Colossia 4:12 - Bible Inzootna Kathar

¹² Nangni mi ka-eii khat-um Christa Jisu suok-um ka-eii Epaphras in anaminpaak. Nangni'n Pathian lungdou khan kacheet-ah ningngirnasik, akachang khat-um kacheet-ah ka-ngamna ning enasik inchatlekleiya Pathian diang ananipi. Col 1:7; Philem 23

Colossia 4:12 ပူးပေါင်းရင်းမြစ်များ

Matthew 5:48

Khawa jarra Marwaanna kaom ning Pa in pui itung angnga Nangni um puikatung kha eru. Levi 19:2; Innidan 18:13

Luke 1:1

Minriang kaom Theophilus: Eini karra kaleisuok omchan rakip jarra mi katamtak in inmaneiseng majianasik inleingaidon.

Luke 22:44

Khat-um ama'n poongnakhan asipjarra kheella aleini, halli ama rathan kha neipilla thilom kasar angnga aleisar.

John 12:26

Kei sepa katho miring khan, kei kanuk anajuisik eii, halli kei kaomna khan, kei kasuok kha-um aomsik eii, Kei sepa katho miring kha Kapa in khoya athosik eii.

Rome 15:14

Kei ka-u kanai ngai, kei'n kajet nangni ngairakip katha in nasipjei, halli ningni'n singnatheina rakip kha ningneiwiak ah khatli inkhat diang ning indik matorjei.

Rome 15:30

Ule nai ngai, Pumi Jisu Christa khat-um Ratha minriangna khan kei kasitbeiya Pathian kaniya napoongpui suomru tia kei'n nangnidiang kanani.

1 Corinthia 14:20

Ule naingai, naipang angnga ngaidonkhai maru; kadikmak lamma naipang eru, takkha ka-ngaidon achu upa eru.

1 Corinthia 2:6

Ratha lamtiang kachangjei inmani ngaidiang chu keini'n lungsing lungwar chongnga kinril, takkha akalamangsik hiwa khangnga waikaroon ngai khat-um hiwa khangnga lungsing lungwar dungjuiya emak.

2 Corinthia 13:11

Tuunchu, kasap ngai, chubei kanaheitho! puikatung ning enasik chuontak thoru; kachongril hi rangairu; inkhat li inkhat inruolru, halli malung kahoiya omru. Halli Pathian minriangna le malung kadai khan naompui rase.

Galatia 1:10

Hiwahi kei'n miring zootna kiratokbe? kha emak! Kei Pathian zootna kha kamanuom! Kei mipui ngai najet nasik karatokbe? Kei'n tuun katung mipui ngai zootnasik kalaratok inchu, kei Christa suok inkhat kalei emaksik eii.

Galatia 4:19

Minriang kaom kasa ngai! Christa omchan kha ningsuungnga ommaklaiseng, naikanei nu inkhat in naiha kahong idei angnga kei innum nangni sik-ah woikhat inlet-ah kadeiya kiom eii.

Colossia 1:22

Takkha tuunchu ama'n taksa ah ithi khan inzootna aheichoijei, khawa khachu nangni kha inthiang, kachok omlekleiya khat-um noonkuung pesik omleiya ama omnakhan anamin-ngir nasik eii.

Colossia 1:28

Christa kha keini'n miring rakipdiang kinrilthang, lungsing lungwar rakip-ah miring rakip diang kinminchu khat-um chong kinthak, ajarchu miring rakip Christa maikuungnga puikatung mi eya keini'n kinpenasik eii.

Colossia 1:29

Hiwa chuonhi huui tungnasik, Christa inapeii ratha raatna, kasuungnga chuonkatho kha kaneimanna kapoong karaal kadei.

Colossia 1:7

Minriang kaom keini suok inchangpui, keini rathuulla Christa sik-ah ngamna kaom chuonkatho Epaphras diangnga inphut nangni'n Pathian riangwai kha ning-inchujei, Col 4:12; Philem 23

Colossia 1:9

Hiwa jarra, keini'n nangni jarra kinjetniya inphut, keini'n nangni sik-ah Pathian kani inchatmung. Ratha inapeii lungsing lungwar khat-um jetna theina rakip khan Pathian lungdou kha nangnidiang siprase kintia Pathian diang kinni.

Colossia 4:9

Nangni mi ka-ejei, huoikajou khat-um minriang kaom nisuopui Onesimus le inruoiya ama ajuosik eii. Inmani inni'n hiwa hinna akasuok rakip ngai jarra narilpijei inte. Philem 10-12

1 Thessalonia 5:23

Kadai kanape Pathian ama khan, nangni kha angrakip-ah naminthiang rase, halli eini Nipumi Jisu Christa ajuopha khan. Ningratha, ningringphuuk, khat-um ningtaksa pumpui kha inthiangnga nadarase,

Philemon 1:23

Christa Jisu sik-ah keile mikhumna ah kaomsuom Epaphras in minpaakna chong anahongminchoi Col 1:7; 4:12

Hebrew 5:14

Khattiang nitili, burum kabak hichu akatha li akase inni karra kakhoithen mator upa ngaisik eii.

Hebrew 5:7

Kathiya inphut ama kasanring mator, Pathian diang Jisu'n nuoipilchungnga aringlai, mitrathi sarra inringnga kheek-ah ama'n nina khat-um chana aleinei. Ama malung kadai khat-um Pathian kangamna ejarra, Pathian in ama nina kha aleijetpi. Matt 26:36-46; Mk 14:32-42; Luk 22:39-46

James 1:1

Pathian khat-um Pumi Jisu Christa suok ka-eii James kei'n: Manmasituol pumpuiya inchekchaiya kaom Pathian mi ngai rakip kha khoya thona kanei. Matt 13:55; Mk 6:3; Chuon 15:13; Gal 1:19

James 1:4

huui katungnga kachang khat-um iteii insam kaboi ning enasik, kadei karaat khan kapur omlekleiya naruoirase.

James 5:16

Nangni'n ningdam nasik-ah, ningmanu ngaikha inrilsuokru halli inkhatli inkhat sik-ah Pathian diang innipiru. Akadik miring in Pathian ini khan ranak om khat-um akatha aheichoi.

2 Peter 1:1

Jisu Christa suok le tirton inkhat kachang Simon Peter in, eini Pathian khat-um kanasanpa Jisu Christa dikna khan eini ngamna angnga amankatam ngamna ipe ngaidiang:

Jude 1:24

Naminpur lekleiya kanamin-ngir mator halli kachok omlekleiya khat-um karok le inruoiya ama lurna maikuungnga kanaheiruoi mator—