Luke 2:14 - Bible Inzootna Kathar

¹⁴ “Marwaan insaangnakhet khan Pathian lurlian nakha omrase, halli ama kaminriang mi rakipdiang manmasituolla kadaikha omrase!””

Luke 2:14 ပူးပေါင်းရင်းမြစ်များ

Matthew 21:9

Halli Jisu matiangnga kasili anuk tiangnga kasi mipui ngai'n inhongkheek, “Hosanna David Sapa! Pumi ramingnga akajuo amakha arawaan atha! insaang khet ah Hosanna.”” Minpkla 118:25,26

Luke 1:79

Kaziingnga kaom ngaili thina raliya kaom ngaidiang war inchangnasik, ama'n kadai lamtiang lam nakeiruoisik eii.” Isa 9:2

Luke 19:38

“Pumi ramingnga kajuo Renghi rawaan katha eii! marwaanna kadai erase halli lurna kha insaangkhet erase!”” Minpkla 118:26

Luke 2:13

Jetlei theileiya tirton khale marwaan raalmi tirton katamtak in Pathian minpaakna laa injuosak;

Luke 2:15

Tirton ngai'n marwaan tiang inleikir phakhan, keelngam kakhaal ngai'n khatli khatdiang inlei inti, “Pumi'n einidiang ileiti ngaihi, Bethlehemma juosi inlang angrakip kasuok ngaikha juoenrui.””

Luke 3:22

Halli Ratha Inthiang kha taksa omchanna wathu angnga amadiang aleijuo. Halli marwaan makheiya rasa'n ajuoti, “Nanghi kei iminriang khet kasapa na eii, nangdiang kei kamalung atai.”” Inphut 22:2; Minpkla 2:7; Isa 42:1; Matt 3:17; Mk 1:11; Luk 9:35

John 14:27

“Akahoi akadai kha nangnidiang omrase; kei diangnga kaom akahoi akadai kha nangnidiang kanapeii, manmasituol inapeii angnga kei'n napemong. Ningmalungnga akapoong, khat-um akachi kha emarase.

John 17:4

Manmasituolla nang lurna kha kei'n kamalarjei; nang in thosik chuon ninapekha kei'n kathosuojei.

John 3:16

Ajarchu Pathian in manmasituol kha hituk aminriang khachu Asapa inkhatbit kha ama'n anapeii, amadiang kangamnatak miring khan thina mununi takkha kumsoot ringna kha amusik eii.

Chuontho 10:36

Jisu Christa jarra akadai akatha chongkha inrilla, Pathian ama'n Israel mi ngaidiang achong kha juotir jei (amachu angrakip Pumi eii).

Rome 5:1

Atuunchu eini rakip inngamna makheiya Pathian le kadik namin eii, halli eini rakip in ni Pumi Jisu Christa makheiya Pathian diang kadai kha-um nimujei.

Ephesia 1:6

Iminriangkhet Asapa diangnga inphut alurna riangwai kha aman kaboiya einidiang anapeii jarra, eini'n Pathian kha minpaakrui.

Ephesia 1:9

inphuumma kaom ama lungdoukha Christa diang i-ngaidon dungjuiya einidiang anaminjetjei.

Ephesia 2:4

Takkha minriang kalok Pathian in, ama minriangna kha eini chungnga alok jarra,

Ephesia 2:7

hiwahi akahongsik pha rakip-ah minkhidan kaboi ama minriangna riangwai kha Christa diang anaminmu nasik eii.

Philippia 2:11

halli mirakip in Jisu Christa hi Pumi eii tia inmalarsik eii, Apa Pathian lurnasik-ah.

Philippia 2:13

Ajarchu nangnikha ama lungdou ah chuon naminthonasik khat-um naminjuinasik ah Pathian in apharakip ah nangni chungnga chuon athoa aom.

Colossia 1:20

halli ama diangnga inphut nuoipilla khat-um marwaanna kaom phur rakip ngaikha cross-ah kasar ama thisen khan inngeina khat-um kadai kha aheichoi. Eph 2:16

2 Thessalonia 2:16

Eini kanaminriang halli ama riangwai khan masokna khat-um ngamna kacheet kanapeii eini Pumi Jisu Christa khat-um nipa Pathian in

Chongmalar 5:13

Khawa phakhan marwaanna kaom, nuoipil chungnga kaom, nuoipil suungnga kaom, tuipuiya kaom khat-um manmasituolla kaom khouring rakip in laa insak kha kaleijet: “Reng in-ongna munna in-ong amadiang khat-um Keelngamteii diang, minpaakna, khoya, lurna khat-um raatna kha kumsoot erase!””