Ma:tiu 8:31 - Kasua

³¹ Potapola: ho olokeyatelayewi Yesuma selese, “Keyawa niwa hamona sewa kopolo suwemi sita:pesena:wa hamonoma.”

Ma:tiu 8:31 ပူးပေါင်းရင်းမြစ်များ

Ma:tiu 4:24

Yesuyewi sena kesale nakola towayawa fala:walopita: Silia senayewi ta:tapola: Yesu enewemi senala: nakola towaya sopoke siliye minakeye. Sena kesalela:wa nakola towaya kalikalila towaya hapawa siliye minakeye. Siliye minawa noka kapo oiya, noka isaneseyewi ho tiyapola:, noka matakolose, noka tomawana, tiya:wala, pa:mo tise olale tela sena sopoke epapuluse nakola towaya hapawa Yesuyewi fala:wayakeye.

Ma:tiu 7:6

Aputa: Kotema nano ketea mokopo miya:na:wa kasolo ima kinapa. Aputa: kopolo inapita: kopolo minitapo kemi, kapowa tikipelapa. Tikipelesaleke kapowa kopoyewi onapela: ela:, itipaiyawemi mutule sinapola:, kewa alu tiye inise sano tiye tuwapola: naposakeye.” Aluse Yesuyewi seyakeye.

Ma:tiu 8:30

Aluse potakamake kopolo muta mapato ma:na: na:sela: sitalapita: papokeye.

Ma:tiu 8:32

Aputa: ima Yesuyewi selese, “Kiwa hamona,” aputa: ho olokeyatelawa hanapola: kopolo suwemi sita:nekeye. Kopolo suwemi sitalapita: kopowa sopoke tokomo akola naiya emi kipila sine tese, hano naiyawemi sululuwalose hano honosane sutesinise kopowa sopoke hano nase ya:te telakeye.

Make 5:12

“Keyawa niwa hamona sewa kopolo amowa suwemi sita:pesita: hamonoma.”

Make 5:7

Helapita: potapola: Yesuyewi ho olokeyatelama selese, “Kewa ho olokeyatelakeye. Kewa sena epamowa iya:pela: hamona,” au seyakeye. Au selapita: ho olokeyatelayewi sena ho fiyane sulu fa:nemi ela: unuwapo holose selese, “Yesu, Kewa hene heneye Piseiki Kote falamo E Sa:lo, Keyawa newa ko:luma:na:na? Keyawa Kote unuwemi newa falasise oiyawa kokolo kao tesewa kinapa.”

Mupapo Hokatea 12:12

Setene peleya: kolemi toliyetinase, kiwa hepene falemi sitala kiyawa sopoke Kotema napolo esa: epelepa:. Alawamona peleya: kolemi sena kesale sita:ne kiwala, hano ka:na nano ketea sitala kiwala ipipa:. Koiyawemiye, Setenewa kiwa sitala emi toliyetinase, ewa kima sosolo konomonose elakeye. Setenewa kolaiya itapa tema:na: ikilawa pa telanase, ewa kima konomonose sosolo ikomopesakeye.” Aluse soye selesapekeye.