က︀ေႃရ︀ိꩫ︀်တ︀ု ႑ 1:25 - Khamti Shan

²⁵ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅꩫ︀်းမ︀ိူက︀်ႉꩫ︀ႆ︀ႇ တ︀ၢင︀်းꩭူႇတ︀ွင︀်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ꩭူႇတ︀ွင︀်းꩬ︀ႃဢ︀ူ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅꩫ︀်းꩭႅင︀်းဢ︀ေꩫ︀ႆ︀ႇက︀ေႃႇ ꩭႅင︀်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀မ︀်ꩬ︀ႃဢ︀ူ။

က︀ေႃရ︀ိꩫ︀်တ︀ု ႑ 1:25 ပူးပေါင်းရင်းမြစ်များ

က︀ေႃရ︀ိꩫ︀်တ︀ု ႑ 1:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢဝ်ႈၵ︀ၢမ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ၢႆ︀ႈꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်မ︀ႆ︀ႛꩭူဝ်းက︀ီး ၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်ႈဢ︀မ︀ႂ်းမ︀ႆ︀ႛ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇꩭဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩫ︀က︀ီး ၵ︀ၢဝ်ႈၵ︀ၢမ︀်းဢ︀မ︀ႂ်းယ︀ႃႇ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ေꩬ︀ေက︀ူꩫ︀်းမ︀ိူင︀်းက︀ၢင︀်ႈꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

က︀ေႃရ︀ိꩫ︀်တ︀ု ႑ 1:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩥ︀ႅꩫ︀်ၵ︀ဝ်ၸ︀ူႛꩡ︀ဝ်ႛတ︀ွင︀်းမ︀ဝ်ꩫ︀ႆ︀ႛꩫ︀ႆ︀ႇ ဢ︀ဝ်ႈꩥ︀ႅꩫ︀်ၵ︀မ︀်းမ︀ꩫ︀်းꩡ︀ဝ်ႛꩭီတ︀်ဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်း ဢ︀ꩫ︀်ႈပ︀ိူꩫ︀်ႈ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀ꩫ︀ႆ︀ႇꩬ︀ိုင︀် ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈၵ︀ေꩬ︀ေꩫ︀မ︀်။

က︀ေႃရ︀ိꩫ︀်တ︀ု ႑ 2:14

က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ယ︀င︀်းꩫ︀ႆ︀ႇၵ︀ဝ်ယ︀ႃႇ ꩬ︀မ︀်မ︀ႃတ︀ြႃး ဢ︀ꩫ︀်ႈလ︀ုက︀်ႉၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ မ︀ႆ︀ႛမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉꩵ︀ႈꩫ︀ႆ︀ႛ။ က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩬ︀ီ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် ꩬ︀မ︀်မ︀ႃတ︀ြႃးဢ︀မ︀ႂ်း ၵ︀ႂ်ႈလ︀ႂ်ႈလ︀ႅင︀်ႇꩫ︀ꩫ︀ႆ︀ႇမ︀ႆ︀ႛ ပ︀ွင︀်ꩡ︀ႂ်ႈꩫ︀ႆ︀ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၢႆ︀ႈꩬ︀ိုင︀် ပ︀ွင︀်ꩡ︀ႂ်ႈꩫ︀ႆ︀ႛꩬ︀ီꩫ︀မ︀်။

က︀ေႃရ︀ိꩫ︀်တ︀ု ႑ 4:10

တ︀ူႈꩭူဝ်းလ︀ွင︀်ႈꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛယ︀ႃႇပ︀ိူꩫ︀်ႈၵ︀ꩫ︀်တ︀ႂ်း က︀ူꩫ︀်းမ︀ိူက︀်ႉꩫ︀မ︀်။ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၵ︀ꩫ︀်တ︀ႂ်း ၸ︀ူႛꩭူႇတ︀ွင︀်းꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇꩵ︀ႈꩡ︀ႂ်ႈ။ တ︀ူႈမ︀ႆ︀ႛပ︀ိူꩫ︀်ႈ ၵ︀ꩫ︀်တ︀ႂ်းတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇၵ︀ꩫ︀်တ︀ႂ်းꩬ︀ူတ︀ꩫ︀်းၵ︀ူဝ်းယ︀င︀်းဢ︀ူ။ ꩬ︀ူမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩬ︀ီ တ︀ူႈမ︀ႆ︀ႛယ︀ႃႇ ပ︀ိူꩫ︀်ႈꩫ︀ူႈꩫ︀ၢႆ︀ႈဢ︀ူ။ ပ︀ီꩫ︀်ႈင︀ႆ︀းꩫ︀ႆ︀ႇမ︀ႆ︀ႛ ꩬ︀ူယ︀ႃႇၵ︀ꩫ︀်တ︀ႂ်းꩫ︀ီႈꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇ ꩵ︀ႈꩫ︀ီႈ။

က︀ေႃရ︀ိꩫ︀်တ︀ု ႒ 13:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ွက︀်တ︀ႆ︀ၢႈꩫ︀ႆ︀ႇ ꩭႅင︀်းဢ︀ေꩫ︀က︀ေႃႇ င︀ႆ︀ႚယ︀ႃႇဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူႈက︀ေႃႇတ︀င︀်းꩡ︀ဝ်ႛၵ︀ရ︀ီတ︀်လ︀ွမ︀်ႈလ︀မ︀်းက︀ꩫ︀်ႈꩬ︀ီ ꩭႅင︀်းဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛင︀ႆ︀ႚပ︀ီꩫ︀်ႈဢ︀ူꩫ︀က︀ꩫ︀်ႈ တ︀ူႈက︀ေႃႇ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛ တ︀ီဢ︀ူꩫ︀မ︀်။