Jude 1:4 - Bible Inzootna Kathar

⁴ Ajarchu Pathian kajetmak miring lekkhat in jetlei theileiya eini karra inheiluutjei, inmani'n eini Pathian riangwai chongpui kha aleiitiang inchoiya akadikmak chuontho nasik-ah lam inminchang jei, halli inkhatbit ka-eii eini Karu khat-um Pumi Jisu Christa kha inmani'n zootmu. Inmani'n mangna inmunasik eii tikha Pathianchong khan apha matiang aleirilsuokjei.

Jude 1:4 ပူးပေါင်းရင်းမြစ်များ

Matthew 13:25

Halli zaankhat, mi rakip inzaal pha, ama inhalpuipa kha aheiwa ah halli gehu karkhan leiharru aworra aleisijei.

John 17:3

Inkhatbit ka eii akadik Pathian kha akajet, khat-um nang ijuotirpa Jisu Christa akajet kha eii hektik kaboi ringna.

Chuontho 11:23

Ama'n atung pha, Pathian rawaan ipe ngaikha amuwa, aleirokpui, halli inmani rakip malung inthiangnga Pumi diang inchatleiya omnasik aleimasok.

Chuontho 15:24

Keini'n chongpeii kinpemak mi lekkhat in keini diangnga inphut insili, inmani chongril khan nangni kha chongnga insuina khat-um ningmalung poongna innaminneijei.

Galatia 2:4

Eini rup-ah hongkaluut kangamna omchan inleem mi lekkhat in wun tansik hi inleimanuom. Inmani ngai'n, eini Christa Jisu le ni-inchunna ninglenuom nineina jarhi ka-ensui sik-ah ruongngai hongkaluut ngaikha in-eii. Inmani'n einihi suok innamin ezoot.

Galatia 5:13

Nangnisik achu, ulenai ngai, nangni chu ningle-nuomma kaomsik ah inakoi ning-eii. Takkha hiwa nangni ninglenuom hin ningtaksa manuom matorna kha min-e maru, khawa rathuulla inkhat li inkhat minriangna tiangkhan sepa inthoru.

Ephesia 4:14

Halli maleisei katho akadikmak chongkha kadik angnga chongriam kaminchu ngai chongril kha'n iwuongpui khat-um choinarei ichoi akadoong naipang kha enominjei.

1 Timothy 5:8

Takkha atu ka-ang in inmani in-u innai khat-um akathadoomma inmani insuungkhur mi ngaikha inensui theimak inchu, inmani'n inngam nakha inzootmak eii halli inmani ngaikha ka-ngamna makngai neek ah kathamak in eii.

2 Timothy 2:12

Eini'n nideichei inchu, amale eini um wai niroon suomsik eii. Eini'n ama nizootmak inchu, ama innum eini nazoot nuni. Matt 10:33; Luk 12:9

2 Timothy 3:6

Inmani lekkhat in mi ngai inna inluut-ah manuomna rakip in ruoinarei iruoijei halli inleitho manu ngai'n minpoongnga kaom akasuol numeisa ngai insurra inlei-ompui,

1 Peter 2:16

Ninglungdouwa karing mi eru, khat-um nangni lungdou kha kathamak makhu nasik ah inliingna maru. Takkha Pathian suok ang inlang ringru.

1 Peter 2:8

Khat-um aleiilaak inthiang chong in ati, “Hiwa lunghi miringngai kaminsuisik eii, halli inmani ngaikha minba nasik lung um a-eii.”” Inmani'n insuina ajarchu inmani'n inthiang chong kha leingamnamu, hiwahi inmani sik ah Pathian lungdou eii. Isa 8:14-15

1 Peter 4:18

Chong inthiang in iti angnga, “Akatha mi ngai sanringnasik-ah intak; kha e-inle Pathian kajetmak manu karoon ngai diangleii ang suoksikme?””Chongil 11:31

2 Peter 2:10

aru ka-ekhet ah inmani taksa manuom kachok khat-um Pathian thomatorna kha kazootmak ngai, Hiwa akatuunmak ocha ngai'n chimu khat-um inkuor angar, halli chungtiangnga lurna kanei ngaikha kayana neimu; khawa rathuulla, inmani'n inmani kha kase-ah inleiril.

2 Peter 2:7

Ama'n dan kaneimak omchan kathamak katho mi ngai'n inleiminpoong mi katha, Lot kha aleisan. Inphut 19:1-16

2 Peter 3:7

Takkha tuunna kaom marwaan le nuoipilchung hichu meiya minmang sik-ah in-angrip Pathian chongpe khan ahooiya ida eii. Inmani ngaikha pathian kajetmak mi ngai chongtan nikhuosik khat-um minmang sik-ah ida ngaikha in-eii.

1 John 2:22

Tume maleisei karil kha? Jisu hi Messiah emak kati ama kha eii. Khawa mi kha ejei Christa inhalpui, khawa mi khan Pa Pathian khat-um Asapa kha zootmak.

Jude 1:15

mi rakip chungnga chong tansik, halli inmani ngaikha jakna kaom inchuontho khat-um Pathian chungnga karilse manu karoon inmani ngaikha aminmangsik eii!””

Jude 1:18

Inmani'n nangni diang inleiti, “Ahekna nikhuo ngai aheiwani, nangni kana-innuipuisik, inmani taksa imanuom kajui mipui katamtak inhongsuoksik eii.”” 2 Pet 3:3

Chongmalar 15:4

Tume nang kanachimak, Pumi? tume nang lurna kaminpaak maksik? Nangbit na-eii inthiang. Zaat rakip in heiwa inta halli nang chubei innathosik eii, ajarchu nang akadik chuonkha mi rakip ngai'n inmujei.”” Jer 10:10; Minpkla 86:9