Hebrew 3:12 - Bible Inzootna Kathar

¹² Ulenai ngai, akaring Pathianna inphut nangni tu inkhat nuktiang kirmak nasik, khatuk malung kathamak khat-um kangamnamak nangni karra ommak nasik insingtheiru.

Hebrew 3:12 ပူးပေါင်းရင်းမြစ်များ

Matthew 16:16

Simon Peter in aleimasang, “Nangchu Messiah, akaring Pathian Sapa kha na-eii.”” Jn 6:68,69

Matthew 24:4

Halli Jisu'n inmani diang aleimasang, “Insingtheiru, tu-inkhat innum nangni innaminweet maknasik.

Mark 13:23

Khawa jarra Inringtheiru! Kei'n apha heitungmaklai angrakip hi kinaleitipi ejei.

Mark 13:33

Ensuichakru, Inringru, ajarchu nangni'n aphakha angtik esikme tihi jetmakchu.

Mark 13:9

“Nangni inringtheiru. Nangni nahongsur inta khat-um katar ngaidiang innalaruoi sik eii. Synagogue-ah nangni innalawuok sik eii; Nangni'n Waikaroon ngai khat-um Rengngai maikuungnga kei jarra sakhi kapesik-ah ninglangir sik eii.

Luke 21:8

Jisu'n inmani diang aleiti, “Tuteii mi'n nangnikha lamleiiya naruoi maknasik inringtheiru, ajarchu mi angjet in kei karamingnga hong inta intisik, kei Christa ka eii, halli aphakha juonaijei intisik eii. Takkha nangni'n inmani nuk juimaru.

Rome 11:21

Halli Pathian in abaaktak ngaikha mathaanmak, nang-um namathaante tia na-ngaidonbe?

1 Corinthia 10:12

Khawa jarra, kacheet-ah kinngirjei kati nangni'n ningpurmak nasik-ah inringru.

Colossia 2:8

Christa dungjuiya ka-emak, miringngai sinadan dungjuiya, manmasituol waikaroon ratha ngai dungjuiya, tuteii innum nangni kha akadongkok manmasi lungsing lungwar khan suok naminchang marasu.

1 Thessalonia 1:9

Nangnidiang kinhonglai ningnaleidon, halli akatuun le akaringchak Pathian sepa thonasik ah, kutbool pathian ngai ningmathaanna jar,

Hebrew 10:31

Akaring Pathian kut chungnga kachulsik hi chikaomtak inkhat kha eii!

Hebrew 10:38

Kha e-innum kami kadik ngaikhan, inngamna inta halli inringsik eii; takkha inmani karra tu ka-ang inkhat in nuktiang inheikir inchu, Kei inmani chungnga kamalung tainuni.”” Heb 2:3,4

Hebrew 12:15

Pathian riangwaiya inphut nuktiang kirmak nasik insingtheiru. tu inkhat innum kakha thingkuung inkhat angnga hongmoongli atur kha insuina angjet kamasuok hong-emaru. Innidan 29:18

Hebrew 12:22

Khawa rathuulla nangnichu, Zion Chingtiang khat-um akaring chak Pathian khuopui, marwaan tirton lising lising omna marwaan Jerusalem tiang, ningheiwajei.

Hebrew 12:25

Khawajarra chongkarilpa ama chong kha rangaimak thomaru, insingtheiru. Nuoipilchungnga Pathian chongpui karilpa karangai zootmak mi ngaikhan lei-inthup matormu. marwaanna inphut chongjuokarilpa makheiya angtho thoa eini ninthupthei sikme! Suok 20:22

Hebrew 3:1

Pathian in ikoi, Christian ulenai ngai! Pathian ijuotir Thiampu Kaliankhet ningamna-ah nirilsuok Jisu kha eini'n ngaidonru.

Hebrew 3:10

Khawajarra kei'n khawa mi ngai chungnga karaangnga kati, “‘Inmani'n apha rakip-ah kayana naneimu halli kei kachongpeii ngaikha juimu.’’

Hebrew 3:19

Inmani'n inngamnamu jarra khawa ramkha leiluut matormu, tihi eini'n nimu.

Hebrew 9:14

Hiwahi akadik ejarra, Christa thisen khan angtuk kheeldoomma akatha min-eme! Hektik kaboi Ratha khan ama atheinuo ah puikatung dooiphur eya Pathian diang ipekha ejei. Eini'n akaringchak Pathian sepa nithotheina sik anemna kaommak sinadan ngai khanna inphut, eini kase katha jetna malung hi ama thisen khan anaminthiang pisik eii.