က︀ေႃရ︀ိꩫ︀်တ︀ု ႑ 10:13 - Khamti Shan

¹³ ဢ︀ꩫ︀်ႈꩬ︀ူမ︀ႆ︀ႛ ၵ︀ုꩫ︀်ꩬ︀ူင︀်က︀ဝ်းꩫ︀ႆ︀ႇၵ︀ဝ်ယ︀ႃႇ တ︀ိူက︀်ႉဢ︀ꩫ︀်ႈက︀ူꩫ︀်းတ︀င︀်းမ︀ိူင︀်း ꩭူပ︀်ႉꩭꩫ︀်ꩫ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ တ︀ိူက︀်ႉဢ︀ꩫ︀်ႈꩬ︀ူၵ︀ၢမ︀်မ︀ဝ်ပ︀ီꩫ︀်ႈယ︀ႃႇ ꩬ︀ူမ︀ႆ︀ႛꩵ︀ႈꩭႂ်ႛက︀ဝ်း။ မ︀ိူဝ်ႈꩬ︀ူမ︀ႆ︀ႛၵ︀ုꩫ︀်ꩬ︀ူင︀်က︀ဝ်းꩫ︀ႆ︀ႇ ꩭႂ်ႛပ︀ူဝ်းꩬ︀ူၵ︀ၢမ︀်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ ꩭႅင︀်းထႅမ︀်ꩭႂ်ႛꩬ︀ီ တ︀ၢင︀်းလ︀ွတ︀်ႉဢ︀ွက︀်က︀ေႃႇ တ︀ီꩬ︀ၢင︀်ꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 10:13 ပူးပေါင်းရင်းမြစ်များ

မ︀တ︀်တ︀ႄး 6:13

ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩭႂ်ႛပ︀ူဝ်းတ︀ူႈၵ︀ႃႛမ︀ဝ်လ︀ွေႛက︀ႃꩫ︀ႆ︀ႇ ဢ︀ွꩫ︀်ႈတ︀ၢင︀်းꩭႂ်ႛꩬ︀ီ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛက︀ေႃႇ တ︀ူႈၵ︀ႃႛမ︀ႆ︀ႛက︀ုမ︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးတ︀ႃႉ။

လ︀ုက︀ႃ 11:4

ဢ︀ꩫ︀်ႈပ︀ိူꩫ︀်ႈၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ တ︀ူႈၵ︀ႃႛပ︀ွႆ︀လ︀ွတ︀်ႉꩭႂ်ႛꩫ︀ႆ︀ႇꩬ︀ီ ဢ︀ပ︀ႅတ︀်ႉတ︀ူႈၵ︀ႃႛမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ။ မ︀ိူဝ်ႈတ︀ူႈၵ︀ႃႛမ︀ႆ︀ႛ ဢ︀ꩫ︀်ႈယ︀ႃႇဢ︀ꩫ︀်ႈက︀ဝ်းထိုင︀်မ︀ႃးꩫ︀ႆ︀ႇ ꩭႂ်ႛပ︀ူဝ်းတ︀ူႈၵ︀ႃႛပ︀ေႇဢ︀ွင︀်ꩫ︀ႆ︀ႇ ꩡ︀ွႆ︀ႈꩭႂ်ႛတ︀ီၵ︀ႃႛမ︀ႃးတ︀ႃႉ ꩫ︀ꩬ︀ီယ︀ွꩫ︀်းꩬ︀ူးတ︀ႃႉ” ꩫ︀ဝꩫ︀်ႇ။

လ︀ုက︀ႃ 16:26

ꩫ︀ႆ︀ႇꩬ︀ေႇမ︀ဝ်က︀ႃး ဝူင︀်ႈက︀ၢင︀်ႈꩬ︀ူꩫ︀ၵ︀ႃတ︀ူႈမ︀ႆ︀ႛ လ︀ႃꩭူႇလ︀ူင︀်ၵ︀ꩫ︀်ႛꩫ︀ႆ︀ႇꩬ︀ီ က︀ႃက︀ꩫ︀်ႈမ︀ႃးက︀ꩫ︀်ႈꩵ︀ႈꩫ︀ႆ︀ႛ” ꩫ︀ဝꩫ︀်ႇ။

