Luki 23:9 - Kasua

⁹ Alanase, Helote eyawa Yesumawa topukanesela: telawa ilima telakeye. Alawamona, Yesuyawa solo semetei nowa menewa eta: seyamakeye.

Luki 23:9 ပူးပေါင်းရင်းမြစ်များ

Ma:tiu 27:12

Aputa:, pilisiti sena sosoyawala, Yu sena tililayawala, Yesuma kotopela: selapita: Yesuyawa sowa eta: mene seyamakeye.

Ma:tiu 27:14

Au selakamake Yesuyawa sowa mamene selapita: potapola: Lome sena piseikiyewi matanese, “Solama tepela: pota: elakamowa ko:luse epe?” esa: matanakeye.

Ma:tiu 7:6

Aputa: Kotema nano ketea mokopo miya:na:wa kasolo ima kinapa. Aputa: kopolo inapita: kopolo minitapo kemi, kapowa tikipelapa. Tikipelesaleke kapowa kopoyewi onapela: ela:, itipaiyawemi mutule sinapola:, kewa alu tiye inise sano tiye tuwapola: naposakeye.” Aluse Yesuyewi seyakeye.

Make 15:5

Alawamona, Yesuyewi nano eta: seyamakeye. Eta: seyamake solo eta: seyamake potapola: Pailateyewi kete matanese, “Ko:lupita: solo eta: seyama ela:?” Aluse, ewa howa hanose tuteilakeye.

Luki 13:32

Au selapita:, Yesuyewi mene selese, “Kiyawa mowa kasolo epamawa sela:pa:, ‘Napu eliyeliwemiwa Neyawa sena nakola towaya amowa fala:waloma:na:keye. Apula: sena ho olokeyatela fiyane tiyawa sili tiye iya:waloma:na:keye. Tima:na: amowa tiye ha:na: tese osolo ikilawemi ha:na: itapa tema:na:keye.’

Luki 23:10

Aputa: pilisiti sena soloyawala apula: ele walosene sena iwa pawemi tesi tiyapola: sita:la: Yesuma sowa penanose kotolakeye.

Yone 19:9

Ipilise ela: Yesuwa siliye e koane mene hanapola: Yesuma selese, “Kewa peleya: nono kami minana?” Alawamona Yesuyewi nano solo nowa wa:ke eta: seyamakeye.

Apasolo 8:32

Emiwa sena amoke Aisaia pukawemi momateya akeya amowa wekeye. “Eyawa sowa eta: seyamakeye. Ewa a:pele sipi sama:na:pela: siliye hanosene epapulakeye. Apula: Ewa sipi e sa:le fano nama:na:pela: siliye hanosene epapulakeye. Alanase, E meatawa eta: sakolamakeye.

1 Pita 2:23

Senayewi Ewa itipilipitekiwa Eyawa sowa eta: mene seyamakeye. Senayewi Ewa sanose ikomopita: Eyawa selese, “Sikape Neyewi kiwa sama:na:keye,” aluse eta: seyamakeye. “Kotewa Ene nano kotosene ta:tesene sena sosokeye. Eyawa ketea sopoke pota: hekeya hekepesakeye.” Aluse Kotema semetei eyewi matanakeye.