Philippia 2:22 - Bible Inzootna Kathar

²² Takkha ningni'n jetru Timothy apumtak in rahoi kasouk ka eii tia aminmu, ajarchu apali asa angnga ama'n keile chongkahoi sikbeiya chuon kileithosuomjei.

Philippia 2:22 ပူးပေါင်းရင်းမြစ်များ

Chuontho 16:2

Lystra khat-um Iconiumma kaom ule-nai ngai'n ama jarra katha tak-ah inleiril.

Rome 5:4

deimatorna'n Pathian zootna kha aheichoi halli ama zootna'n inngamna kha aheichoi.

1 Corinthia 16:10

Timothy aheiwa inchu, nangni karra kahoiya omnasik nangni'n katha-ah donru, ajarchu kei angnga Pumi chuon katho miring inkhat eii. 1 Cor 4:17

1 Corinthia 4:17

Hiwasik jarra kei'n kiminriang khat-um Pumi diang ki-ngamna kasapa Timothy tak nangnidiang kajuotir, kei'n koisuok rakip-ah inmani ngaidiang kaminchu laikhan, kei'n Christa Jisu diang angtho thoa kaomme tikha ama'n nangnidiang narilpite.

2 Corinthia 2:9

Kei'n kanaminchuna kha apha rakip-ah kajui sik-ah ning-insuuk chakbe, halli ensuina aheiwapha angtuk kacheet-ah ningngir matorme ti jetnasik hiwa chemajia hi kiheimajia eii.

2 Corinthia 8:22

Khawasik bit-ah nisappui amahi, inmanile inruoiya kinheitir eii; keini'n ama hi apha kasoottak ensuina kinneiya, sannasik hin amalung aluut tikha kinmu, halli tuun nangnidiang ama inngamna hi kheella omjarra nakasan sik-ah kheella aratha aleirokjei.

2 Corinthia 8:24

Nangni jarra keini in-orna kha adik tia inthiangnga koisuok rakip ngai'n injetnasik, inmani diang ningminriangna kha leimalarru.

2 Corinthia 8:8

Kei'n sinadan ngaikha kinape emak, takkha aleiilak ngai'n angtuk insanzootme ti naminmunasik, nangni minriangna kha angtuk inthiangme ti kajetzoot-ah eii.

Philippia 1:12

Ule naingai kei'n nangnidiang kanaminjetzoot, khawa khachu kei katakchunnga kasuok chuonngai rakiphi chongkahoihi kheella minloknasik eii.

Philippia 1:16

Halli mi lekkhat in hiwahi inminriang jarra intho, ajarchu keihi Pathian in chongkahoi songtheinasik-ah chuon inapeii eii tihi inmani'n injet.

Philippia 1:5

Ajarchu nangni'n inphutna makheiya awinikatung kei kadiang chongkahoi sikbeiya ningnasan jarra eii.

Philippia 1:7

Kei'n nangnikha kamalung suungnga kana-ngaidon chak! ajarchu kei'n nangni sikbeiya hiwa ki-ngaidonhi kei kasik achu katha eii tia ka-ngaidon. Tichu kei'n mikhumna-ah kaomlai khat-um chongkahoihi kheella songmatornasik khat-um minngir matornasik phakhan, nangni rakip in Pathian riangwai kha keile ningnachan puisuom.

Philippia 2:20

Halli amabit eii kei imanuom kajet, khat-um nangni ngai sikbit ah kana ngaidonpi.

1 Timothy 1:18

Kasapa Timothy, tiallaiya Pathian chongkachoi ngai'n nang najarra inleiril chongngai kha kei'n nangnadiang hiwa chongpehi kinapeii ejei. Hiwa chong rakip ngaihi raalkha kathatak-ah indeipuinasik-ah raalphurra inliingnaro,

1 Timothy 1:2

Inngamna jarra inthiang kei kasapa Timothy diang um: Pa Pathian khat-um Christa Jisu eini Pumi'n riangwai, minriang, khat-um kadaikha naparase.

1 Timothy 4:6

Nang in inngamna chongkadik khat-um akadik minchunna nijui khan natheinuo ah ni-inwaisip angnga, nang in hiwa minchunna ngaihi kangamna ngaidiang namindik inchu nang in Christa Jisu sik ah katha suokkha na-esik eii.

2 Timothy 1:2

Minriang kaom kasapa Timothy nang nadiang kiheimathuon eii: Pa Pathian le eini Pumi Christa Jisu khan riangwai, minriang khat-um akadai kha nape rase. Chuon 16:1

2 Timothy 3:10

Takkha nangchu karingkhuo ah kingaidon, kaomchan, halli kanaminchuna ngaikha naheijuijei; halli ka-inngamna, kakhaang raatna, kaminriangna, kadei raatna,

Titus 1:4

Eini le ngamna in-ang kasapa tak ka-eii Titus diang kei'n kimajia eii. Pa Pathian khat-um eini Nakatanpa Christa Jisu in riangwai khat-um kadai kha innapeii erase. 2 Cor 8:23; Gal 2:3; 2 Tim 4:10