Efesese 5:1 - Kasua

¹ Koteyewi kiwa matana sosolo telakeye. Apula:, kiwa E sala elakeye. Alanase, kiyawa mane sopolo Ene tima:na: tisene amu kulu ha:na:pa:.

Efesese 5:1 ပူးပေါင်းရင်းမြစ်များ

Ma:tiu 5:45

Ewa matanepela: kulukulula:sela: ela:, kiyewi ki Ata hepene falemi elakamoke ketea tisene aluse, kiwa Ene sala amunatese aluse timiyanakeye. Alake sena olokeyatelayewi peleya: emiwana, sena napoyawa peleya: emiwana, iyawa sopoke peleya: emi ikilale okemi ho:lilimita:, Koteyewi ikilale oka kinisekeye. Aputa: hema senawala, henela senawala, iyawa sopoke peleya: emi hawa minite Koteyewi kinisekeye.

Ma:tiu 5:48

Alake keyawa ki Ata hepene falemi elakamoke seli ela: sena kesale sopoke himu hapa matana hanosene epapuluse, kewala seli ela:, sena kesale sopoke himu hapa matanepa:.” Aluse Yesuyewi seyakeye.

Yone 1:12

Alawamona sena kesale nokamoke Ewa nekanese Eyewi Ewa unuwapowa papela: Ema himu semetei matanesaleke ima Eyewi selese, “Kiwa Kote Salakeye,” esa: seyakeye.

Efesese 4:32

Aputa: sena nowa kiyawa hauwekilise sesepa:. Kiyawa ewa seselese napola:ta:pa:. Koteyawala Kelesoyawala kili olokeyatelawa itapa tepela: kepoliyetikeye. Itapa tepela: kepoliyetisewa aluse kiyawala sena nowamoke kewa ikomonosaleke keyawa wa:la:ya hepe eta: ikomonosema kepoliyetiya:pa:.

Filipai 2:15

Kiyawa aluse tiya:sela: sitalapitekiwa, kiyawa hekeya tiya:sela: sitalaposakeye. Kiwa Kote E sa:le sita:la: olokeyale timinipa. Aputa: peleya: weyemi sena kesalewa nukuluse yopoloyetiye olokeyale sitalakeye. Iyewi mokopo selese sitalakeye. Ima kiyewi Kotewalapulu kao epesene sowa kiyawa ima se tiye kina:pa:. Aputa: meiyetolu ho:lilisene epapuluse, kili ho:liyawa sena nukuluse yopoloyetiye sita:neyewi potaposakeye. Kiwa ho:lilise kao sitalapita: potapola:, Yesu mene ina ikila emiwa Pole neyewi selese, “Kiwa ho:lilise kao sitalapita:, neyewi kiwalapulu puwano tima:na: tiwa, mokopo eta: timakeye. Ne penaiyawamoke mokopo eta: timakeye,” au sema:na:keye.

Kolosi 3:12

Koteyewi sena kesale kalaiya ta:peyawa kikeye. Eyawa kiwa himu hapa sosolo elakeye. Alake, sena kesale noka kiyawa hauwekipa:. Apula:, sena kesale noka napola:pa:na: epela: tima:na: tiya:pa:. Kiyawa ki unua solopa. O:sulu hopola sitalatipa:. Ikila sopoke kiyawa ki kene yesipela: ela: menewa sema selapa.

1 Yone 4:11

Ne ma:ela:, Koteyawa niwa himu hapa sosonase, niyawana ni kene himu hapa ka epapuluse tepa:.