Hipulu 7:1 - Kasua

¹ Saleme taunewemi sena sita:newa Melekiseteke piseikipela: potapola: enekeye. Aputa:, Piseiki Kote Wa:pa:se Sosonase eyewi pilisiti senapela: timinise enekeye. Aluse enewa Epalahameyewi e kisi tetese, kisi sena piseiki noka sanose kotetise, Epalahame e koane mene ha:na: isu honosane, Melekiseteke ewa ko:luye tise ema napola:tesene solo amowa minakeye.

Hipulu 7:1 ပူးပေါင်းရင်းမြစ်များ

Make 5:7

Helapita: potapola: Yesuyewi ho olokeyatelama selese, “Kewa ho olokeyatelakeye. Kewa sena epamowa iya:pela: hamona,” au seyakeye. Au selapita: ho olokeyatelayewi sena ho fiyane sulu fa:nemi ela: unuwapo holose selese, “Yesu, Kewa hene heneye Piseiki Kote falamo E Sa:lo, Keyawa newa ko:luma:na:na? Keyawa Kote unuwemi newa falasise oiyawa kokolo kao tesewa kinapa.”

Apasolo 16:17

Kesale amokiwa Pole niwamo hapawemi kulu tiye inise unuwapo ho selese, “Sena ili epamowa Kote Sosolo falamo tima:na: tisene senanakeye. Iyawa kimawa Koteyewi mene selima:na: isuwa walopesakeye.”

Hipulu 6:20

Aluse hepene koane Yesu niwamopela: kakasilise puwano hanapola:, Kote elakemi elakeye. Melekiseteke pilisiti sena puwano enene epapuluse, Yesu Ewa nini pilisiti sena puwano kokolo kao timinise tesekeye.

Hipulu 7:2

Solo amowa kinapita: ema Epalahameyewi nano mokopo minakeye. Ene nano sopoke tiwa takalese taloipe kekenepela: ti tilakeye. Tiye tipila:, talo semeteiwa tiyapola: Melekisetekema tiye mikeye. Kinapita: Melekiseteke tilakeye. Melekisetekewa unuwa hene solopela:la: Hekeya Tesene Sena Piseikikeye, aluse unuwapokeye. Saleme taunewemi senawa piseikipela: pota: enenase e unu nowa unuwatese, Halute Tesene Sena Piseikikeye, aluse unuwapokeye.

Hipulu 7:3

Apula: e atawala e amawana itapakeye. Tilila kouwa meiwala itapakeye. Ewa kesila ikilawala ewa kulu ikilawala itapakeye. Kote E Sa:le kamuna, Melekisetekewa pilisiti senapela: kao enekeye.

Hipulu 7:6

Melekiseteke ewa Epalahame sena mayamakeye. Alawamona, Melekisetekewa Epalahameyewi ema nano talo semeteiwa mokopo mikeye. Koteyewi napola: tese auma:na: seyawa Epalahamema Melekiseteke se tiye minakeye.