Matthew 2:15 - Bible Inzootna Kathar

¹⁵ Pumi'n Pathian chongkachoipa diangnga iril kha, “Kei'n Kasapa kha Egypt makheiya kakoi”” tikha huuitungnasik Khawa munkhan Herod thimaklaiseng aleiom. Hos 11:1

Matthew 2:15 ပူးပေါင်းရင်းမြစ်များ

Matthew 1:22

Pumi khan Pathian chongkachoi ngai diangnga ileiril ngaikha inthiangnga atungnasik hiwa rakip hi tuun asuokjei.

Matthew 2:14

Joseph in zaankhan intheiya, naidoong le anu kha aruoiya, Egypt tiang inleisijei,

Matthew 2:17

Hinthoa Pathian chongkachoi Jeremiah ileiti kha huuitungjei:

Matthew 2:19

Herod thisuo nuk, enru, Egypt ah Pumi marwaan tirton inkhat in Joseph ramangnga inlarra ati,

Matthew 2:23

Pathian chongkachoi ngai'n inleiril, “Amahi Nazareth mi intisik eii”” intikha huuitungnasik ah Ama'n Nazareth inti khuopui khan ahong-omjei.

Matthew 21:4

Hiwa kasuok rakip hi Pathian chongkachoipa ileiril kha huui ahongtung nasik eii:

Matthew 26:54

Kha katho inchu, angtho thoa Chong inthiang kha hintia asuoksik eii itikha huui tungniame?””

Matthew 26:56

Takkha hiwarakip ngaihi Pathian chongkachoi ngai imajia chong kha tungnasik ah kasuok eii.”” Khawa phakhan siamruoi ngai'n ama inmathaanna intaanjei.

Matthew 27:35

Halli ama kha cross ah inmakhai suopha, inmani'n rawaan katha in-enli ama puondiarkha inlei-insem. Minpkla 22:18

Matthew 8:17

Pathian chongkachoi Isaiah diangnga ileiminril, “Ama apumtak in eini nana ngai kha anakhaipi khat-um niri nirai ngai anaroonpi”” ti pui tungnasik eii. Isa 53:4

Luke 24:44

Halli ama'n inmani diang ati, “Hiwahi kei kachong kha eii, kei'n nangni karra kaleiomlai kanati, angrakip Moses Danna, Pathian chongkachoi ngai'n khat-um Minpaakla ah inlei majia rakip huui latungsik eii.””

John 19:28

Hiwa thengnga Jisu'n chuon rakip hekjei ti ijetle inruoiya, Pathian chong huui tungnasik “Kei katuiraal”” aleiti. Minpkla 69:21; 22:15

John 19:36

“Ama ruzaang inkhat-um zeemkhiaknunu”” iti Pathian chongkha huui tungnasik hiwa ngaihi aleisuok.

Chuontho 1:16

“E ka-u ka-nai ngai,”” Jisu kasur inmani lamkakei Judas jarra David mursuoa Ratha Inthiang in matiang ileiminril “Pathian chongkha hongkatung sik-eii.