John 1:14 - Bible Inzootna Kathar

¹⁴ Chongkha miring taksa-ah juo-injir, riangwai khat-um akadik in asip-ah einile aomsuom; Apa diangnga inphut Asa inkhatbit ena ama lurna kha eini'n nimujei.

John 1:14 ပူးပေါင်းရင်းမြစ်များ

Matthew 1:16

halli Jacob in Mary ruothar Joseph anei, Mary hi Christa Jisu nu eii.

Luke 2:11

Awini nikhuohin Kanasanpa Christa Pumi kha David khopuiya inneijei.

Luke 2:7

Mary in sapasal ma-insakhet aleinei, khale inruoiya puonna leikasuunna, sarakuong suungkhan aleiminzaal, ajarchu inmani'n omnasik innkha leiommak.

Luke 9:32

Peter li ama sappui ngai'n inzaalbirra inleiom, takkha inmani'n inhong inthei phakhan Jisu apoinale miring inni amale inngir suomma inleiom kha inleimu.

John 1:1

Inphutna ah Chongkha aleiom; Chongkha Pathian le inleiom, halli Chongkha Pathian alei eii.

John 11:40

Jisu'n Martha diang aleiti, “Na-ngamna inchu Pathian lurna lianna kha namusik eii natimongbe?””

John 14:6

Jisu'n amadiang aleimasang, “Kei lam kha ka-eii, akadik kha ka-eii, khat-um ringna kha ka-eii; kei diangnga inphut elekleiya tuteii miring innum Kapa diang tungnunu.

John 14:9

Jisu'n aleimasang, “Kei'n apha kasoottak nangnile kaom; kha e-innum nangni'n kei nalajet makchube, Philip? Kei kanamu miring khan Apa Pathian kha-um imukha ejei. Angjarra, halle, nang in Pa Pathian nangnidiang naminmuro nitime?

John 17:22

Eini inkhatbit ni-eii angnga inmani-um inkhatbit in-enasik-ah keidiang ninapeii lurna lianna kha kei'n inmanidiang kapejei.

John 17:24

“Pa Pathian! nang in keidiang ninapeii ngaikha, kei omnakhan inmani-um keile kin-om suomzoot, ajarchu nang in keidiang ninapeii kei lurna lianna kha inmani innum murasu, ajarchu manmasituol injir ma-ah nang in kei kha nanaminriang.

John 18:37

Pilate in amadiang aleiti, “Enchu nang reng na-ebe?”” Jisu'n aleimasang, “Nang in nati khachu kei reng ka eii. Hiwa sik-ah kei innajuonei, halli hiwa akadik hi akarilsik jarra kei manmasituolla kajuo. Akadik miseng in kei kachong injui.””

John 2:11

Jisu'n mansakhet chuon inlak kha Cana Galilee ah athoa ama lurna kha amalar, halli asiamruoi ngai'n amadiang inlei-ngamnajei.

John 3:16

Ajarchu Pathian in manmasituol kha hituk aminriang khachu Asapa inkhatbit kha ama'n anapeii, amadiang kangamnatak miring khan thina mununi takkha kumsoot ringna kha amusik eii.

John 3:18

Amadiang ngamna kanei mi ngaichu chongtan omnuni; takkha amadiang ngamna keneimak mi ngaichu chong atansuojei, ajarchu Pathian Sapa inkhatbit ramingkha ngamnamu.

John 6:51

Kei marwaan makheiya kajuo akaring waipool kha ka eii, hiwa waipool kabaktak miring kha, kumsoot aringsik eii; halli Kei'n manmasituol ringna sik-ah kapesik waipool khachu kei kataksa kha eii.””

John 8:32

halli nangni'n akadik kha jetningte, halli akadik khan nangni anamasuosik eii.””

Chuontho 13:33

Pathian in hiwahi einidiang pui mintungjei, tuunchu inmani sa ngaisik ah Jisu hi aminringjei. Hi-angnga inni changna minpaakla khan injia jei, “‘Nang kasapa na-eii; awini kei napa ka-ejei.’’ Minpkla 2:7

Rome 8:3

Taksa kha asuol jarra Dan in ithomatormak kha Pathian in athojei. Halli Pathian in manu kha minmang nasik-ah Asapa takkha miring omchanna ajuotir. Asapa kha manu minmang nasik-ah eini manu karoon miring omchanna aleijuo.

Rome 9:5

halli inmani ngaihi araming kasi inpu ngai phungrui makheiya inlei-eii, halli Christa hi manmasi taksa-ah inmani ngai phungrui makheiya eii. Ang rakip-ah wai kanaroon Pathian kha hektik kaboiya minpaak ru! Amen.

