Rome 8:14 - Bible Inzootna Kathar

¹⁴ Khat-um Pathian Ratha'n inakeiruoi mi rakip chu Pathian sa ngai ning eii.

Rome 8:14 ပူးပေါင်းရင်းမြစ်များ

Matthew 5:9

“Hoina daina sik ah chuonkatho ngaikha rawaan intha; ajarchu inmani kha Pathian sangai tia akoisik eii.””

John 1:12

Takkha, ama ramingnga inngamna-ah ama karalaang miring rakipdiang, Pathian sangai enasik ama'n ranak apeii.

Rome 8:19

Pathian sangai juominlar sikkha ama kutbool rakip in inngaakchak ah inom.

Rome 8:5

Taksa lamma kasi mi ngaikha'n taksa imanuon lamma inring, halli Ratha lamma kasi mi ngaikha'n Ratha imanuom lamma inring.

Rome 8:9

Khale inruoiya nangni'n thaksa ah ringmakchujei, takkha ratha ah ningringjei, Pathian Ratha kha nangnidiang omjei keengnga, Christa ratha kaneimak miring kha Christa mi emak.

Rome 9:26

“‘Nangni hi kei kami ngai emakchu,’’ atina mun takkhan Inmani ngaikha karingchak Pathian sangai tia inkoisik eii.”” Hos 1:10

Rome 9:8

Hiwa tinachu taksa-ah innei sangai chu Pathian sangai kha emu, hiwa rathuulla Pathian chong inkhitna dungjuiya innei sangai kha inthiang phungrui in-eii tia alei.

2 Corinthia 6:18

Kei'n ningpa ka-esik eii, halli nangni'n kasanu, kasapa ngai ning-esik eii, Kamator khet Pumi khan ati.”” 2 Sam 7:14; 1 Khang 17:13; Isa 43:6; Jer 31:9

Galatia 3:26

Nangni Christa Jisu le inchunna suungnga ngamna jarra nangni rakip Pathian sangai ning ejei.

Galatia 4:5

Eini Pathian sa ni-ethei nasik, Dan nuoiya kaom ngai kanamasuo sik-ah ajuojei. Rom 8:15-17

Galatia 4:6

Nangni asa ngai ning-ekha malarnasik, Pathian in Asapa Ratha kha nimalung suungnga ajuotirra, khawa Ratha khan, “Pa, Kapa,”” tia akoi.

Galatia 5:16

Kei'n hiwahi kinarilpi eii: miring taksa manuom mintung maknasik, Ratha khan ningringkhuo lam nakeipi rase.

Galatia 5:18

Nangni Ratha khan anaruoijei e-inchu, nangni Dan nuoiya khan ommakchu jei.

Ephesia 1:5

Pathian in ama imanuom khat-um alungdou nuoiya, Jisu Christa diangnga inphut ama sangai enasik-ah, eini inakadang kha ni-ejei.

Ephesia 5:9

ajarchu war kara khachu akatha, katuun khat-um akadik ngaihi in-eii,

1 John 3:1

Enru Pa Pathian in einihi angtuk inaminriangme! Ama minriangnahi hituk lokjarra einihi Pathian sangai tia anakoi, halli inthiangnga eini ama sangai ni-eii. Hiwa jarra manmasituol in eini najetmu ajarchu Pathian kha jetmu. Jn 1:12

1 John 3:24

Pathian chongpeii ngai kajui inmani ngaikha Pathian diang inom, halli Pathian in inmani diang om. Pathian in einidiang inapeii Ratha khan ajar-eya Pathian in einidiang om itihi eini'n nijet.

Chongmalar 21:7

Raal kamator inmani ngai'n keidiang makheiya hiwahi inmusik eii, kei'n inmani ngai Pathian ka-esik eii, halli inmani ngai'n kei kasa ngai in-esik eii. 2 Sam 7:14; Minpkla 89:26,27