Rome 8:36 - Bible Inzootna Kathar

³⁶ Chong inthiangnga hinthoa injia, “Tichu nang nasik-ah keini'n chikaom thina kha apha rakip ah kin-intongpui, keini ngaihi inthatsik keelngam angnga inna-ngaidon.”” Minpkla 44:22

Rome 8:36 ပူးပေါင်းရင်းမြစ်များ

John 16:2

Synagogue makheiya nangni innapuutsik eii, halli nangni kanathat mi khan Pathian sik-ah chuon kitho eii tia a-ngaidon nasik aphakha aheiwajei.

Chuontho 20:24

Takkha Pumi Jisu nape chuon khat-um Pathian riangwai akatha chong sakhi rilthang nasik ah anatirna chuon kha muol-minsuo ah minheknasik kathomak inchu, karingkhuo hi keisik ah anemna iteii ommak tia ngaidonna kanei. 2 Tim 4:7

Chuontho 8:32

Ama ileiteel chong-inthiang munkha hi eii: “Keelngam inkhat thatsik inkei angnga amakha inkei, Keelngamteii in amul ka-ep ngai maikuungnga inraammak angnga. Ama chong inkhat-um leirilmak. Isa 53:7,8

1 Corinthia 15:30

Angsiya keini'n kinpoong nasik ah phadan rakip kinthosik eyabe?

1 Corinthia 15:31

Ule naingai, nangni chungnga eini Pumi Christa Jisu diangnga inphut kimu in-orna khan hiwahi namilrilsuok, khachu kei nisuo rakip kathi!

1 Corinthia 4:9

Mipui maikuungnga thatsik-ah inpejei mi angnga, Pathian'n ahekna phamtaang siamruoi itihi einidiang inape kha eii tia kei'n kalei; ajarchu manmasituol, marwaan tirton khat-um mi rakip mit-en nakha eini ni-ejei.

2 Corinthia 1:9

Thina sik-ah chonghi kinchungnga omjei tia kinleijet; takkha kinpumtak khan inngai mungnga, akathi kaminring Pathian diangkhan inngaina sik-ah hiwa ngaihi akasuok ejei.

2 Corinthia 11:23

Inmani Christa suok ngaikha in-ebe? kei inweet mi inkhat angnga rilkate, inmani neek-ah akatha suok inkhat ka-eii. Chuon kakheella katho, mikhumna khan kakheella kaom, innawuok um teelmaneii sik ommak, thisik kathona um atam. Chuon 16:23

2 Corinthia 6:9

injetmak angnga innatho, kha-ennum mirakip in innajet; akathi kin-ang, takkha enru, keini kinlaring, innarachaak takkha keini nathatmu;

Philippia 3:10

Kei imanuom khet khatchu Christa jetsik halli ahongringna ratha ngarna jetsik, halli apoong nakha deipuiya ama angnga thisik hi eii.