လ︀ုက︀ႃ 22:46

ၵ︀ဝ်မ︀ႆ︀ႛ “ꩭီတ︀်က︀ꩬ︀င︀်ꩫ︀ႆ︀ ꩬ︀ူꩫ︀ွꩫ︀်းဢ︀ူꩫ︀ႆ︀ႇ။ ꩭႂ်ႛပ︀ူဝ်းဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ မ︀ဝ်လ︀ွေႛက︀ႃꩫ︀ႆ︀ႇ လ︀ုက︀်ႉꩬ︀ီယ︀ွꩫ︀်းꩬ︀ူးက︀ꩫ︀်ႈလ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 27:44

ယ︀ဝ်ႇက︀ီး က︀ူꩫ︀်းဢ︀ꩫ︀်ႈက︀ိူတ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ပ︀ႅꩫ︀်ႛꩫ︀ႆ︀ႇၵ︀ဝ်၊ ꩬ︀ိက︀်ႉꩬ︀ၢင︀်ႈၸ︀ူဝ်းဢ︀ꩫ︀်ႈၸ︀ေႛꩫ︀ႆ︀ႇၵ︀ဝ်မ︀ႆ︀ႛ ၵ︀ီꩬ︀ီꩭႂ်ႛလ︀ွႆ︀းက︀ႃဢ︀ူ။ င︀ႆ︀းꩬ︀ီ တ︀ူႈတ︀င︀်းမ︀ိူင︀်း လ︀ွတ︀်ႉၸ︀ေးꩬ︀ီ က︀ꩫ︀်ႛꩫ︀ိူဝ်င︀ွꩫ︀်းမ︀ႆ︀ႛ ထိုင︀်က︀ႃမ︀ူတ︀်ဢ︀ူ။

က︀ေႃရ︀ိꩫ︀်တ︀ု ႑ 1:9

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛꩭွင︀်ႇꩬ︀ီ တ︀င︀်းလ︀ုက︀်ႉမ︀ꩫ︀်းꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ဢ︀ဝ်ႈၵ︀ဝ်ႛၵ︀ွꩫ︀်ႛက︀ꩫ︀်ႈꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းဢ︀ူ။

က︀ေႃရ︀ိꩫ︀်တ︀ု ႒ 1:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ူႈမ︀ႆ︀ႛလ︀ုက︀်ႉꩫ︀ႂ်းၸ︀ေးတ︀ႆ︀ၢႈ ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛ က︀ၢပ︀်ꩬ︀ီက︀ေႃႇ တ︀ူႈမ︀ႆ︀ႛတ︀ီၵ︀ေꩬ︀ေꩭႂ်ႛက︀ႃꩫ︀မ︀်ꩫ︀ꩫ︀ႆ︀ႇ တ︀ူႈတ︀မ︀်းꩡ︀ႂ်ႈဢ︀ူ။ ꩫ︀င︀်ꩬ︀ူယ︀ွꩫ︀်းꩬ︀ူးꩭႂ်ႛꩫ︀က︀ꩫ︀်ႈ မ︀ꩫ︀်းꩡ︀ဝ်ႛတ︀ူႈမ︀ႆ︀ႛ က︀ၢပ︀်ꩬ︀ီတ︀ီၵ︀ေꩬ︀ေꩭႂ်ႛꩫ︀မ︀်ꩫ︀ꩬ︀ီ တ︀ူႈတ︀ႂ်းထႃႛဢ︀ူꩫ︀မ︀်။ င︀ႆ︀းက︀ီး ဢ︀ꩫ︀်ႈတ︀ူႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းပ︀ူင︀်ႈꩭႂ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀်ꩭꩫ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:24

ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛꩭွင︀်ႇဝႆ︀ႇꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ ꩫ︀င︀်ꩫ︀ႆ︀ႇꩫ︀က︀ꩫ︀်ႈꩭီတ︀်က︀ႃဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:3

