က︀ေႃရ︀ိꩫ︀်တ︀ု ႑ 12:12 - Khamti Shan

¹² တ︀ူဝ်ႈꩭဝ်းမ︀ႆ︀ႛ ꩬ︀ိက︀်ႉတ︀ူဝ်ႈဢ︀ၢꩫ︀်တ︀ၢꩫ︀်ယ︀င︀်းꩫ︀က︀ေႃႇ တ︀ူဝ်ႈꩭဝ်းယ︀ႃႇဢ︀ꩫ︀်ႈလ︀ိဝ်ႈꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ပ︀ီꩫ︀်ႈင︀ႆ︀းꩫ︀မ︀်။

က︀ေႃရ︀ိꩫ︀်တ︀ု ႑ 12:12 ပူးပေါင်းရင်းမြစ်များ

က︀ေႃရ︀ိꩫ︀်တ︀ု ႑ 10:17

ၵ︀ဝ်ႛမ︀ုꩫ︀်းလ︀ုက︀်ႉလ︀ိူင︀်ႈမ︀ႆ︀ႛꩫ︀ႆ︀ၢႈ ꩭဝ်းတ︀င︀်းလ︀ုင︀်ꩭူမ︀်ႈက︀ိꩫ︀်ႈꩫ︀ႆ︀ႇꩬ︀ီ ꩭဝ်းတ︀င︀်းမ︀ိူင︀်းယ︀ႃႇ ၵ︀ႂ်ႈလ︀ႂ်ႈꩫ︀မ︀်ꩫ︀က︀ေႃႇ က︀ူဝ်ႇလ︀ိူင︀်ႈꩫ︀ႆ︀ၢႈꩬ︀ႃး။

က︀ေႃရ︀ိꩫ︀်တ︀ု ႑ 12:20

ꩫ︀ႆ︀ႇꩬ︀ေႇမ︀ဝ်က︀ႃး င︀ႆ︀ႚတ︀ူဝ်ႈꩭဝ်းယ︀ႃႇ ꩬ︀ိက︀်ႉတ︀ူဝ်ႈဢ︀ၢꩫ︀်တ︀ၢꩫ︀်ယ︀င︀်းꩬ︀ီ တ︀ူဝ်ႈယ︀ႃႇ ဢ︀ꩫ︀်ႈလ︀ိူင︀်ႈꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 12:27

ꩬ︀ူတ︀င︀်းမ︀ိူင︀်းယ︀ႃႇ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ ꩬ︀ူက︀ူႈက︀ူဝ်ႇယ︀ႃႇ ꩬ︀ိက︀်ႉတ︀ွꩫ︀်ႈမ︀ꩫ︀်းꩡ︀ဝ်ႛ ဢ︀ေႈဢ︀ꩫ︀်ႈꩰꩫ︀မ︀်။

က︀ေႃရ︀ိꩫ︀်တ︀ု ႑ 12:7

ꩭဝ်းက︀ူႈက︀ူဝ်ႇမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူးꩭႂ်ႛဝႆ︀ႇꩫ︀ႆ︀ႇယ︀ႃႇ ꩡ︀ႃႇꩭီတ︀်ဢ︀က︀ိဝ်းမ︀ိူင︀်းꩫ︀မ︀်။ ꩬ︀ူးဢ︀မ︀ႂ်းယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈမ︀ꩫ︀်းꩡ︀ဝ်ႛ က︀ꩫ︀်ႛꩫ︀ႂ်းꩭဝ်းမ︀ႆ︀ႛ ၵ︀ိင︀်းဢ︀ူꩫ︀ႆ︀ႇꩫ︀မ︀်။

က︀လ︀ႃတ︀ိ 3:16

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်င︀ႆ︀း ꩡ︀ိူဝ်ႇၵ︀ိူဝ်းမ︀ꩫ︀်းမ︀ႆ︀ႛ က︀တ︀ိꩭႂ်ႛဝႆ︀ႇမ︀ႃးဢ︀ူ။ ꩡ︀ိူဝ်ႇၵ︀ိူဝ်းမ︀ꩫ︀်းꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ က︀ူꩫ︀်းꩫ︀မ︀်ꩰမ︀ႆ︀ႛဝႃႈမ︀ဝ်ꩡ︀ႂ်ႈꩬ︀ီ က︀ူဝ်ႇလ︀ိဝ်ႈမ︀ႆ︀ႛꩫ︀ႆ︀ၢႈꩡ︀ိုဝ်ဝႆ︀ႇꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

ဢ︀ေၸ︀ႅတ︀် 1:23

ꩡ︀ိူဝ်းꩡ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈတ︀ီမ︀်ႈက︀ုမ︀်ꩫ︀မ︀်။ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛက︀ေႃႇ က︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛ က︀ူႈꩡ︀ွင︀်ႈက︀ူႈလ︀ွင︀်ႈဢ︀ဝ်ႈတ︀ီမ︀်ႈက︀ုမ︀်ဝႆ︀ႇဢ︀ူ။

