Rome 2:17 - Bible Inzootna Kathar

¹⁷ Nangni'n ningtheinuo ah Jihudi kin-ei tia ning inkoi, khat-um nangni'n Dan khan in-ngaina ningnei, halli Pathian jarra ning in-or, nangnile ang ning eyame?

Rome 2:17 ပူးပေါင်းရင်းမြစ်များ

Matthew 3:9

Keini kinpu Abraham om keengnga poongraalna ah inphut taansuok mator kinte ti-inlang ngaidonmaru, ajarchu kei'n nangni diang kati, Pathian in hiwa lung ngaihin Abraham sangai amin eii mator! Matt 12:34; 23:33

Luke 10:28

Jisu'n aheimasang “Nang in kadik ah natijei,”” “Hiwahi thoro halli ringna namusik eii.”” Levi 18:5

John 5:39

Nangni'n Chong inthiang kha ning-entok, ajarchu nangni'n khawa khan hektik kaboi ringna kinmu eii ningti; halli khawa Pathian chong kha eii, kei jarra sakhi ka-eii;

John 5:45

Kei'n Kapa maikuungnga nangni kanaril sesik eii tia ngaidonmaru. Nangni'n ngamna ningnei Moses kha-eii nangni kanaril sesik.

John 7:19

Moses in Sinadan inaleipeii emak abe? takkha nangni tuteii innum Sinadan kha juimakchu. Angjarra nangni'n kei nathatnasik ning-entokme?””

John 8:33

Inmani'n amadiang inleimasang, “Keini Abraham tu-suonngai kin eii, halli keini'n tuteii diang-um suok lahong inchangmung. Angjarra nang in, “‘Nangni anamasuosik eii’’ nitime?”” Matt 3:9; Luk 3:8

John 8:41

Ningpa ngaitak ileitho ngaikha nangni'n ningtho eii.”” Inmani'n amadiang inleiti, “Keini bojai sa emung; keini kinpa inkhat om, khachu Pathian eii.””

Rome 2:23

Nangni'n Pathian Dan ningnei jarra ning in-orpui takkha Dan kha ning makoiya nangni'n Pathian diang jaknakha ningheichoibe?

Rome 3:27

Halle angngame eini'n nin-orsik? In-or nasik i-ommak, halli angkachang sinadan name? Halle Dan nijui jarra be? Emak, takkha ninngamna dungjuiya eii.

Rome 9:32

Khawakha esik eii? Ajarchu inmani'n kadik kha ngamnale inruoiya entokmu, takkha inchuontho dungjuiya in-entok, khawajarra inmani'n “Insuina lungnga insui ejei.””

2 Corinthia 11:22

Inmani Hebrew ngai in-ebe? kei-um ka-eii. Inmani Israel ngai in-ebe? kei um ka-eii. Inmani Abraham sangai in-ebe? kei um ka-eii.

Galatia 2:15

Inthiangnga, eini innaneiya inphut Jihudi ni-eii, “Manu karoon zaatlop ngaikha,”” emakmi.

Ephesia 2:11

Inpum tak-in wunkatan kin-eii kati (taksa-ah wun intan) inmani'n nangni naneiya inphut wunkatanmak Zaatlop ning eii natikha ngaidonru.

Chongmalar 2:9

Kei'n nangni poongraal kha kajet; nangni sara ning-eii tikha kei'n kajet—takkha nangni ning-inchong! Jihudi ka-emak takkha Jihudi kin-eii kati ngai'n nangni chungnga kathamak inrilkha kei'n kajet; inmani rahooi ngaikha Seitan mi in-eii!

Chongmalar 3:1

Sardis koisuok karoon marwaan tirton diang majiaro: “Pathian ratha sari khat-um arsi sari kamahuum ama diangnga inphut chongpui kha hi-eii. Nangni angme ningtho tikha kei'n kajet; nangni akathi ning-ejei innum, kinlaring iti inpaakna kha nangni diang om tikha kei'n kajet!

Chongmalar 3:9

Rangairu! Seitan mi ka-eii Jihudi chu ka-emak takkha Jihudi kin-eii tia maleisei katho inmani rahooi ngaikha, kei'n nangni kekuungnga chubei katho sik-ah kaheiminwasik eii. Kei'n nangni kanaminriang tihi inmani rakip in injetsik eii. Isa 49:23; 60:14; Isa 43:4