Philippia 4:7 - Bible Inzootna Kathar

⁷ Miring ngaidon matormak, Pathian diangnga kaom kadai khan Christa Jisu le inchunna suungnga ningmalungli ningngaidon rakipkha naompuite.

Philippia 4:7 ပူးပေါင်းရင်းမြစ်များ

Luke 1:79

Kaziingnga kaom ngaili thina raliya kaom ngaidiang war inchangnasik, ama'n kadai lamtiang lam nakeiruoisik eii.” Isa 9:2

Luke 2:14

“Marwaan insaangnakhet khan Pathian lurlian nakha omrase, halli ama kaminriang mi rakipdiang manmasituolla kadaikha omrase!””

John 14:27

“Akahoi akadai kha nangnidiang omrase; kei diangnga kaom akahoi akadai kha nangnidiang kanapeii, manmasituol inapeii angnga kei'n napemong. Ningmalungnga akapoong, khat-um akachi kha emarase.

John 16:33

Kei diangnga inphut akahoi akadai ningmunasik, hiwahi kei'n nangnidiang kileiti kha ejei, manmasituol hinchu poongna raalna om; takkha chimaru, ajarchu kei'n manmasituol kha kamatorjei.””

Rome 1:7

Khawajarra Pathian in iminriang ama ami inthiang kachang sik-ah ikoi Rome ma kaom nangni rakip sik-ah kiheimajia eii, Nipa Pathian khat-um Pumi Jisu Christa diang makheiya, riangwai khat-um kadai kha nangnidiang omrase.

Rome 14:17

Ajarchu Pathian Rengram khachu kabak ka-in jarra emak, takkha Ratha Inthiang in inape kadik, kadai khat-um karok makheiya eii.

Rome 15:13

Ajarchu ningni'n amadiang ningngamna dungjuiya, ngamna juosuokna Pathian makheiya nangnidiang rokna khat-um kadai rakip kha siprase, khale inruoiya nangni ingamna kha Ratha Inthiang ranak in kheella naminsoonpi rase.

Rome 5:1

Atuunchu eini rakip inngamna makheiya Pathian le kadik namin eii, halli eini rakip in ni Pumi Jisu Christa makheiya Pathian diang kadai kha-um nimujei.

Rome 8:6

Halli taksa sik-ah kangaidon mi khachu thina eii, takkha Ratha lamtiang kangaidon mi khachu ringna khat-um kadai kha eii.

2 Corinthia 10:5

Pathian jetna inhalpuiya lamkakharra in-or rakip ngaikha keini'n kinmakoijei, malungroon rakip kinsurra halli Christa chong kha kinminjui.

2 Corinthia 13:11

Tuunchu, kasap ngai, chubei kanaheitho! puikatung ning enasik chuontak thoru; kachongril hi rangairu; inkhat li inkhat inruolru, halli malung kahoiya omru. Halli Pathian minriangna le malung kadai khan naompui rase.

Galatia 5:22

Takkha ratha kara khachu; minriang, karok, kadai, kadeiraat, minriangkajet, akatha, ngamna kaom,

Ephesia 3:19

khat-um jetna rakip neek-ah kakheel Christa minriangna kha ningjetnasik tichu Pathian sipna kha minkhidan omlekleiya nangni'n ningsipnasik kha eii.

Philippia 1:1

Christa Jisu suok Paul li Timothy makheiya: Philippi ah kaom Christa Jisu le kaom Pathian mi ngai rakip, Koisuok lamkakei khat-um ama kasan ngai inchella, Chuon 16:12

Philippia 1:2

Nipa Pathian Pumi Jisu Christa riangwai li dainakha nangnidiang inape erase.

Philippia 4:19

Khawajarra kei Pathian in nangni insamna rakip ah Christa Jisu jarra ama kaphul kaliamma kaom karei kha anapesik eii.

Philippia 4:21

Christa Jisu diangnga kaom Pathian mirakip diang inpaakna chubei kanaheitho, halli keile kaomsuom koisuok sangai innum inpaakna najuomathuon.

Philippia 4:9

Kei kachongngai khat-um kachuontho ah ning inchuli ning imu ngaikha chuontak-ah thoru. Halli einidiang kadai kanape Pathian in ana-inruoipuisik eii.

Colossia 3:15

Christa diangnga kahoi kadai khan ningmalung ngaikhan wai roonrase, pumkhatbit taksa ngai ning-eii jarra nangni hi kahoi kadai sik-ak inakoi kha ning-eii. Halli nangni'n rokru.

2 Thessalonia 3:16

Akahoi akadai thutbul, Pumi ama tak-in, chuon rakip-ah khat-um apha rakip-ah akahoi akadai kha inapeii erase. Pumi'n nangni rakip nanruoipuichak erase.

Hebrew 13:20

Akadai Pathian in kathiya inphut iminringjei eini Pumi Jisu, Kalok khet keelngam Kakhaalpa Jisu thisen khan ajar eya, hektik kaommak inzootna kha madanna adeengjei.

Jude 1:1

Jude, Jisu Christa suok, khat-um James naipa ama'n, Pathian in ikoijei inmani ngaidiang, Pa Pathian minriangna nuoiya karing khat-um Jisu Christa sanna nuoiya kaom inmani ngaidiang: Matt 13:55; Mk 6:3

Chongmalar 1:4

John diangnga inphut Asia ramsuungnga kaom koisuok sari ngaidiang: Tuun Pathian ka-eii, matiang um Pathian ka eii, khat-um akajuosik Pathian diangnga inphut, halli ama reng in-ongna ma-ah kaom ratha sari diangnga inphut, Suok 3:14; Chonglar 4:5

Chongmalar 2:17

Nangni ningkuor indou inchu, Ratha khan koisuok ngaidiang iti ngaikha rangairu! “Raal kamator inmani ngaidiang kei'n inphuumma kaom manna lekkhat ngaikha kapesik eii. Halli kei'n inmani rakip ngaidiang lungngoi kapesik eii, lungngoi chungnga raming kathar injia, raming kha tuteii innum jetmu, aka-ralaang ngai inbit injet.”” Suok 16:14,15; 16:33,34; Jn 6:48-50; Isa 62:2; 65:15