John 8:12 - Bible Inzootna Kathar

¹² Jisu'n Pharisee ngaidiang inlet-ah aleirilrit-ah aleiti, “Kei manmasituol war kha ka-eii; kei kanajui miring khan akaziing khan sikhai nunijei, takkha ringna war kha amusik eii.”” Matt 5:14; Jn 9:5

John 8:12 ပူးပေါင်းရင်းမြစ်များ

Matthew 5:14

“Nangnichu nuoipilchung pumpui war kha ning eii. Chingnga insak khuopui kha thup thamak.”” Jn 8:12; 9:5

Luke 2:32

Hiwa war in zaatlop ngaidiang nalungdou minmunasik, halli nang lurlian nakha nang nami Israel ngaidiang minmusik eii.””Isa 42:6; 49:6

John 12:35

Jisu'n aleimasang, “Apha lekkhat War kha nangnile omte. War kha omlai nangni'n chuon thoru, akaziing khan nangni anamator maklai; akaziingnga kaom miring khan hunme isi tikha jetmak.

John 12:36

War kha nangnidiang omlai, khat-um War sangai ning-eii nasik, War kha ngamnaru.”” Jisu'n hiwa atisuo thengnga, Ama'n asuok-ah inmani diangnga inphut alei-inthup.

John 12:46

Kei kana-ngamna miring rakip in akaziing khan inom-maknasik kei'n manmasituolla War ka-inchangnga kajuojei.

John 14:6

Jisu'n amadiang aleimasang, “Kei lam kha ka-eii, akadik kha ka-eii, khat-um ringna kha ka-eii; kei diangnga inphut elekleiya tuteii miring innum Kapa diang tungnunu.

John 3:19

Chongtan kha hiwahi ejei, khachu War kha manmasituolla ajuojei, takkha mi ngai inchu akaziing kha war neek-ah inleimanuom, ajarchu inmani chuontho ngaikha leidikmak.

John 7:17

Tu ka-ang mi'n Pathian lungdou thosik-ah akadang inchu, ama'n kei minchunahi Pathian makheiya kajuobe emakli kei katheinuo ta kirilbe tikha ajetsik eii.

John 9:5

Kei'n manmasituolla kaomlaiseng, kei manmasituol war kha ka eii.”” Matt 5:14; Jn 8:12

Chuontho 13:47

Ajarchu hiwahi Pumi khan keini diangnga inape chongpeii kha eii: “‘Khawa jarra nuoipil pumpui'n ringna munasik-ah, kei'n nangkha zaatlop ngai war ka-esik kanabooljei.’’ ”” Isa 42:6; 49:6

Chuontho 26:23

tichu Jihudi ngaile Zaatlop ngaidiang sanminringna war chong karilsuoksik Christa khan poongraal adeiya kathiya inphut mansakhet-ah akaring inkhatsik eii iti kha, eleiya kei'n iteii khat-um leirilmong.

2 Peter 2:17

Hiwa mi ngaihi kahuul tuiring ngai khat-um thipui seemjuon suumphai ngai ka-ang in-eii; inmani sik-ah Pathian in inthuukkhet kaziingmun kha adapijei.

2 Peter 2:4

Ajarchu marwaan tirton manu katho ngaikha Pathian in hooimak, takkha Chongtan nasik Nikhuo min-ngaak ah inmani ngaikha thirruiya inkhit ah aziingna meikhur khan deengluut-ah inmani kha adajei.

1 John 1:6

Eini'n amale kin-inchun nitili kaziingnga niomtit inchu, eini'n maleisei niril halli akadik kha thomakmi.

Jude 1:13

Inmani jakna kaom chuon ngaikha tuipui phuksaan tuiphuon ka-ang in-eii. Inthonnarei inthon arsi ngai ka-ang kha in-eii. khawa jarra Pathian in inmani sik-ah hektik kaboi inthuukkhet aziingna munkha ahooiya dapijei.

Jude 1:6

Marwaan tirton ngai'n inmani diang ipeii ranak ngaikha inrakaanna halli inmani omna mun kamathaan ngaikha Pathian in khawa chongtan kalok Nikhuoni sikbit-ah kumsoot sik-ah thirruiya khuop-ah halli aziingna munna khumma ida ejei tikha ngaidonru.

Chongmalar 21:24

Manmasituol mi ngai'n hiwa ra-aang nuoiya insisik eii, halli nuoipilchung reng ngai'n inmani neilenung ngaikha hiwahin inheichoisik eii. Isa 60:3