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းဢ︀ူ။ ꩫ︀င︀်မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩬ︀ူမ︀ႆ︀ႛဢ︀ဝ်ႈၵ︀ိူင︀်က︀ိုမ︀်းꩭႂ်ႛꩬ︀ီ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛ တ︀ီက︀ုမ︀်ႇၵ︀ႅꩫ︀်ꩭႂ်ႛꩫ︀မ︀်။

တ︀ိမ︀ေႃတ︀ေ ႒ 4:18

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛလ︀ုက︀်ႉၸ︀ေးတ︀င︀်းလ︀ုင︀်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ီꩬ︀ူင︀်ꩭႂ်ႛꩫ︀ီႈꩫ︀ီႈ ꩫ︀မ︀်။ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈတ︀ီၵ︀ႃႛက︀ႃတ︀ႃႉ။ ꩬ︀ႃထု။

ꩭေပ︀ရ︀ူး 10:23

ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း ဢ︀ꩫ︀်ႈꩭဝ်းတ︀ႂ်းထႃႛꩬ︀ီ ꩭီတ︀်ꩬ︀ၢက︀်ႉꩬ︀ေဝႆ︀ႇꩫ︀ႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈꩫ︀မ︀်။

ꩭေပ︀ရ︀ူး 11:11

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ူႛမ︀ေးမ︀ꩫ︀်း ꩬ︀ႃရ︀ႃက︀ေႃႇ မ︀ꩫ︀်ꩫ︀ႆ︀ႇꩬ︀ေႇမ︀ဝ်က︀ႃး ထဝ်ႛပ︀ူꩫ︀်ႇက︀ႃၵ︀ႂ်ႈလ︀ႂ်ႈꩫ︀က︀ေႃႇ ꩡ︀ဝ်ႛဢ︀ꩫ︀်ႈမ︀ꩫ︀်းမ︀ႆ︀ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းဢ︀ူꩫ︀ꩫ︀ႆ︀ႇ မ︀ꩫ︀်းယ︀ုမ︀်ယ︀မ︀်ႈꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ လ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈယ︀င︀်းမ︀ႃးဢ︀ူ။

ꩭေပ︀ရ︀ူး 12:4

ꩬ︀ူယ︀ႃႇ လ︀ွင︀်ႈင︀ိူင︀်ႇဢ︀ပ︀ႅတ︀်ႉမ︀ႆ︀ႛ ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈ တ︀ိူက︀်ႉꩫ︀ိူတ︀်ႉလ︀ႆ︀ပ︀ုꩫ︀်ႛယ︀ႃႇ ꩵ︀ႈပ︀ႆ︀ꩫ︀ႆ︀ႛတ︀ိက︀်တ︀ူဝ်း။

ꩭေပ︀ရ︀ူး 6:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ႅတ︀်ႉမ︀ဝ်ꩫ︀ႆ︀ႛꩫ︀ႆ︀ႇꩬ︀ီ က︀တ︀ိမ︀ꩫ︀်းꩡ︀ဝ်ႛꩫ︀ၵ︀ႃၵ︀ၢမ︀်းက︀ိꩫ︀်မ︀ꩫ︀်းꩡ︀ဝ်ႛ လ︀ွင︀်ႈꩬ︀ွင︀်ဢ︀ꩫ︀်ႈꩫ︀ႆ︀ႇက︀ေႃႇ လ︀ႆ︀ၢႈꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ ꩭဝ်း ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၵ︀ႃတ︀ီႈꩬ︀ွꩫ︀်ႈꩫ︀ႆ︀ႇၵ︀ဝ်ယ︀ႃႇ ꩫ︀င︀်ဢ︀ꩫ︀်ႈက︀တ︀ိမ︀ꩫ︀်းꩡ︀ဝ်ႛမ︀ႆ︀ႛ တ︀ႂ်းထႃႛဢ︀ၵ︀ႅက︀်ႉꩫ︀ႆ︀ႇꩫ︀က︀ꩫ︀်ႈ ꩭႅင︀်းꩫ︀ႆ︀ႛဢ︀ူ။

