Rome 8:10 - Bible Inzootna Kathar

¹⁰ Khat-um Christa'n nangnidiang aom inchu, taksa kha manu jarra kathisik alei e-innum, kadik khan ajar eya Ratha'n ringna anapejei.

Rome 8:10 ပူးပေါင်းရင်းမြစ်များ

John 14:23

Jisu'n amadiang aleimasang, “Miring inkhat in kei anaminriang inchu, ama'n kei kachong kha ajuisik eii, halli Kapa in ama kha aminriangsik eii, halli keini'n amadiang juokinta amale kin-omsik eii.

John 15:5

“Kei Theibom kuungkha ka eii, halli nangni'n abaak ngaikha ning eii. Nangni'n keidiang inchat lekleiya ningom halli kei'n nangni diang inchat lekleiya kaom inchu, nangni katamma ningkarasik eii; ajarchu kei inchel lekleiya nangni iteii thomator makchu.

John 17:23

Kei'n inmanidiang kaom halli nang in keidiang naom. Inmani-um inkhatbit etheinasik, khat-um manmasituolla keihi nang inajuotir eii, halli inmani ngai-um nang in kei ninaminriang angnga inmani kha naminriang tihi manmasituol in jetrasu.””

John 4:14

Takkha kei'n kapesik tuikha ka-in ama khachu woikhat inlet-ah tuikaraal omnuni. Kei'n amadiang kapesik tui khan amadiang tuiring inchangta kumsoot ringna kha esik eii.””

John 6:54

Kei kataksa kabak khat-um kei kathisen ka-in ngaikha kumsoot ringna kha innei, halli kei'n ahekna nikhuoni khan inmani kha kaminringsik eii.

John 6:56

Kei kataksa kabak khat-um kei kathisen ka-in ama khan keidiang inchat lekleiya aom, halli kei'n amadiang kaom.

Rome 5:12

Khawale inruoiya manu hi manmasituolla miring inkhat diang makheiya aheiluut, halli ama manu khan kathi aheichooi, ajarchu mi rakip manu inroon jarra, mi rakipdiang thina atungjei. Inphut 3:6

Rome 5:21

Khawajarra, manu'n thina sik-ah wai aroon, halli Pathian riangwai'n kadik enasik-ah wai aroon, halli Jisu Christa eini Pumi jarra eini rakip hektik kaboi ringkhuo muna sik-ah lam nakeiruoi.

Rome 8:11

Halli Jisu kha kathi makheiya kaminring Pathian Ratha kha nangnidiang om-inchu, Christa kha kathi makheiya kaminring Pathian ama'n nangnidiang kaom ama Ratha'n nangni kathisik taksa kha ringna apesik eii. 1 Cor 3:16

1 Corinthia 15:45

Hintia injiajei: “Manmasi mansakhet Adam kha akaring miring kha eii,” ahekna Adam kha ringna kapeii ratha kha eii. Inphut 2:7

2 Corinthia 13:5

Nangni'n ngamna khan ningring jeibo ti ratokna sik-ah ningtheinuo ah in ensui inlang ningtheinuo ah chong intanru. Christa Jisu'n nangni suungnga i-om inthiangtak ah ningjetbe? Kha emak inchu nangni ningmasial theijei.

2 Corinthia 4:11

Hiwa inmangsik kinpum hin Jisu ringna kha kinmalar theinasik, Jisu jarra kinringkhuo thinasik chikaom ngaikhan kin-omchak kha eii.

2 Corinthia 5:21

Christa kha manu neimak eii, takkha eini ama le ni-inchunna suungnga Pathian dikna kha nichang suomnasik, Pathian in eini manu kha ama tum namin epijei.

Galatia 2:20

Khawa jarra kei ringmongjei, kasuungnga kaom Christa kha akaring ejei. Kei'n tuunna kiring hi kei emongjei, takkha kasuungnga kaom Christa khan iring eii, tuun kiring ringkhuo hi kei kanaminriang khat-um apumtak keisik bit-ah aringkhuo na-inphalpi Pathian Sapa kha kangamna khan eii.

Ephesia 3:17

Halli ngamna le inruoiya Christa in nangni malung suungnga omnasik khat-um inriang lamma arajung kasi khat-um kacheet-ah ningngir nasik-ah kei'n Pathian diang kananipi,

Philippia 1:23

Tichu keihi lam inni karra sinasik-ah upka-inchaak-ah kaomjei. Halli Christa le omsuomnasik-ah kei'n hiwa ringkhuohi kamathaan zoottheijei, ajarchu hiwahi kheella katha chuonkha eii.

Philippia 3:9

Halli amale inthiangnga inchunnook nasik ah, Dan makheiya kaheisuok kei katheinuota ka eii kadikkha damongjei. Takkha atuunchu Christa inngamna makheiya inapeii kadikkha kamujei. Halli Pathian diang makheiya kajuo kadik khachu inngamna jarra eii.

Colossia 1:27

Pathian ama lungdou chu inphuumma kaom ama chong kha ikadang ama mi ngaidiang minjetsik hi eii. Hiwa inphuumma kaom lurna hi zaatlop ngai karra angtuk kalokme, khachu Christa in nangni diang om, khawa tinachu nangni'n Pathian lurna khan tum ningchangsik eii.

1 Thessalonia 4:16

Ajarchu Pumi apumtak Marwaanna inphut oong rasale, marwaan tirton kaliankhetpa rasa khat-um Pathian tampaloi rasale inruoiya ajuochumsik eii. Halli Christa kangamna-ah aleikathi ngaikha ma-insa-ah aminringsik eii,

Hebrew 12:23

Marwaanna inraming injia Pathian salutir ngai karok-ah inchunna khan ningheiwa ejei. Mi rakip chongkatan, halli mi katha ngai ratha puikamintung Pathian diang nangni ningheiwa ejei.

Hebrew 9:27

Mirakip woikhat nilathisik eii, khawa suoli Pathian in chong tansik eii.

Chongmalar 14:13

Hiwa thengnga marwaan makheiya rasa inkhat in ijuoti kha kei'n kaleijet, “Hiwahi majiaro: Tuun makheiya Pumi chuonna akathi inmani ngaikha rawaan katha in-eii!”” “Inthiangnga eii!”” tia Ratha khan aleimasang. “Inmani'n inchuon kangar makheiya inphut poong inmachumsik ejei, ajarchu inchuontho khan inmani kha ajuisik ejei.””