John 14:2 - Bible Inzootna Kathar

² Kei Kapa inna omna mun katamtak aom; aleiom makngai suok-inchu, kei'n nangnidiang nangni omnasik mun kabool kisi eii timak ningngabe?

John 14:2 ပူးပေါင်းရင်းမြစ်များ

Luke 14:22

Suokpa khan aheiti, “‘Karu, nang nachongpeii dungjuiya kathosikjei, halli tuunnum mun angjet alaruok.’’

John 13:33

Minriang kaom naipang ngai, apha bongkhat kei nangnile kaom suomsik eii. Nangni'n kei ningna-entoksik eii, Jihudi ngaidiang kileiril chongkha tuun nangnidiang kiril kha eii, “‘Kei kasinasik khan nangni hongthei nutun.’’ Jn 7:34

John 13:36

Simon Peter in amadiang aleiti, “Pumi, hunme nasisik?”” Jisu'n aleimasang, “Kei kasinasik khan nang in tuun najuithei nutin, takkha nuk-ah nang in nanahongjuisik eii.””

John 14:28

Kei'n nangnidiang kiti kha nangni'n ningjet, “‘Kei'n kasisik eii, halli kei'n nangnidiang kajuoritsik eii.’’ Nangni'n kei ningnaminriang inchu, nangni'n ningroksik eii, ajarchu kei Kapa diang kisi eii; ajarchu Kapa kha keineek-ah alok.

John 16:4

Inmani pha ahongtung nikhan, kei'n inmani ngai jarra kileiril eii tia ningngaidon nasik hiwa ngaihi kei'n nangnidiang kileiril kha ejei.”” “Kei'n nangnidiang inphutna-ah hiwa ngaihi rilmong, ajarchu kei nangnile kaleiom.

John 17:24

“Pa Pathian! nang in keidiang ninapeii ngaikha, kei omnakhan inmani-um keile kin-om suomzoot, ajarchu nang in keidiang ninapeii kei lurna lianna kha inmani innum murasu, ajarchu manmasituol injir ma-ah nang in kei kha nanaminriang.

Chuontho 9:16

Ajarchu ama'n keisibit ah angtuk kapoong adeisikme tikha kei'n amadiang minmukate.””

2 Corinthia 5:1

Ajarchu hiwa neipilchungnga kin-omna riakbuk kintaksa hi achetjei inchu, apha rakip ah omnasik inn inkhat marwaan chungnga Pathian in keinisik naboolpiya om tikha keini'n kinjet.

1 Thessalonia 5:9

Pathian in eini hi ama raangna kha kamusik-ah inakadang emak, takkha eini Nipumi Jisu Christa jarra sanminringna kamusik ah inakadang ejei,

Titus 1:2

Khawa khachu hektik kaboi ngamna ringkhuo jarra eii. Maleisei karilmak Pathian khan hiwa ringkhuo hi kanapesik eii tia manmasituol abool ma-ah chong inkhitna aneijei,

Hebrew 11:10

Ajarchu Pathian ibool khat-um isak kumsoot kangirsik khopui kha Abraham in ngaak-ah aleiom.

Hebrew 13:14

Ajarchu eini sik-ah hiwa nuoipilchung hin kumsoot khuopui kha neimakmi; khawajarra eini'n akajuosik khuopui kha ni-enchak eii.

Hebrew 6:20

Jisu'n eini rathuulla khawa inthiangkhet mun kha eini matiang aleiluutjei, halli thiampu Melchizedek mason dungjuiya thiampu kaliankhet kha kumsoot sik-ah ahong ejei. Minpkla 110:4

Hebrew 9:8

Maichaam inntuol kadep kha alangir laisengchu Inthiang khet Mun kha la-inlongmak, hiwa rakip chuonminsuuk ah inphut hin Ratha Inthiang khan inthiangnga naminchu eii.

Chongmalar 1:5

khat-um ngamna kaom sakhi ka-eii, akathi karra akaring masa, manmasituol reng rakip chungnga wai roonna kaom Jisu Christa diangnga inphut riangwai li kadai kha nangni chungnga omrase. Ama'n eini anaminriang, halli ama thisen khan manu ah inphut eini kha anakatan, Isa 55:4; Minpkla 89:27

Chongmalar 21:2

Halli Inthiang Khuopui akathar Jerusalem kha moinu khan moipa inmupui sik-ah moiruoi puondiar katha ah inlukli Pathian diangnga inphut marwaan makheiya ijuo angnga ijuochum kha kei'n kaleimu. Isa 52:1; Chonglar 3:12; Isa 61:10

Chongmalar 3:12

Raal kamator inmani ngaikha kei'n ka Pathian Biak-inn khan kachou ngaikha kamin-esik eii, halli inmani'n khawa Biak-inn kha mathaan nunujei. Kei'n inmani chungnga kei Pathian raming kha kamajia sik eii halli kei Pathian khuopui, marwaan makheiya kei Pathian diangnga inphut kajuosik akathar Jerusalem raming kha-um inmani chungnga kamajiasik eii. Inmani chungnga kei raming kathar kha-um kei'n kamajiasik eii.”” Chonglar 21:2; Isa 62:2; 65:15

Chongmalar 3:21

Raal kamator inmani diang kei'n raal kamatorra tuun kei Kapa reng in-ongna koolla kei'n kin-ong angnga inmani um kei reng-in-ongna munkhan kakoolla in-ongnasik kazootpisik eii.