Matthew 6:13 - Bible Inzootna Kathar

¹³ Halli keini matheemna khan naminchulmaro, takkha Kathamak ah inphut keini nasanro. Ajarchu Rengram, ranak khat-um lurna-lianna ngaihi hektik kaboiya nangta erase Amen.””

Matthew 6:13 ပူးပေါင်းရင်းမြစ်များ

Matthew 26:41

Nangni'n matheemna khan ningchulmak nasik, inringchak inlang niru; ratha inchu athozoot, takkha taksa inchu asuol.””

Matthew 28:20

halli kei'n kinape chongpeii rakip juinasik ah inmani kha minchuru; halli, enru, manmasituol ahekkatung kei'n nangni kana-inruoipui chaksik eii.””

Matthew 5:37

Hintiro “‘Oh’’ natili “‘Oh’’ tiro emakli “‘Ngang’’ natili “‘Ngang’’ tiro. hiwa chungtiang heikasuok ngaisengchu Kathamak Mipa makheiya aheikasuok eii.””

Matthew 6:10

Narengram juotung rase; marwaanna nalungdou intho angnga nuoipilchungnga inthorase.

John 17:15

Inmani ngaikha nang in manmasituol makheiya keisuonasik kei'n nimong, takkha nang in inmani ngaikha Akathamakpa makheiya sannasik-ah kani.

1 Corinthia 10:13

Miring diang kaheiwajol matheemna ngaikha elekleiya matheemna leiilaak in nangni nalamapurmak. Pathian chu ngamna kaom kha eii, halli ama'n nangni deimatormaksik chungtiang matheemna napenuni, takkha matheemna khale inruoiya suoknasik khat-um deimatornasik lam kha-um anapeii.

1 Corinthia 14:16

Nang in naratha-ah Pathian naminpaak inle, akajetmak inmani ngaikhan angme nitikha jetlekleiya angtho tholia nang minpaakna khan “Amen”” intisikme? Ajarchu inmani in nang itikha jetmatormu.

2 Corinthia 1:20

ajarchu Pathian chong inkhitna rakip kha amasik achu “Oh”” ejei. Khawa sikbit ah Pathian niminpaakna khan, Jisu Christa ama jarra “Amen”” niti eii.

Galatia 1:4

Tuunlai kathamak khang hinna inphut eini ningle-nuomma masuo nasik, eini Pathian khat-um pa Pathian ngaidonna dungjuiya Christa khan eini manu ngaisik jarra apumtak inpesuokjei.

1 Thessalonia 1:10

halli akajuosik Pathian lunghongna ah inphut nakasanpa, Pathian in kathiya inphut iminring Asapa Jisu kha marwaanna inphut akajuosik ningngaak kha mi rakip in inriljei.

2 Thessalonia 3:3

Takkha Pumi chu ngamna kaom eii, halli ama'n nangni kha anamin-ngarsik khat-um Seitan diangnga inphut anasansik eii.

1 Timothy 1:17

Khale inruoiya hektik kaneimaksik reng, kathi maksik khat-um nimumak Pathian khabit, kayarui khat-um hektik kaboiya minlurrui! Amen.

Hebrew 11:36

Lekkhat kha ininnuipuiya inleiwuok, halli lekkhat in inkhit-ah mikhumna khan inleida. 1 Reng 22:26,27; 2 Khang 18:25,26; Jer 20:2; 37:15; 38:6

1 Peter 5:8

Inringchakru, insingtheiru! nangni kana-inhalpui Seitan kha sabakkai inraam angnga aloonna om, halli miring inkhat einasik-ah a-enna aom.

2 Peter 2:9

Halli khawajarra Pathian kajet mi ngaikha inmani poongna ah inphut Pumi'n angtho thoa sansikme, halli akathamak ngaikha rachaakna nuoiya Chongtan Nikhuo sik-ah angtho thoa dasikme ti ajet,

1 John 3:8

Manu kathotit miring kha Seitan mi eii, ajarchu Seitan chu inphutna makheiya manu katho kha eii. Seitan chuontho kaminmang sikbit-ah Pathian Sapa hi juo-inlar kha eii.

Chongmalar 1:18

Kei akaring chak ka-eii! Kei kaleithi, takkha tuunchu kei kumsoot sik-ah karing kha ka-ejei. Kei'n akathi khat-um kathiram chungnga wai roonna ranak kanei.

Chongmalar 19:1

Hiwa thengli marwaanna mipui rasa ka-ang inkhat kei'n kaleijet, rasa ngai'n inti, “Pathian kha minpaakru! Sanminringna, lurna, khat-um ranak ngaihi Pathian ta eii!

Chongmalar 19:4

Upa soomni leimili khat-um akaring khouring mili ngaikhan reng in-ongna munna in-ong Pathian diangkhan inbok-ah chubei inthoa inleiti, “Amen! Pathian minpaakru!””

Chongmalar 2:10

Nangni'n poongraal ningratong sikkha chimaru. Rangairu! Seitan in ningmalung ennasik tita nangni karra miring lekkhat kha mikhumna ah adasik eii, halli nangni poongraal nakha nisoom esik eii. Keidiang na-ngamnaru thina suok-innum, halli nangni raal matorna tumkha kei'n ringna lukhu kanapeii sik-eii.

Chongmalar 21:4

Pathian khan inmani ngai mitrathi kha inmit makheiya anuulpisik eii. Akathi kha omnunijei, inwai emakli kachap emakli kana kha omnunijei. Ajarchu akamaruo phurngai kha inmangsuojei.”” Isa 25:8; Isa 35:10; 65:19

Chongmalar 3:10

Nangni'n kei chongpeii kha ningmahuum le inruoiya ningdei jarra, kei innum nuoipil chungnga kaom miring rakip malung ennasik ah akahongsik poongna makheiya kanasansik eii.

Chongmalar 3:14

Laodicea koisuok karoon marwaan tirton diang majiaro: “Ngamna li Akadik sakhi ka-eii Pathian kutbool rakip chungnga wai karoon Amen diangnga inphut chongpui kha hi-eii.”” Chongil 8:22

Chongmalar 5:13

Khawa phakhan marwaanna kaom, nuoipil chungnga kaom, nuoipil suungnga kaom, tuipuiya kaom khat-um manmasituolla kaom khouring rakip in laa insak kha kaleijet: “Reng in-ongna munna in-ong amadiang khat-um Keelngamteii diang, minpaakna, khoya, lurna khat-um raatna kha kumsoot erase!””