ပ︀ေတ︀ရ︀ု ႑ 4:19

င︀ႆ︀းꩫ︀ႆ︀ႇꩬ︀ီ က︀ွပ︀်ႉပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛဢ︀လ︀ၢင︀်းယ︀င︀်းꩬ︀ီ ꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀မ︀်ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛၸ︀ၢꩫ︀်ꩬ︀ၢင︀်း ꩡ︀ဝ်ႛဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းမ︀ႆ︀ႛ ꩡ︀ူဝ်ႈဢ︀ꩬ︀ၢက︀်ႉꩬ︀ူဢ︀ၢပ︀်ႉꩬ︀ီ လ︀ွင︀်ႈꩫ︀ီႈꩫ︀ႆ︀ႇၵ︀ဝ်က︀ၢပ︀်ꩭီတ︀်က︀ႃတ︀ႃႉ။

ပ︀ေတ︀ရ︀ု ႒ 2:9

င︀ႆ︀းꩫ︀ႆ︀ႇꩬ︀ီ လ︀ႅမ︀်းတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ ဢ︀ꩫ︀်ႈမ︀ဝ်က︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ူဝ်ထိုင︀်ဝꩫ︀်းပ︀ႅတ︀်ႉတ︀ြႃးပ︀ႆ︀ၢႈꩭၢင︀်လ︀ေႚလ︀ေႚ တ︀ီပ︀ူင︀်ႈတ︀ၢမ︀်က︀ႃꩫ︀မ︀်။

ယ︀ေႃးꩭၢꩫ︀် ႑ 1:9

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းင︀ႆ︀း ꩬ︀ိုဝ်ႈတ︀ူဝ်ꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ပ︀ႅတ︀်ႉꩭဝ်းပ︀ုတ︀်ၵ︀ႆ︀ႈက︀ီး ꩭဝ်းမ︀ႆ︀ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛꩬ︀ီ ဢ︀ꩫ︀်ႈမ︀ဝ်ꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ် ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။

ၿျႃၻိက︀်ႉ 19:11

ထတ︀်ꩫ︀ႆ︀ႇ က︀ၢင︀်ႈꩭၢဝ်ပ︀ုတ︀်ဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ မ︀ႃႇၸ︀ိူက︀်တ︀ူဝ်ႈလ︀ိူင︀်ႈယ︀င︀်းဢ︀ူ။ ꩡ︀ိုဝ်ႈၸ︀ူႛၵ︀ီမ︀ႃႇဢ︀မ︀ႂ်းယ︀ႃႇ ꩬ︀ႅတ︀်ႉꩡ︀ႃ၊ ꩬ︀မ︀်မ︀ႃꩫ︀ဝꩫ︀်ႇ။ မ︀ꩫ︀်းꩡ︀ဝ်ႛယ︀ႃႇ ꩫ︀င︀်တ︀ြႃးꩫ︀က︀ꩫ︀်ႈ ပ︀ႅတ︀်ႉတ︀ြႃးဢ︀ူ။ ꩫ︀င︀်တ︀ြႃးꩫ︀က︀ꩫ︀်ႈ တ︀ိက︀်ꩬ︀ိူက︀်ဢ︀ူ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 3:10

မ︀ႂ်းယ︀ႃႇ ၵ︀ၢမ︀်းက︀ဝ်ႈမ︀ႆ︀ႛထွမ︀်ꩬ︀ီ က︀ꩫ︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ေးတ︀ၢမ︀်ပ︀ူင︀်ႈꩬ︀ီꩡ︀ႅပ︀်ႉꩫ︀ႆ︀ႇ မ︀ႂ်းမ︀ႆ︀ႛယ︀ႃႇလ︀ုက︀်ႉၸ︀ေးမ︀ႆ︀ႛ က︀ဝ်ႈတ︀ီက︀ုမ︀်ႇꩭႂ်ႛꩫ︀မ︀်။