က︀ေႃရ︀ိꩫ︀်တ︀ု ႑ 11:34 - Khamti Shan

³⁴ ꩬ︀င︀်ဝႃႈꩬ︀ူတ︀ွင︀်ႇမ︀ႆ︀ႛၸ︀ႅဝ်က︀ီးယ︀ႃႇ ꩭိူꩫ︀်းၸ︀ူႛꩡ︀ဝ်ႛမ︀ႆ︀ႛက︀ိꩫ︀်ႈမ︀ႃးက︀ꩫ︀်ႈတ︀ႃႉ။ င︀ႆ︀းက︀ီး မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးမ︀ႆ︀ႛꩫ︀ႆ︀ႛလ︀ွတ︀်ႉဢ︀ူ။ လ︀ွင︀်ႈတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈက︀ဝ်ႈမ︀ႃးꩫ︀ႆ︀ႇꩬ︀င︀် ꩫ︀ေꩭႂ်ႛက︀ွတ︀်။

က︀ေႃရ︀ိꩫ︀်တ︀ု ႑ 11:34 ပူးပေါင်းရင်းမြစ်များ

က︀ေႃရ︀ိꩫ︀်တ︀ု ႑ 11:33

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူတ︀ီက︀ိꩫ︀်ႈပ︀ွႆ︀းမ︀ၢင︀်က︀လ︀ႃꩡ︀ဝ်ႛꩬ︀ီ တ︀ုမ︀်ႈက︀ꩫ︀်ႈက︀ီး က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ထႃႛက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 16:1

ꩡ︀ႃႇလ︀ိူင︀်ႈ လ︀ွင︀်ႈက︀ီပ︀်ၵ︀ွင︀်လ︀ူꩡ︀ႃႇꩡ︀ွႆ︀ႈ က︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်ဝႃႈက︀ွတ︀်။ ဢ︀မ︀ႂ်းယ︀ႃႇ ꩫ︀င︀်က︀ဝ်ႈꩡ︀ိူဝ်းဝီင︀်းက︀လ︀ႃတ︀ိမ︀ႆ︀ႛ ဝႃႈမ︀ႃးꩫ︀က︀ꩫ︀်ႈ ꩬ︀ူက︀ေႃႇꩭီတ︀်တ︀ႃႉ။

က︀ေႃရ︀ိꩫ︀်တ︀ု ႑ 16:2

က︀ဝ်ႈမ︀ႃးက︀ႃꩫ︀ႆ︀ႇꩬ︀ိုင︀် ယ︀ုင︀်းင︀ိူꩫ︀်းꩫ︀ႆ︀ႇပ︀ီꩭီတ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇꩬ︀ိုင︀် ꩭႂ်ႛပ︀ူဝ်းမ︀ဝ်ဝႃႈယ︀ုင︀်းꩫ︀ႆ︀ႇ ဝꩫ︀်းတ︀ꩫ︀ီꩫ︀်းက︀ꩫ︀ွေက︀ူႈဝꩫ︀်းမ︀ႆ︀ႛ ꩬ︀ူက︀ူႈက︀ူဝ်ႇ က︀ႃႈꩫ︀င︀်ၸ︀ႂ်မ︀ꩫ︀်းပ︀ီꩫ︀်ႈပ︀ေႇꩫ︀ႆ︀ႇ ꩬ︀ႂ်ဝႆ︀ႇက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 16:5

က︀ဝ်ႈတ︀ိူင︀်းမ︀ႃက︀ေတ︀ေႃꩫ︀ိမ︀ႆ︀ႛဝႃႈၵ︀ဝ်ႛꩫ︀ႆ︀ႇꩬ︀ီ ဢ︀မ︀ႂ်းမ︀ႆ︀ႛပ︀ꩫ︀်ယ︀ဝ်ႇက︀ီးꩬ︀ိုင︀် ꩬ︀ူမ︀ႆ︀ႛမ︀ႃးက︀ွတ︀်။

က︀ေႃရ︀ိꩫ︀်တ︀ု ႑ 4:17

င︀ႆ︀းꩬ︀ီꩫ︀မ︀် တ︀ိမ︀ေႃတ︀ေမ︀ႆ︀ႛ က︀ဝ်ႈꩬ︀ူမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇꩫ︀မ︀်။ မ︀ꩫ︀်းထိုင︀်မ︀ႃးက︀ီး ꩬ︀ူမ︀ႆ︀ႛတ︀ၢင︀်းက︀ႅင︀်း ဢ︀ꩫ︀်ႈက︀ဝ်ႈၸ︀ူႛꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ က︀မ︀်ႈက︀ႅင︀်းꩬ︀ီဢ︀ူင︀ႆ︀း ဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛꩬ︀ီဢ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ူမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 4:19

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀လ︀ၢင︀်းယ︀င︀်းက︀ီး က︀ဝ်ႈ မ︀ဝ်ꩭိုင︀်က︀ꩬ︀င︀် တ︀ီထိုင︀်မ︀ႃးꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းဢ︀ꩫ︀်ႈမ︀ႃꩫ︀ယ︀ႂ်ꩫ︀ႆ︀ႇၵ︀ဝ် ၵ︀ဝ်မ︀ႆ︀ႛတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းတ︀ေႇတ︀ေႇလ︀ႃႊ ꩬ︀ူပ︀်ꩫ︀ႆ︀ၢႈလ︀ႃႊꩫ︀ꩫ︀ႆ︀ႇ တ︀ီꩫ︀ႆ︀ႛတ︀ွင︀်းꩫ︀မ︀်။

က︀ေႃရ︀ိꩫ︀်တ︀ု ႑ 7:17

ꩫ︀ႆ︀ႇꩫ︀ႆ︀ၢႈက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူက︀ူႈက︀ူဝ်ႇမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းꩡ︀ွင︀်ဝႆ︀ႇ ဢ︀ဝ်ႈပ︀ီꩫ︀်ႈဝႆ︀ႇဢ︀ူ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ ꩬ︀ူꩭလ︀ိုဝ်ဢ︀ူမ︀ႃးꩫ︀က︀ေႃႇ ꩫ︀င︀်ဢ︀မ︀ႂ်းꩫ︀က︀ꩫ︀်ႈ က︀ၢပ︀်ꩬ︀ီဢ︀ူက︀ႃက︀ꩫ︀်ႈတ︀ႃႉ။ ꩫ︀ႆ︀ႇယ︀ႃႇ တ︀ြႃးဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛဢ︀ူꩫ︀ႆ︀ႇꩫ︀မ︀်။

တ︀ိတ︀ု 1:5

မ︀ႂ်းမ︀ႆ︀ႛက︀ဝ်ႈင︀ွꩫ︀်ႈက︀ရ︀ေတ︀ေမ︀ႆ︀ႛ ꩭႂ်ႛဢ︀ူꩫ︀ႆ︀ႇ ဢ︀မ︀ူးဢ︀ꩫ︀်ႈဢ︀မ︀ႂ်းမ︀ႆ︀ႛက︀ိူတ︀်ꩫ︀ႆ︀ႇၵ︀ဝ် ꩭႂ်ႛꩭီတ︀်က︀ွတ︀်ꩫ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩫ︀င︀်က︀ဝ်ႈဝႃႈꩫ︀က︀ꩫ︀်ႈ က︀ူႈဝီင︀်းမ︀ႆ︀ႛ ၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ် လ︀ိူက︀်ႉတ︀ၢင︀်ꩭႂ်ႛတ︀ႃႉ။