John 1:29 - Bible Inzootna Kathar

²⁹ Khawa ziingkhuo warra Jisu'n amadiang iheiwa kha John in aleimuwa, aleiti, “Enru, Pathian Keelngamteii, manmasituol pumpui manu karoonsuopa!

John 1:29 ပူးပေါင်းရင်းမြစ်များ

Matthew 1:21

Ama'n sapa inkhat aneisik eii, halli nang in araming Jisu tia naphuo sik eii, ajarchu ama'n ami ngaikha inmanu ah inphut akatansik eii.”” Luk 1:31

Matthew 20:28

hile in-angrip ah Miring Sapa kha sepa inthosik ah akajuo kha emak, takkha sepa kathosik halli mi rakip ngai kasanring sik ah aringkhuo kape ijuo eii.””

John 1:35

Khawa nikhuo thengnga inlet-ah John in asiamruoi innile a-ngirra aleiom,

John 1:36

Ama'n Jisu ihongkha aleimuwa aleiti, “Enru, Pathian Keelngamteii!””

John 1:43

Khawa nikhuo thengnga Jisu'n Galilee ah sisik alei-ngaidon. Ama'n Philip intongpuiya aleiti, “Kanuk najuiro.””

John 2:1

Nithum huuini Galilee suungnga kaom Cana ah moiruoi aleiom, halli Jisu nu kha-um khawa khan alei-inchel;

John 3:16

Ajarchu Pathian in manmasituol kha hituk aminriang khachu Asapa inkhatbit kha ama'n anapeii, amadiang kangamnatak miring khan thina mununi takkha kumsoot ringna kha amusik eii.

John 4:42

Halli inmani'n numeisanu diang inleiti, “Tuunchu keini'n kinngamnajei, nang in nati jarra emak, takkha keini kinpum tak-in amadiang kinrangaijei, khat-um keini'n kinjetjei khachu amahi inthiangnga manmasituol kakatanpa kha a-eii.””

John 6:51

Kei marwaan makheiya kajuo akaring waipool kha ka eii, hiwa waipool kabaktak miring kha, kumsoot aringsik eii; halli Kei'n manmasituol ringna sik-ah kapesik waipool khachu kei kataksa kha eii.””

Chuontho 13:39

Khawa jarra kangamna ka-u kanai ngai, hiwahi nangni'n najetpiru, hiwa mipa diangnga inphut manu ngaidamna hi nangnidiang kinril eii.

Chuontho 8:32

Ama ileiteel chong-inthiang munkha hi eii: “Keelngam inkhat thatsik inkei angnga amakha inkei, Keelngamteii in amul ka-ep ngai maikuungnga inraammak angnga. Ama chong inkhat-um leirilmak. Isa 53:7,8

1 Corinthia 15:3

Kei innum kimujei, akalok khetkha nangnidiang-um kinapeii kha ejei, khachu Pathian chong dungjuiya Christa kha eini manu sik-ah anathipi, Isa 53:5-12

2 Corinthia 5:21

Christa kha manu neimak eii, takkha eini ama le ni-inchunna suungnga Pathian dikna kha nichang suomnasik, Pathian in eini manu kha ama tum namin epijei.

Galatia 1:4

Tuunlai kathamak khang hinna inphut eini ningle-nuomma masuo nasik, eini Pathian khat-um pa Pathian ngaidonna dungjuiya Christa khan eini manu ngaisik jarra apumtak inpesuokjei.

Galatia 3:13

Takkha eini sik-ah khomaak saamna na-epiya, khawa Dan khomaak saamna-ah inphut Christa in eini anamasuojei; ajarchu Chong Inthiang in, “Tu enum cross chungnga inmakhai kha Pathian khomaak saamna kamu kha eii,”” ati. Innidan 21:23

1 Timothy 2:6

ama'n miringngai rakip nakatanasik apum takkha inpesuok, khawakha'n mirakip kha Pathian in aphakacha ah sanzootna sakhi eii.

Titus 2:14

Akathamak rakip makheiya eini nakatan nasik halli ama mi khabit ka-eii khat-um akatha kathosik-ah kangaaklan inthiang mi ngai namin enasik-ah ama'n apum takkha eini sik-ah nanphalpi. Minpkla 130:8; Ezek 37:23; Innidan 14:2

Hebrew 1:3

Ama'n Pathian poina ra-ang kha ejei, halli Pathian tak omchan rathuul kha ama ejei, ama ranak neina chong khan manmasituol pumpui mahuumma aleida. Miring rakip manu ngai ngaidamna apesuoli, Ranak Kaneikhet Pathian changtiang marwaan khan ama in-ongjei.

