Matthew 16:16 - Bible Inzootna Kathar

¹⁶ Simon Peter in aleimasang, “Nangchu Messiah, akaring Pathian Sapa kha na-eii.”” Jn 6:68,69

Matthew 16:16 ပူးပေါင်းရင်းမြစ်များ

Matthew 1:16

halli Jacob in Mary ruothar Joseph anei, Mary hi Christa Jisu nu eii.

Matthew 14:33

Halli rakuong suungnga kaom siamruoi ngai'n Jisu kha chubei inleitho. “Inthiangnga nangchu Pathian Sapa na eii!”” tia inmani'n inti.

Matthew 16:15

Halli Jisu'n inmani diang aleirakel, “Nangni inle Keihi tu ka-eii ningtime?””

Matthew 26:63

Takkha Jisu lei-omchianjei. Halli Thiampu Kaliankhet khan amadiang ati, “Pathian Sapa Messiah kha nang na-e inchu, akaring Pathian raming rakook inlang keinidiang rilro””

Matthew 27:54

Raalmi rajakhat lamkakeipa le inruoiya, Jisu kangaak ngai'n rinook khat-um kasuok ngaikha inmu ah, inchitheiya inheiti, “Inthiangnga amahi Pathian Sapa kha eii!””

Matthew 4:3

Akathamak Seitan khan ama diang ahongli ati, “Nang Pathian Sapa kha na-e inchu, hiwa lung ngaihi waipool uolru ti-inlang chong pero.””

Mark 14:61

Takkha Jisu'n iteii-um leimasangmak. Inlet-ah Thiampu Kalian khetpa in aleirakelnook, “Rawaan katha Sapa Messiah kha na-ebe?””

Luke 2:11

Awini nikhuohin Kanasanpa Christa Pumi kha David khopuiya inneijei.

John 1:49

Nathanael in aleimasang, “Rabbi,”” “Nang Pathian Sapa na-eii! Israel ngai Reng kha na-eii!””

John 11:27

Ama'n Jisu diang aleiti, “Oh, Pumi; Kei'n nanghi Messiah, Pathian Sapa manmasituolla akajuo kha na-eii tia ka-ngamna.””

John 20:31

Takkha nangni'n Jisu hi Messiah eii, Pathian Sapa eii, tia ningngamna sik-ah hiwa ngaisenghi inmajia kha eii, halli amadiang kangamna khan nangni ringna ningmusik eii.

John 6:57

Akaringchak Kapa'n kei anajuotir, khat-um kei'n kapa jarra kiring angnga, Kei kataksa kabak miring khan kei jarra aringsik eii.

John 6:68

Simon Peter in amadiang aleimasang, “Pumi, tudiang keini'n sinung ngame? kumsoot ringna chongkha nangdiang om; Matt 16:16; Mk 8:29; Luk 9:20

John 6:69

Halli keini'n nanghi Pathian diang makheiya kajuo Inthiang kha na eii tihi kin-ngamnajei khat-um kinjetjei.””

Chuontho 14:15

“Angsikme hiwahi nangni'n ningtho? keini-um nangni ka-ang miring kin-eii, marwaanle nuoipil halli tuipui asuungnga kaom rakip kabool akaring Pathian diang, hiwa anemna kaboi omchanna inphut heikirnasik, keini chongkahoi karilsik hin kinhong eii.

Chuontho 8:36

Halli inmani'n lamma insipha, tui-omna amun inkhat intungpha atak inboolpa khan ati, Enro, “Hin tui lekkhat omjei, angjarra kei baptize kalathomak sikme?””

Chuontho 8:37

Philip in aleiti, “Nang in namalung pumpuiya na-ngamnajei inchu baptize thocha.”” “Kei kangamna jei,”” tia ama'n aleimasang, “Jisu Christa hi Pathian Sapa eii tihi kei'n kangamnajei.””

Chuontho 9:20

Khanna inphut ama'n synagogue rakip asiya Jisu hi, tichu Pathian Sapa eii tia karil aleiphutjei.