1 Corinthia 15:47

Manmasi mansakhet kha dialdook-ah inbool nuoipilchung mi eii; inni huuina miring kha marwaan makheiya eii.

2 Corinthia 12:9

Takkha ama'n anamasang, “Kei kariangwai hi nang sik-ah ahunjei, ajarchu nang nasuolpha, kei karanak hi angar.”” Khawa phakhan Christa nasanna ranak kha kachungnga omnasik, kakheella kei'n kasuolna ngaikhan karok ah ka-in-or pui.

Galatia 4:4

Takkha apha kha huui juotungpha, Pathian in Asapa takkha ajuotirjei. Ama khachu numeisa inkhat inei eii halli Jihudi Dan nuoiya aleiom.

Ephesia 3:8

Pathian ikadang mirakip karra aheknakhet ka-e innum, minkhidan kaboi inchongkhet Christa jarra zaatlop ngaidiang chongkaril sik-ah riangwai hichu keidiang inape kha eii,

Colossia 1:19

Ajarchu Pathian sipna kha Christa diang omsik hi Pathian lungdou alei eii,

Colossia 2:3

Amadiang Pathian lungsing lungwar khat-um singna theina rakip ngaikha inphuumma om.

Colossia 2:9

Ajarchu Pathian sipnakha taksa-ah Christa diang om,

1 Timothy 3:16

Khat-um atuteii in hituk inthuuk eini Pathian sinadan hi zootmak thonunu: Ama'n manmasi taksa ah ajuo inlar, Ratha innum akadik eii tikha amalar, marwaan tirton ngai innum inmu. Ama kha zaat rakipdiang inrilsuok, nuoipilchung mi ngai'n inngamna jei, halli marwaan tiang inruoijei.

Hebrew 1:3

Ama'n Pathian poina ra-ang kha ejei, halli Pathian tak omchan rathuul kha ama ejei, ama ranak neina chong khan manmasituol pumpui mahuumma aleida. Miring rakip manu ngai ngaidamna apesuoli, Ranak Kaneikhet Pathian changtiang marwaan khan ama in-ongjei.

Hebrew 1:5

Ajarchu Pathian in ama marwaan tirton ngai inkhattak diang-um, “Nang Kasapa na-eii; awini kei Napa ka-ejei.”” leitimak. Emakli Pathian in marwaan tirton inkhattak diang, “Kei ama Pa ka-esik eii, halli ama Kasapa esik eii,”” timak. Minpkla 2:7; 2 Sam 7:14; 1 Khang 17:13

Hebrew 10:5

Hiwa jarra, Christa khan manmasituolla ajuo siktiang, ama'n Pathian diang ati: “Nang in kutchoi ngai li dooiphur ngaikha manuom makche, takkha nang in keisik taksa inkhat nanaminsuukpi.

Hebrew 2:11

Ama'n mi ngaikha inmanuwa inphut aminthiang, halli i-minthiang rakip ngaile Pa inkhat bit innei suomjei. Khawajarra Jisu'n inmani kha ama innsuungmi eii tia kakoisik injakmak.

Hebrew 5:5

Khawale in-ang rip-ah, Christa khan apumtak in thiampu kaliankhet inkhat achangna khoya kha inthomak. Khawa rathuulla, Pathian in amadiang ati, “Nang kasapa na-eii; awini kei napa ka-ejei.”” Minpkla 2:7

1 John 4:14

Halli eini'n nimujei khat-um mi ngaidiang niriljei khachu Pa Pathian in Asapa kha manmasituol Kakatan sik-ah ajoutirjei.

1 John 4:9

Pathian in hinthoa ama minriangna kha einidiang anaminmu: Ama'n Asapa inkhatbit kha manmasituolla ajuotir, khachu ama diangnga inphut eini'n ringna nimunasik eii.

2 John 1:7

Maleisei karil angjet manmasituol pumpuiya inleengnga inomjei, Jisu Christa kha miring taksa ah ajuo-inlar tia kazootmak miring rakipkha maleisei karil khat-um Christa Inhalpui mi in-eii.

Chongmalar 19:13

Ama inluk puon inchuol kha thisen in asip. Ama raming kha “Pathian Chong inti.””

Chongmalar 21:3

Reng in-ongna mun makheiya rasa inring inkhat in ijuoti kha kei'n kaleijet: “Pathian inn kha tuun mi ngai karra omjei! Pathian khan mi ngaile omsik ejei, halli mi ngaikha Pathian mi in-esik ejei. Pathian apumtak kha mi ngaile omsik ejei, halli Pathian khan inmani ngai Pathian esik ejei. Ezek 37:27; Levi 26:11,12