Hebrew 2:17

Hiwa tinachu mi ngai manu ngaikha rangaimidam nasik, ama'n Pathian sepa thona-ah Thiampu kaliankhet minriang kasip le ngamna kaom enasik, alam rakip ah ama mi ngaile in-angnasik eii.

Hebrew 9:28

Khawale in-ang rip-ah, Christa kha-um mi katamtak manu ngai kakhai sik-ah woikhat bit-ah na-inphalpi ejei. ama woini huuina alajuo inlarsik eii, khachu Manu chungnga chuonkathosik emakjei, takkha ama kangaakchak ah kaom ngai kasanring sik-ah ejei. Isa 53:12

1 Peter 1:19

Khawa khachu noonkuung kaommak khat-um kapop kaommak keelngamteii angnga aman katam Christa inpesuokna kha eii,

1 Peter 2:24

Khale inruoiya Christa Jisu apumtak in eini manu rakip cross ah anaroonpi, khawajarra eini'n manu khan thimator nite halli akadiksik um ringmator nite. Ama napoppi nakhan eini nidamjei. Isa 53:5

1 Peter 3:18

Khawale inruoiya Christa'n manu sik-ah woikhatbit nathipijei, Nangnikha Pathian diang nakeiruoi nasik-ah katha mi khan manu karoon ngai rathuulla nathipi halli ama kha taksa ah inleithat han ratha ah aminringjei.

1 John 2:2

Christa hi eii eini manu ngaidamna sik-ah nanphalpi kha, eini sikbit emak takkha manmasituol pumpui manu sik ah eii.

1 John 3:5

Christa juo-inlar hi manu kaminmang sik eii tihi nangni'n ningjet, halli amadiang manu iteii ommak. Jn 1:29

1 John 4:10

Hiwa hi-eii minriang: eini'n Pathian kha niminriang emak takkha ama'n eini inaminriang eii halli ama'n Asapa kha apesuok ah eini manu ngaidamnasik ah ajuotir.

Chongmalar 1:5

khat-um ngamna kaom sakhi ka-eii, akathi karra akaring masa, manmasituol reng rakip chungnga wai roonna kaom Jisu Christa diangnga inphut riangwai li kadai kha nangni chungnga omrase. Ama'n eini anaminriang, halli ama thisen khan manu ah inphut eini kha anakatan, Isa 55:4; Minpkla 89:27

Chongmalar 12:11

Inmani'n ama chungnga raal inmator kha Keelngamteii thisen jarra khat-um akadik chongpui inril khan eii; halli inmani'n inringkhuo kapeii khat-um kathi sik-ah leichimu.

Chongmalar 13:8

Manmasituol inbool makheiya inthatjei Keelngamteii ringna larik-ah araming injiamak mi ngai elekleiya, nuoipil chungnga kaom mi rakip in ramsa kha chubei inthosik eii. Minpkla 69:28

Chongmalar 14:1

Hiwa thengnga kei'n kalei-en, khawa phakhan Keelngamteii khan Zion chingbungnga ngirra aleiom; ama le inruoiya kangir mi ngaikha ama raming khat-um Apa raming kha inmachalla injia, miring ngai teelramol khachu lakhkhat le lising soommili leimili (144,000) in-eii. Ezek 9:4; Chonglar 7:3

Chongmalar 14:10

Pathian in araangna rabing suungnga abunna idajei Pathian theibomju kha in-insik eii! Meikakaang sulfur khan inmani ngaikha inthiang marwaan tirton ngai khat-um Keelngamteii maikuungnga poongna inmusik eii. Isa 51:17; Inphut 19:24; Ezek 38:22

Chongmalar 14:4

Hiwa mi ngaihi numeisa le pum la-inchunmak inthiangnga kaom ngaikha in-eii; inmani ngaihi pum inthiang pasal ngaikha in-eii. Inmani ngai'n Keelngamteii sinarei injui. Manmasi rakip karra ikatan ngaikha in-eii halli Pathian khat-um Keelngamteii diang inpe masa ngaikha in-eii.