Rome 1:4

Halli ama inthiang Pathian changna khachu ama'n ranak kaneitak-ah kathi makheiya ahongring nakhan amahi Pathian sapa eii tia anaminmujei.

2 Corinthia 1:19

Ajarchu Silas le Timothy khat-um kei'n nangni karra achong kinriljol Pathian Sapa Jisu Christa kha “Oh”” emakli “Ngang”” kinti emak; takkha ama chu “Oh”” echei; Chuon 18:5

2 Corinthia 3:3

Hiwahi Christa apumtak in imajia keini diangnga inphut ijuotir chemajia kha eii. Hiwahi muk ah khat-um lungpeek chungnga inmajia emak, takkha miring malung suungnga akaring Pathian Ratha khan asanna imajia kha eii.

2 Corinthia 6:16

Halli Pathian biak-inn le zaatlop kutbool pathian ngaile ang inzootna ommame? Ajarchu einichu akaring Pathian biak-inn kha ni-eii! Pathian apumtak khan ileiti angnga, “Kei'n ka-inn kami ngaile kaboolsik eii halli inmani karra kaomsik eii; Kei'n inmani Pathian ka-esik eii, halli inmani'n kei kami in-esik eii.”” 1 Cor 3:16; 6:19; Levi 26:12; Suok 37:27

1 Thessalonia 1:9

Nangnidiang kinhonglai ningnaleidon, halli akatuun le akaringchak Pathian sepa thonasik ah, kutbool pathian ngai ningmathaanna jar,

1 Timothy 3:15

Takkha kei'n kajuo inmo inchu, Pathian inna angkachang omchanna ningleeng sikme tihi jetnasik-ah hiwa cheii hin kamajia jei, khawa khachu karing Pathian koisuok in-eii, eini sik-ah kachou khat-um kadik kanadeipi sik-ah eii.

1 Timothy 4:10

Mi rakip Kanakatanpa halli aru ka-edoomma ngamna kanei ngai kasanring akaring Pathian diang keini'n ngamna kinda jarra, keini'n chuon ranak kintho ah khat-um kapoongnga kinsongnga kin-om.

Hebrew 10:31

Akaring Pathian kut chungnga kachulsik hi chikaomtak inkhat kha eii!

Hebrew 12:22

Khawa rathuulla nangnichu, Zion Chingtiang khat-um akaring chak Pathian khuopui, marwaan tirton lising lising omna marwaan Jerusalem tiang, ningheiwajei.

Hebrew 3:12

Ulenai ngai, akaring Pathianna inphut nangni tu inkhat nuktiang kirmak nasik, khatuk malung kathamak khat-um kangamnamak nangni karra ommak nasik insingtheiru.

Hebrew 9:14

Hiwahi akadik ejarra, Christa thisen khan angtuk kheeldoomma akatha min-eme! Hektik kaboi Ratha khan ama atheinuo ah puikatung dooiphur eya Pathian diang ipekha ejei. Eini'n akaringchak Pathian sepa nithotheina sik anemna kaommak sinadan ngai khanna inphut, eini kase katha jetna malung hi ama thisen khan anaminthiang pisik eii.

1 John 4:15

Eini'n Jisu hi Pathian Sapa eii tia nirillar inchu, Eini'n Pathian diang niom halli Pathian in einidiang om.

1 John 5:20

Akadik Pathian kha nijet nasik-ah Pathian Sapa khan ajuoa einidiang jetmatorna anapeii tihi nijet. Akadik Pathian khale eini'n niomsuom, Asapa Jisu Christa le eini'n niomsuom. Ama hi-eii akadik Pathian khat-um ama hi-eii hektik kaboi ringna.

1 John 5:5

Tume manmasituol kamator? Jisu hi Pathian Sapa eii tia kangamna miring khabit-in amatorsik eii.

Chongmalar 7:2

Halli kei'n marwaan tirton inkhat nisuotiang makheiya inphut akaring Pathian madanna choiya chungtiang iheiwa kha kaleimu. Pathian in nuoipil khat-um tuipui minmangnasik ranak ipejei marwaan tirton mili ngaidiang rasa inringnga ama'n aleikheek.