Rome 14:19 - Bible Inzootna Kathar

¹⁹ Kadai khat-um khatli khat ranak ngarnasik-ah kaheichoi lam ngaikhan eini rakip ngai'n kasongkaraat erui.

Rome 14:19 ပူးပေါင်းရင်းမြစ်များ

Matthew 5:9

“Hoina daina sik ah chuonkatho ngaikha rawaan intha; ajarchu inmani kha Pathian sangai tia akoisik eii.””

Mark 9:50

Machi hi a-al; takkha i-alkha amang inchu, angtho tholia woikhat min-al mator minname? Nangni ningpum suungnga machi kha minomru, halli kahoi kadaiya omsuomru.”” Matt 5:13; Luk 14:34,35

Rome 12:18

Halli mi rakip le kadaiya ringtheinasik-ah angrakip ah ningmatorseng thoru.

Rome 15:2

Khawa neek achu, eini rakip in ni-indiang inwaipui ngaikha inmani intha nakhan malung nimintaipisik suok, halli inmani inngam nakha niminsoonpi sik eii.

1 Corinthia 10:23

Nangni'n ningti, “Angrakip kei'n thocha,”” takkha angrakip kha katha emak. “Angrakip kha kei'n thocha,”” takkha angrakip kha nemna ommak. 1 Cor 6:12

1 Corinthia 10:33

Kei'n kachuon thona rakip-ah mi rakip malung mintainasik kitho angnga, kei kapum nemnasik thomong takkha inmani ngai'n ringna inmunasik kei'n mi rakip thanasik katho.

1 Corinthia 14:26

Ule naingai, angme eini'n nitisik? Nangni'n ninghei intuup phakhan, nangni rakip in Pathian minpaakna laa, minchusik chong, Pathian diangnga chongmalar, chong inliak, emakli malet matorna ningnei. Angrakip hi koisuok loknasik ah thoru.

1 Corinthia 14:3

Takkha Pathianchong karilsuok ama khan mi ngaidiang iril eii, halli sanna, masokna khat-um matheemtaina apeii.

1 Corinthia 14:4

Chong inliak karil ama khan apumbit inbool, takkha Pathianchong karilsuok ama khan koisuok abool.

1 Corinthia 14:5

Nangni rakip in chong inliak ningril kha kei'n kamanuom, takkha Pathianchong karilsuok khadoom kei'n kanamin ezoot. Koisuok loknasik miring inkhat in chong inliak kha kamalet inommak inchu, Pathianchong karilsuok ama khan chong inliak karil kha neek-ah alok.

1 Corinthia 7:15

Takkha Pathian kajetmak anumei emakli aruothar kha'n inthen inmanuom inchu, khawakha erase; khawa ka-ang chuon ngai inchu Pathian kajet anumei khat-um aruothar kha khit-in damak, ajarchu Pathian'n einichu kadaiya kaomsik-ah innakoi kha ni-eii.

1 Corinthia 8:1

Tuun, raikhuo ramil diang nipeii bak-in jarra: Eini rakip in “Jetmator nakha nineiwiak” tihi eini'n nijet. Jetmatorna kha'n anamin-or, takkha minriang kha'n anaminsoon.

2 Corinthia 12:19

Apha rakip ah nangni maikuungnga inngaak nasik kinratok ah chong kinrilchak eii tia nangni'n nangaidonthei eii. Khawakha emak! Pathian maikuungnga Christa naminrilzoot kha keini'n kinrilla, kintho rakip hi riangwai kaom kasap ngai, nangni sannasik-ah kintho eii.

2 Corinthia 13:11

Tuunchu, kasap ngai, chubei kanaheitho! puikatung ning enasik chuontak thoru; kachongril hi rangairu; inkhat li inkhat inruolru, halli malung kahoiya omru. Halli Pathian minriangna le malung kadai khan naompui rase.

Ephesia 4:12

Hiwahi Pathian mi ngaikha christian chuonna Christa taksapum kha minlok nasik-ah itho kha eii.

Ephesia 4:29

Mi inmangsik chongkha ningmurra inphut suokmarase takkha insoonna sik arei dungjuiya mi ngai kasansik chongkha ningmur makheiya suokrase, ajarchu kara-ngai rakip in rawaan kamu in enasik eii.

1 Timothy 1:4

Tiallaiya thurchi khat-um hekdan kaommak nipi nipu ngai khangjarra murruolsiak bit thonasik ka-ekha mathaan nasik tipiru, ajarchu inngamna ah nijet Pathian ingaidon kha inmani'n sepa thomujei.

2 Timothy 2:22

Khangdoong laiya taksa manuom ngaikha mathaanro, halli malung inthiang tak-ah Pumi'n asan nasik ah kakoi ngaile inruoiya akatuun tiang, inngamna tiang, minriangna tiang halli akadai kha katha ah juiro.

Hebrew 12:14

Mirakip le kadaiya omnasik khat-um ringkhuo inthiang inkhat ah ringnasik thoru, ajarchu khawa incheelleiya tu inkhat innum Pumi kha mumatornuni.

1 Peter 3:11

Nangni'n kathamak makkheiya inlet inlang katha thoru, nangni'n kadai ning entoksik halli khawakha ningsongsik eii.