Chongmalar 15:3

halli inmani ngai'n Pathian suok ka-eii Moses laa khat-um Keelngamteii laa kha inleisak: “Karaatkhet Pumi Pathian, Nang chuontho ngaihi angtuk ah kalok khat-um enzoot kaomme! Zaat rakipngai Reng, Nang lam ngaihi angtuk katuun khat-um kadik me! Suok 15:1

Chongmalar 17:14

Inmani ngai'n Keelngamteii chungnga raal inthosik eii; takkha Keelngamteii khan ikadang ngai, huoikajou khat-um ama nuk kajui ngaile inruoiya inmani chungnga raal kha inmatorsik eii, ajarchu ama hi Pumi rakip Pumi khat-um reng rakip Reng kha eii.””

Chongmalar 19:7

Eini'n rokrui khat-um hoirui; ama raatnahi eini'n minpaakrui! Ajarchu Keelngamteii moiruoi nasik apha kha aheitungjei, halli moinu ka-esik ama khannum apumtak insuuk suojei.

Chongmalar 19:9

Khawa phakhan marwaan tirton inkhat in keidiang analeiti, “Hiwahi majiaro: Keelngamteii moiruoi na-ah bu kabaksik inkoi mi ngaikha rawaan katha in-eii.”” Halli marwaan tirton khan atirit, “Hiwa ngaihi akadik Pathian chong ngaikha eii.”” Matt 22:2,3

Chongmalar 21:14

Khuopui karakul bang kha lungpui soomleini chungnga ngir, bangkaroon lungpui ngaikhan Keelngamteii tirton ka-eii soomleini ngai raming kha injia.

Chongmalar 21:27

Takkha inthiangmak inti ngaisengchu khuopui kha luuttheinunu, jakna kaom chuonkatho emakli maleisei karil tuteii innum khuopui kha luuttheinunu. Ringna Keelngamteii larik-ah inraming injia ngaibit in khuopui kha inluutsik eii. Isa 52:1; Ezek 44:9

Chongmalar 21:9

Marwaan tirton sari ngai karra ahekna rirai kasipchei kheengkam kachoi marwaan tirton khan keidiang heiwa ah analeiti, “Heiwaro, halli kei'n nangdiang keelngamteii numei ka-esik moinu kha naminmu kate.””

Chongmalar 5:6

Khawa tisuoli kei'n akaring khouring mili khat-um upa ngai'n inkahiil reng in-ongna mun laicheiya Keelngamteii ngirra kaom inkhat kaleimu. Keelngamteii kha inleithat angnga kaleimu. Keelngamteii kha araki sari khat-um amit sari indou, khawa ngaikha manmasituol pumpuiya injuotir Pathian ratha sari ngaikha in-eii. Isa 53:7; Zech 4:10

Chongmalar 5:8

Ama'n chejuol larik kha ajuoleisuo phakhan, Akaring khouring mili khat-um upa soomni leimili ngai'n Keelngamteii maikuungnga injuo-inbok. Inmani rakip ngai'n saraangdar inchoiwiak halli berou kasipchei soonna kheengkam inchoiwiak, hiwahi Pathian mi ngai'n Pathian diang inni ngaikha eii. Minpkla 141:2

Chongmalar 6:1

Keelngamteii in madanna sari ngai karra mansakhet madanna makoiya imalong kha kei'n kaleimu, halli akaring khuoring mili ngai karra akaring khouring inkhat in ruo inri rasa angnga inringnga “Heiwaro”” ijuoti kha kei'n kaleijet,

Chongmalar 6:16

Inmani'n ching ngaidiang li lungpui ngaidiang inkheek-ah inleiti, “Keini chungnga juota inlang halli reng in-ongna munna in-ongpa mit-en khat-um Keelngamteii raangna makheiya inphut nathupro! Hos 10:8; Luk 23:30

Chongmalar 7:14

“Kei jetmong, ocha, nang'n najet,”” katia kei'n kaleimasang. Ama'n keidiang aleiti, “Inmani ngaihi poongna kangarkhet makheiya kahongsuok mi ngaikha in-eii. Inmani'n inpuondiar inchuol kha Keelngamteii thisen khan insop minthiangnga inminbangjei. Dan 12:1; Matt 24:21; Mk 13:19

Chongmalar 7:17

ajarchu reng in-ongna mun laicheiya kaom Keelngamteii khan inmani kakhaalpa kha esik eii, Keelngamteii khan inmani ngaikha ringna kanapeii tuiring khan akeiruoisik eii. Halli Pathian khan inmani mit makheiya kasuok mitrathi rakip kha anuulpisik eii.”” Minpkla 23:1,2; Ezek 34:23; Isa 25:8; 49:10