက︀ႃဢ︀ူ။ ဢ︀ꩫ︀်ႈၵ︀ဝ်ꩭီတ︀်င︀ႆ︀းမ︀ႃးꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ၢမ︀်ဢ︀ပ︀ႅတ︀်ႉ ပ︀ီꩭႂ်ႛပ︀ူင︀်ႈတ︀ီၵ︀ႃႛက︀ႃတ︀ႃႉ။

ယ︀ႃက︀ု 1:19

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႃႛဢ︀ꩫ︀်ႈထွမ︀်မ︀ႆ︀ႛꩭူꩭႂ်ႛၸ︀ႆ︀ၢက︀ꩫ︀်ႈတ︀ႃႉ။ ပ︀ႃႛဢ︀ꩫ︀်ႈတ︀ၢꩫ︀်ႛမ︀ႆ︀ႛယ︀ႃႇ လ︀ဝ်ႈတ︀ူဝ်ႈꩬ︀ီပ︀ီတ︀ၢꩫ︀်ႛဝၢင︀်၊ ပ︀ီၵ︀ႂ်ႈꩡ︀ႃႇဝၢင︀်။