က︀ေႃရ︀ိꩫ︀်တ︀ု ႑ 11:22 - Khamti Shan

²² ꩬ︀ူꩭီတ︀်င︀ႆ︀းꩫ︀ႆ︀ႇ ꩬ︀ူမ︀ႆ︀ႛ ꩭိူꩫ︀်းတ︀ီႈက︀ိꩫ︀်ႈၵ︀ဝ်ႛမ︀ဝ်ယ︀င︀်းꩬ︀ီက︀ျႃး။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ၵ︀ၢꩫ︀်းꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈဢ︀ဝ်ႈဢ︀ႆ︀ၢႈꩬ︀ီက︀ျႃး။ ꩬ︀ူꩭီတ︀်င︀ႆ︀းꩫ︀ႆ︀ႇ ၵ︀ꩫ︀်တ︀ႂ်းက︀ဝ်ႈတ︀ီယ︀ူဝ်းယ︀ွင︀်ႛက︀ျႃး။ ꩭလ︀ိုဝ်က︀ေႃႇ ꩵ︀ႈယ︀ူဝ်းယ︀ွင︀်ႛ။

က︀ေႃရ︀ိꩫ︀်တ︀ု ႑ 11:22 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 20:28

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

က︀ေႃရ︀ိꩫ︀်တ︀ု ႑ 10:32

လ︀ႆ︀ၢးပ︀ိူဝ်ႈꩬ︀ူꩬ︀ီ က︀ျူးပ︀တ︀ု၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈပ︀တ︀ု က︀ူꩫ︀်းꩡ︀ိူဝ်းꩡ︀ဝ်ႛၵ︀ဝ်ပ︀တ︀ု ꩭႂ်ႛပ︀ူဝ်းၸ︀ႂ်က︀ေႃႇ မ︀ဝ်တ︀ွင︀်ႛလ︀ူမ︀်ႇꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 11:17

ꩫ︀ႆ︀ႇꩫ︀က︀ေႃႇ မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩬ︀ီဝႆ︀ႈၸ︀ြႃးꩫ︀ႆ︀ႇယ︀ႃႇ လ︀ွင︀်ႈꩫ︀ီႈယ︀ႃႇမ︀ဝ်ၵ︀ႂ်ႈလ︀ႂ်ႈꩬ︀ီ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈၵ︀ႅꩫ︀်းꩫ︀မ︀်ဢ︀ူ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈꩫ︀ႆ︀ႇမ︀ႆ︀ႛယ︀ႃႇ ꩬ︀ူမ︀ႆ︀ႛက︀ဝ်ႈꩵ︀ႈယ︀ူဝ်းယ︀ွင︀်ႛ။

က︀ေႃရ︀ိꩫ︀်တ︀ု ႑ 11:2

ꩬ︀ူက︀ဝ်ႈမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ွက︀်ꩡ︀ႂ်ႈင︀ႆ︀း ထုင︀်းၸ︀ိင︀်ႛဢ︀ꩫ︀်ႈက︀ဝ်ႈꩫ︀ေꩭႂ်ႛꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈယ︀ူဝ်းယ︀ွင︀်ႛဢ︀ူ။

က︀ေႃရ︀ိꩫ︀်တ︀ု ႑ 11:34

ꩬ︀င︀်ဝႃႈꩬ︀ူတ︀ွင︀်ႇမ︀ႆ︀ႛၸ︀ႅဝ်က︀ီးယ︀ႃႇ ꩭိူꩫ︀်းၸ︀ူႛꩡ︀ဝ်ႛမ︀ႆ︀ႛက︀ိꩫ︀်ႈမ︀ႃးက︀ꩫ︀်ႈတ︀ႃႉ။ င︀ႆ︀းက︀ီး မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးမ︀ႆ︀ႛꩫ︀ႆ︀ႛလ︀ွတ︀်ႉဢ︀ူ။ လ︀ွင︀်ႈတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈက︀ဝ်ႈမ︀ႃးꩫ︀ႆ︀ႇꩬ︀င︀် ꩫ︀ေꩭႂ်ႛက︀ွတ︀်။

က︀ေႃရ︀ိꩫ︀်တ︀ု ႑ 15:9

က︀ဝ်ႈယ︀ႃႇ ꩫ︀ႂ်းတ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈက︀ွႆ︀ႛပ︀ိူꩫ︀်ႈꩫ︀မ︀်။ ဢ︀ꩫ︀်ႈတ︀ေႇတ︀ေႇက︀ီး က︀ဝ်ႈယ︀ႃႇ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ိက︀်ႉꩬ︀ၢက︀်ႉမ︀ႃးꩫ︀ႆ︀ႇꩬ︀ီ က︀ဝ်ႈမ︀ႆ︀ႛꩭွင︀်ႇတ︀မ︀ၢꩫ︀်ꩡ︀ဝ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

တ︀ိမ︀ေႃတ︀ေ ႑ 3:5

ꩭွင︀်ႛꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ဢ︀ွꩫ︀်ႈꩫ︀ီႈꩫ︀ီႈ မ︀ဝ်ꩫ︀ႆ︀ႛက︀ီး ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭိုဝ်လ︀ိုဝ်က︀ေႃႇဢ︀ွꩫ︀်ႈꩫ︀ီႈꩫ︀ီႈ ꩵ︀ႈꩫ︀ႆ︀ႛ။