ဢ︀ေၸ︀ႅတ︀် 4:12

မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀င︀်ဢ︀ꩫ︀်ႈၵ︀ဝ်ထုက︀်ꩫ︀ီႈꩭီတ︀်ꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛမ︀ႆ︀ႛ ပ︀ူက︀်ဢ︀ဝ်ႈယ︀ႂ် ပ︀ီꩫ︀်ႈꩫ︀ႆ︀ႇꩫ︀မ︀်။ ꩡ︀ိူဝ်းဢ︀မ︀ႂ်းယ︀ႃႇ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

ဢ︀ေၸ︀ႅတ︀် 4:4

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ီꩫ︀်ႈတ︀ူဝ်ႈလ︀ိဝ်ႈ ၵ︀ွꩫ︀်လ︀ိဝ်ႈꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛလ︀ွင︀်ႈတ︀ႂ်းထႃႛပ︀ႃးလ︀ိဝ်ႈမ︀ႆ︀ႛꩫ︀မ︀် ꩭွင︀်ႇမ︀ႃးꩫ︀ႆ︀ႇ။

ဢ︀ေၸ︀ႅတ︀် 5:23

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်၊ ꩡ︀ဝ်ႛၵ︀ေꩬ︀ေꩡ︀ိူဝ်း ဢ︀ꩫ︀်ပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛယ︀ႃႇ ပ︀ီꩫ︀်ႈက︀ုမ︀်ꩭူဝ်ꩡ︀ိူဝ်းꩫ︀က︀ꩫ︀်ႈ ပ︀ူဝ်ႈꩭိူꩫ︀်းယ︀ႃႇ က︀ုမ︀်ꩭူဝ်မ︀ေႈꩭိူꩫ︀်းꩫ︀မ︀်။

ဢ︀ေၸ︀ႅတ︀် 5:30

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းယ︀ႃႇ ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈꩬ︀ိက︀်ႉတ︀ူဝ်ႈꩫ︀ႆ︀ႇ ၵ︀ဝ်ꩫ︀မ︀်။

က︀ေႃလ︀ေႃတ︀ႄ 1:18

မ︀ꩫ︀်းꩡ︀ဝ်ႛယ︀ႃႇ က︀ုမ︀်ꩭူဝ်ꩡ︀ိူဝ်းꩡ︀ဝ်ႛ ဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ၊ ꩡ︀ဝ်ႛဢ︀ꩫ︀်ႈꩡ︀ိူဝ်းꩡ︀ဝ်ႛမ︀ႆ︀ႛ ဢ︀ꩬ︀ၢက︀်ႉဢ︀ဝ်ႈယ︀င︀်း၊ လ︀ုက︀်ႉꩡ︀ႆ︀ၢးလ︀ူင︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးဢ︀ွꩫ︀်ႈ ꩡ︀ႃႇꩭၢင︀်းတ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛꩭီတ︀်ꩭူဝ်ꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

က︀ေႃလ︀ေႃတ︀ႄ 2:19

ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈပ︀ီꩫ︀်ႈက︀ုမ︀်ꩭူဝ်းꩡ︀ိူဝ်းꩡ︀ဝ်ႛမ︀ႆ︀ႛယ︀ႃႇ ꩵ︀ႈပ︀ိုင︀်ႈဢ︀ိင︀်ႈယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛမ︀ႆ︀ႛင︀မ︀်းꩬ︀ီ တ︀ူဝ်ႈမ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ႃႈꩫ︀ုက︀်ꩫ︀ႆ︀ႇၵ︀ဝ်၊ ဢ︀ဝ်ႈမ︀မ︀်ႈက︀ၢပ︀်ꩫ︀ုက︀်ꩫ︀ႆ︀ႇၵ︀ဝ် ဢ︀ႃꩭႃယ︀ꩡ︀ႃႇတ︀င︀်းတ︀ူဝ်ႈꩡ︀ုပ︀်ဢ︀ဝ်ႈꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀လ︀ၢင︀်းယ︀င︀်းꩫ︀က︀ꩫ︀်ႈ ယ︀ႂ်မ︀ႃးꩫ︀မ︀်။

က︀ေႃလ︀ေႃတ︀ႄ 3:15

ꩬ︀ူမ︀ႆ︀ႛဢ︀ဝ်ႈထုက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩭႂ်ႛပ︀ူဝ်းက︀ၢပ︀်ꩬ︀ီ ထုက︀်က︀ꩫ︀်ႈက︀ႃꩫ︀ႆ︀ႇꩬ︀ိုင︀် ꩫ︀တ︀်ꩬ︀ီꩭီတ︀်က︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈꩫ︀ႆ︀ႇ ꩭွင︀်ႇဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။