က︀ေႃရ︀ိꩫ︀်တ︀ု ႑ 1:8 - Khamti Shan8 ꩫ︀ႆ︀ႇꩬ︀ေႇမ︀ဝ်က︀ႃး ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးပ︀ွက︀်ႉမ︀ႃးꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇက︀ေႃႇ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ တ︀ူဝ်ပ︀ူဝ်းꩬ︀ုတ︀်တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။ အခန်းကိုကြည့်ပါ။ |
က︀ေႃရ︀ိꩫ︀်တ︀ု ႑ 1:8
29 ပူးပေါင်းရင်းမြစ်များ
ꩬ︀ူမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈၸ︀ူႛꩡ︀ႂ်ႇပ︀ိူꩫ︀်ႈမ︀ႆ︀ႛ ပ︀ႅတ︀်ႉတ︀ြႃးꩵ︀ႈယ︀င︀်းပ︀ိူင︀်ႈလ︀ူင︀်။ ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇ ဢ︀ꩫ︀်ႈꩭီတ︀်ꩫ︀ီႈꩫ︀ီႈ ꩡ︀ႂ်ႈမ︀ဝ်ꩡ︀ႂ်ႈꩫ︀ꩫ︀ႆ︀ႇ ꩡ︀ဝ်ႛၵ︀ဝ်ၸ︀ူႛꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭႂ်ႛပ︀ူဝ်းၵ︀ဝ်ဢ︀ပ︀ႅတ︀်ႉလ︀ွတ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ꩭီတ︀်ပ︀ီꩫ︀်ႈꩫ︀ႆ︀ႇꩬ︀ီ ၵ︀ဝ်ဢ︀ပ︀ႅတ︀်ႉတ︀ီလ︀ွတ︀်ႉꩫ︀မ︀်။
ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈꩬ︀ူယ︀ုမ︀်ယ︀မ︀်ႈဝႆ︀ႇမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛပ︀ီꩫ︀်ႈဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈက︀ီလ︀ႆ︀ၢꩡ︀ူဝ်ႈပ︀ၢꩫ︀်ႈ ဢ︀ဝ်ႈမ︀ႅပ︀်ဝႆ︀ႇမ︀ႃးꩬ︀ီ င︀ႆ︀ႚꩬ︀ိုင︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးမ︀ႃးꩫ︀ႆ︀ႇꩫ︀မ︀်။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩬ︀ူဢ︀ၢꩫ︀်ꩡ︀ၢင︀်ႈ ဢ︀ꩫ︀်ႈꩬ︀ူပ︀ွင︀်ꩡ︀ႂ်ႈꩫ︀ႆ︀ၢႈꩫ︀မ︀် တ︀ူႈတ︀ႅမ︀်ႛꩫ︀ႆ︀ႇ။ ꩬ︀ူင︀ႆ︀ႚ တ︀ူႈမ︀ႆ︀ႛ မ︀ဝ်ပ︀ႆ︀ပ︀ွင︀်ꩡ︀ႂ်ႈꩫ︀ီႈꩫ︀ီႈꩫ︀က︀ေႃႇ ဝꩫ︀်းလ︀ိူင︀်ႈယ︀ႃႇ ပ︀ွင︀်ꩡ︀ႂ်ႈမ︀ႃးꩬ︀ီ ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ု က︀ျွႃးပ︀ွက︀်ႉမ︀ႃးꩫ︀ႆ︀ႇ ꩫ︀င︀်ꩬ︀ူမ︀ႆ︀ႛတ︀ူႈꩭုမ︀်ꩡ︀ူမ︀်းꩫ︀က︀ꩫ︀်ႈ ꩬ︀ူက︀ေႃႇတ︀ူႈမ︀ႆ︀ႛ တ︀ီꩭုမ︀်ꩡ︀ူမ︀်းက︀ꩫ︀်ႈꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀မ︀်းꩡ︀ႂ်ႈဢ︀ူ။
ꩡ︀ႃႇလ︀ိူင︀်ႈ ꩡ︀ဝ်ႛဢ︀ꩫ︀်ႈꩬ︀ူꩫ︀ၵ︀ႃတ︀ူႈမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်မ︀ႆ︀ႛ ဢ︀ဝ်ႈယ︀ုမ︀်ယ︀မ︀်ႈၵ︀ိူင︀်ꩰꩭႂ်ႛꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛလ︀ိူက︀်ႉဢ︀ဝ်ႈင︀ႆ︀း တ︀ွက︀်ꩡ︀ုမ︀်ႛဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩭဝ်းမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛꩬ︀ႂ်ꩭႂ်ႛဢ︀ူ။ ၵ︀ွꩫ︀်ဢ︀မ︀ႂ်းယ︀ႃႇ ဢ︀ႃမ︀ၵ︀ၢမ︀်ꩡ︀ႃႇꩭၢင︀်း ဢ︀ꩫ︀်ႈꩭဝ်းမ︀ႆ︀ႛမ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းꩫ︀မ︀်။
မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ိူဝ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ူႛꩬ︀ၢဝ်မ︀ႂ်မ︀ꩫ︀်းꩡ︀ဝ်ႛဢ︀ၢပ︀်ႉꩫ︀ႆ︀ႇ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛ မ︀ိတ︀်ႉလ︀ိူင︀်ႈꩫ︀ၢႆ︀ႈက︀ေႃႇမ︀ဝ်ꩭင︀်ႛ၊ မ︀ဝ်ꩭုꩫ︀်ႛ၊ ꩭွႆ︀းက︀ꩬ︀င︀်က︀ေႃႇ မ︀ဝ်ယ︀င︀်းꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်င︀ႆ︀းꩬ︀ႅꩫ︀်ႛတ︀ီမ︀်ႈက︀ုမ︀်ꩬ︀ီ ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉက︀ꩬ︀င︀်က︀ေႃႇမ︀ဝ်ယ︀င︀်းꩫ︀ႆ︀ႇꩫ︀မ︀်။
ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ႆ︀ၢးပ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛ ဢ︀ဝ်ႈꩡ︀ႃတ︀ိႉက︀ူꩫ︀်းင︀ႆ︀း ၵ︀ၢမ︀်တ︀ႆ︀ၢႈꩭႂ်ႛမ︀ႃးꩫ︀ႆ︀ႇꩬ︀ီ ꩬ︀ူမ︀ႆ︀ႛတ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈထုက︀်က︀ꩫ︀်ႈပ︀ွက︀်ႉယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩬ︀ူ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်င︀ႆ︀း ꩡ︀ႂ်ႈၵ︀ၢဝ်ꩬ︀ီ ꩬ︀ူမ︀ႆ︀ႛ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းပ︀ိူင︀်ႈလ︀ူင︀်ꩫ︀ႆ︀ႇꩫ︀မ︀်။
ဝꩫ︀်းꩡ︀ဝ်ႛယ︀ေꩬ︀ုက︀ျွႃးပ︀ွက︀်ႉမ︀ႃးꩫ︀ႆ︀ႇထိုင︀်မ︀ႃးယ︀ဝ်ႇꩫ︀ꩬ︀ီ ပ︀ိူꩫ︀်ႈꩭိုဝ်လ︀ိုဝ်ꩬ︀ီဝႃႈꩫ︀က︀ေႃႇ ၵ︀တ︀်ႉၵ︀ႅင︀်းပ︀ီဢ︀ၢမ︀်းက︀ꩫ︀်ႈ၊ ꩡ︀ႂ်ႈယ︀ုင︀်ႛꩬ︀ီ ပ︀ီꩡ︀ႂ်ႈလ︀ူႇꩡ︀ႂ်ႈမ︀ႃက︀ꩫ︀်ႈ။ ၵ︀ၢဝ်ႈၵ︀ၢမ︀်းꩫ︀ႆ︀ႇꩭူင︀်က︀ꩫ︀်ႈက︀ီး ပ︀ိူꩫ︀်ႈယ︀ႃႇတ︀ီၵ︀ꩫ︀်တ︀ႂ်းၿျႃၻိက︀်ႉဢ︀ꩫ︀်ႈတ︀ူႈꩭူဝ်း၊ ၵ︀ၢမ︀်းဢ︀ꩫ︀်ႈတ︀ူႈꩬ︀ွꩫ︀်ꩬ︀င︀်၊ လ︀ိက︀်ႉဢ︀ꩫ︀်ႈတ︀ူႈတ︀ႅမ︀်ႛက︀ꩫ︀်ႈꩫ︀မ︀်။
င︀ႆ︀းꩫ︀ႆ︀ႇꩬ︀ီ င︀ႆ︀ႚက︀ဝ်ႈထွင︀်မ︀ႆ︀ႛ ꩫ︀ႆ︀ႛၻုက︀်ႉၵ︀ꩫ︀မ︀်။ ꩫ︀ႆ︀ႇꩫ︀က︀ေႃႇ က︀ဝ်ႈꩵ︀ႈဢ︀ႆ︀ၢႈပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုဢ︀ꩫ︀်ႈက︀ဝ်ႈတ︀ွင︀်းမ︀ႆ︀ႛꩫ︀မ︀် က︀ဝ်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ။ ယ︀ဝ်ႇက︀ီး ဢ︀ꩫ︀်ႈက︀ဝ်ႈမ︀ႆ︀ႛ မ︀ꩫ︀်းꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇက︀ေႃႇ တ︀ူဝ်ထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛက︀ုမ︀်ႇꩭႂ်ႛဢ︀ူꩫ︀ꩫ︀ႆ︀ႇက︀ေႃႇ က︀ဝ်ႈတ︀ွင︀်းဢ︀ူ။
ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။
ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းယ︀ႃႇ ꩫ︀င︀်မ︀ိူဝ်ႈၸ︀ူႛလ︀ၢက︀်ႉမ︀ႃးꩫ︀က︀ꩫ︀်ႈ မ︀ိူဝ်ႈꩭဝ်းမ︀ဝ်ထိူပ︀်မ︀ဝ်တ︀ႂ်းꩫ︀ႆ︀ႇ တ︀ီပ︀ွက︀်ႉမ︀ႃးꩫ︀မ︀်။ မ︀ိူဝ်ႈဢ︀မ︀ႂ်းယ︀ႃႇ ꩬ︀ီင︀်လ︀ူင︀်ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ က︀ၢင︀်ႈꩭၢဝ်ꩫ︀ႆ︀ႇၵ︀ဝ် တ︀ီꩭႆ︀ၢက︀ႃꩫ︀မ︀်။ ꩫ︀ိူꩫ︀်ႈ၊ ꩫ︀ၢဝ်ႈ၊ က︀ိဝ်ꩫ︀ႆ︀ႇၵ︀ဝ်က︀ေႃႇ တ︀ီꩡ︀ိူမ︀်ႈၸ︀ႆ︀းက︀ႃꩫ︀မ︀်။ လ︀င︀်ꩫ︀ိꩫ︀်ႈင︀ႆ︀းဢ︀ꩫ︀်ႈက︀ꩫ︀်ႛꩫ︀ိူဝ်လ︀င︀်ꩫ︀ိꩫ︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ တ︀ီꩡ︀ိူမ︀်ႈၸ︀ႆ︀းက︀ႃꩫ︀မ︀်။
ကြော်ငြာတွေ