Matthew 21:11 - Bible Inzootna Kathar

¹¹ “Ama hi Galileeya kaom Nazareth ah inphut Pathian chongkachoi Jisu kha eii,”” tia mipui ngai'n inleimasang.

Matthew 21:11 ပူးပေါင်းရင်းမြစ်များ

Matthew 2:23

Pathian chongkachoi ngai'n inleiril, “Amahi Nazareth mi intisik eii”” intikha huuitungnasik ah Ama'n Nazareth inti khuopui khan ahong-omjei.

Matthew 21:10

Jisu'n Jerusalem aluut phakhan, khuopui pumpui kha rasa in aleisip. “Ama hi tume?”” tia mipui'n inleirakel.

Matthew 21:26

Halli “‘Miringnga inphut eii niti inchu,’’ eini'n mipui ngaikha nichi, ajarchu inmani rakip in John hi Pathian chongkachoi inkhat eii tia inleilei.””

Matthew 21:46

Khawa jarra inmani'n ama surnasik inleitho. Takkha mipui ngaikha inleichi, ajarchu mipui ngai'n Jisu hi Pathian chongkachoi inkhat eii tia inleilei.

Mark 6:15

Mi lekkhat in inleiti, “Amahi Elijah eii.”” Mi lekkhat in intirit, amahi Pathian chongkachoi eii, emakli tiallaiya Pathian chongkachoi ngai karra inkhat ka-ang eii.

Luke 13:33

Halli awini li ziingnga khat-um akahong nikhuo katung kei'n kachuon kathoa kalaomsik eii, ajarchu angtikseng Pathian chong kachoi ngaihi Jerusalem bitkhan inthat wiaksik tihi ommak.””

Luke 24:19

Halli Jisu'n inmani diang ati, “Angkachang chong suok ah mejei?”” Inmani'n inleimasang, “Nazareth Jisu jarra kasuok chuon eii”” Ama hi Pathian li miring ngai maikuungnga achuontho nali arilna rakip ah ranak kanei Pathian chongkachoi mi eii tia inleingaidon.

Luke 7:16

Inmani rakipkha kachi'n leisip ah Pathian inleiminpaak ah inti, “Eini karra Pathian chongkachoi kalian inkhat inlarjei!”” Halli inmani'n inti, “Pathian in ama mi ngai kasansik ajuojei.””

Luke 7:39

Pharisee pa'n aleimu phakhan atheinuo ah alei in-ngaidon, “Hiwa miringpa hi inthiangnga Pathian chong kachoi e-inchu, ama'n ajetsik suok atume khat-um angkachang numeisame ama kakatook hi, ajarchu amahi manu karoon mi eii!””

John 1:21

“Angme halle?”” “Nang Elijah na ebe?”” intia inmani'n inleirakel. Innidan 18:15,18; Mal 4:5 “Kei emong”” tia ama'n aleimasang. “Nang Pathian chongkachoipa na ebe?”” tia inmani'n inleirakel. “Emong”” tia ama'n aleimasang.

John 1:25

Halli inmani'n John diang inleirakel, “Nang Christa, Elijah, emakli Pathian chongkachoipa um na-emak inle, angjarra nang in baptize nileiminthome?””

John 4:19

Numeisanu khan aleimasang, Karu, “Kei'n kamujei nang Pathian chongkachoi na eii.””

John 6:14

Mipui ngai'n Jisu itho inlak chuon kha inleimu phakhan, Inmani'n inleiti, “Inthiangnga hiwahi Pathian chongkachoi manmasituolla kajuosik miring kha eii!””

John 7:40

Inmani'n hiwa chong ngaihi inleijet phakhan, miring lekkhat in inleiti, “Hiwa mipa hi inthiangnga Pathian Chongkachoi eii!””

John 9:17

Khawa jarra Pharisee ngai'n mitkacho padiang woikhat inlet-ah inleirakelrit, “Nangleii amahi tu-eii natime? tichu ama'n nang namit naminmujei.”” Ama'n aleiti, “Amahi Pathian chongkachoi inkhat eii.””

Chuontho 7:37

Moses in Israel mi ngaidiang ati, Pathian in kei kapuo nangnisik bit-ah, Pathian chongkachoi inkhat ningmingai karra kajuotirsik eii ati. Innidan 18:15,18