James 5:6 - Bible Inzootna Kathar

⁶ Nangni'n kamasialmak akadik mikha noonkuung ningpeya ningthat, halli ama'n nangnidiang zootmak thomak.

James 5:6 ပူးပေါင်းရင်းမြစ်များ

Matthew 21:38

Takkha chuonmi ngaikhan asapa inmu pha, inmani inkhatli inkhat-in inlei inti, Hiwahi leimapupa sapa kha eii, heiwaru, eini'n ama thatrui, halli ama changsik kasuok kha eini'n leirui!

Matthew 27:20

Takkha thiampu kalian ngai khat-um katar ngai inchu Barabbas kha masuoro halli Jisu kha thatro tiru tia mipui ngaikha inleimasok.

Matthew 5:39

Takkha kei'n nangni diang kati, nangni'n akathamak mi kha phaphu luok maru. Tuka-ang inkhat in nangem changtiang kabeen inchu, nangem kaangkhat tiang um doupiro.

Chuontho 22:14

Halli ama'n ati, nipi-nipu ngai Pathian khan nang in ama lungdou jetnasik ah, ama Asuok kadik kha munasik ah, khat-um arasatak kha jetnasik ah anakadangjei.

Chuontho 7:52

Nangni ningpi ningpu ngai'n Pathian chongkachoi ngai karra inleiminpoong mak tu ommame? halli akadik Pumi ama ajuonasik jarra matiangnga kaleimindik ngaikha inmani'n inleithat, halli tuunchu nangni'n Pumi kha ningpesuok ah kathat ngaikha ning ejei.

Chuontho 8:32

Ama ileiteel chong-inthiang munkha hi eii: “Keelngam inkhat thatsik inkei angnga amakha inkei, Keelngamteii in amul ka-ep ngai maikuungnga inraammak angnga. Ama chong inkhat-um leirilmak. Isa 53:7,8

Hebrew 10:38

Kha e-innum kami kadik ngaikhan, inngamna inta halli inringsik eii; takkha inmani karra tu ka-ang inkhat in nuktiang inheikir inchu, Kei inmani chungnga kamalung tainuni.”” Heb 2:3,4

James 2:6

Takkha nangni'n sara ngaikha khoya thomakchujei! Nangni kanaminpoong ngaikha inchongngai emuwabe? Inchongngai emuwabe chongkatan ngaidiang nangni nakeitoot-ah kanaruoi?

James 4:2

Nangni'n phur ningmanuom, takkha nangni'n neimakchu, khawa jarra nangni mikathat sik-ah ning-insuuk; nangni'n phur khat ningmanuomhek, takkha nangni'n neimator makchu, khawa jarra nangni'n ning-insuol khat-um ning-inseii. Nangni'n ningmanuom kha neimakchu ajarchu nangni'n khawa sik-ah Pathian diang nimakchu.

1 Peter 4:18

Chong inthiang in iti angnga, “Akatha mi ngai sanringnasik-ah intak; kha e-inle Pathian kajetmak manu karoon ngai diangleii ang suoksikme?””Chongil 11:31