Matthew 18:31 - Bible Inzootna Kathar

³¹ Asuok changpui lekkhat in angme akasuok ngaikha inmupha, inmani inmalung leihoi pimak jei halli inkirra inrengpa diang angme kasuok rakip injuomindik jei.

Matthew 18:31 ပူးပေါင်းရင်းမြစ်များ

Matthew 14:9

Reng Herod kha amalung aleipoong, takkha ama'n ama mi ngai maikuungnga achong-inkhitna dungjuiya ama imanuom kha thopinasik ah chong aleipeii.

Matthew 18:28

“Halli suokpa khan ahongsuok pha, asuok changpui inkhat ama sial talent lekkhat intuol alei-intongpui. Halli ama'n asurra ariing ma-ouwa, “‘ni-intuol kha nathuulro!’’ ama'n aleiti.

Matthew 18:30

Takkha ama'n leizootmak; khawa rathuulla, ama'n intuol athuulsuo maklaiseng mikhumna khan aleida.

Matthew 18:32

Khawa jarra amapupa in suokpa kha akoiluut ah, ati. “‘Suok kathamak nang!’’ Nang in kei diang nanani jarra, “‘nasialpuuk rakip kei'n kana ngaidampi jei.’’

Mark 3:5

Jisu'n amit kalek-ah inmani diang alei-enna aleiraang, inmani malung kangar khat-um inthamak jarra aleipoongpui. Khawasuoli ama'n mipa diangkhan aleiti, “Nakut keisuoro.”” Ama'n akut aheikeisuo, halli akutkha aleidam.

Luke 14:21

Suok khan aheikirra ang rakipkha karu diang ajuotipi, karu khan araangnga ama suokpa diang atipi, “‘Innottheiya khuopui lampui ngaikhan si-inlang, sara, kasitheimak, mitkacho khat-um inkhooi inmani ngaikha heiruoiro.’’

Luke 19:41

Jisu'n Jerusalem khuopui aheinai phakhan, ama'n amuli aleichappuiya ati,

Rome 12:15

Khale inruoiya karok ngaile roksuomru, khat-um kachap ngaile chapsuomru.

2 Corinthia 11:21

Khawa ngai kathosik keinichu kinchiraat tisik hi keichu ka-injak! Takkha mi inkhat ngai'n angkeme khat jarra in-or ngam inchu, kamo ka-angnga kachongril dungjuiya hin kei-um kha angnga ka-in-or ngam.

Hebrew 13:17

Ninglamkakei ngai chong juiru halli inmani nuoiya omru. Inmani'n inchuon thona ajarkha Pathian diang inlapesik ejarra, inmani'n soongmachum leiya ningratha ngai chungnga in-enchak eii. Nangni'n inmani chong ningjui inchu, inmani'n karok ah inchuon inthosik eii; kha emak inchu, malung hoileiya inmani'n khawa chuonkha inthosik eii halli nangni sik-ah anemna omnuni.

Hebrew 13:3

Tu ka-ang mikhumna-ah kaom ngai khale, nangni um inmanile mikhumna ah kin-om eii tia ngaidonru. Tu ka-ang kapoong ngai khale, nangni um inmani angnga kinpoong eii tia ngaidonru.