Colossia 1:18 - Bible Inzootna Kathar

¹⁸ Christa hi koisuok lu kha eii halli koisuok hi ama taksa kha eii, kathi ngai karra karingmasa salutir kha ama eii, ajarchu angrakip chungnga chungkanung khet kha a-enasik eii. Eph 1:22,23

Colossia 1:18 ပူးပေါင်းရင်းမြစ်များ

Matthew 23:8

Takkha nangnichu Ocha intimaru; ajarchu nangni Ocha chu inkhat bit eii, halli nangni rakipchu unai ning-eii.

Matthew 28:18

Halli Jisu'n aheinaiya inmani diang ati, “Marwaan khat-um nuoipil chungnga kaom ranak rakip kei diang anapejei.

John 1:1

Inphutna ah Chongkha aleiom; Chongkha Pathian le inleiom, halli Chongkha Pathian alei eii.

John 1:16

Ama riangwai sipna jarra eini rakip in rawaan inkhat chungnga rawaan kha nimujei.

John 1:27

Ama hi-eii, kei kanuk-ah kajuo, takkha ama kekok kaliiksik um rahoi emong.””

Chuontho 26:23

tichu Jihudi ngaile Zaatlop ngaidiang sanminringna war chong karilsuoksik Christa khan poongraal adeiya kathiya inphut mansakhet-ah akaring inkhatsik eii iti kha, eleiya kei'n iteii khat-um leirilmong.

Rome 8:29

Khat-um Pathian in ikoisuok mi ngai khachu ama asapa ka-ang enasik-ah ikhoithensuo ejei, khawa jarra ama sapa kha kangamna ngai rakip karra mansakhet esik eii.

1 Corinthia 11:3

Takkha kei'n nangnidiang kanaminjetzoot, khachu pasal rakip lukha Christa eii, numeisa lukha pasal eii, halli Christa lukha Pathian eii.

1 Corinthia 12:27

Tuunchu nangni Christa taksapum kha ning eii, halli nangni rakip, khawa taksapumma kaom saram ngaikha ning eii.

1 Corinthia 15:25

Ama inhalpui mi rakip akeii nuoiya adamaklaiseng Christa in wai aroonsik eii. Minpkla 110:1

Ephesia 1:10

Apha kha huui hongtung nikhan Pathian in amintungsik khachu, marwaan khat-um nuoipilla kaom ang rakip ngaihi Christa nuoiya inomwiaksik eii.

Ephesia 5:23

Ajarchu Christa in koisuok lu i-eii angnga aruothar khan anumei lu eii; halli Christa apumtak in ama taksa, koisuok kakatanpa eii.

Colossia 1:24

Tuunchu nangni sik-ah kipoong kha kei'n karok, Christa in taksa ah koisuok sik-ah poongna ileidei insam ngaikha mintungnasik kei'n taksa ah kipoong hi'n insam ngaikha kamintungjei.

Colossia 2:19

halli inmani ngaikha alu ka-eii Christa khale injommujei. Christa in taksa pumpui kha ru-zaang mindon khat-um minjom, halli taksa kha Pathian imanuom dungjuiya insoon. Eph 4:16

1 John 1:1

Inphutna makheiya eini'n nijetjei, nimit-ah nimujei, eini'n nimujei khat-um nikut-ah nikatookjei ringna Chong jarra eii keini'n nangnidiang kinmajiahi. Jn 1:1

Chongmalar 1:18

Kei akaring chak ka-eii! Kei kaleithi, takkha tuunchu kei kumsoot sik-ah karing kha ka-ejei. Kei'n akathi khat-um kathiram chungnga wai roonna ranak kanei.

Chongmalar 1:5

khat-um ngamna kaom sakhi ka-eii, akathi karra akaring masa, manmasituol reng rakip chungnga wai roonna kaom Jisu Christa diangnga inphut riangwai li kadai kha nangni chungnga omrase. Ama'n eini anaminriang, halli ama thisen khan manu ah inphut eini kha anakatan, Isa 55:4; Minpkla 89:27

Chongmalar 1:8

“Kei Inphutna (Alpha) khat-um Insuona (Omega) kha ka-eii,”” Akaraatkhet Pumi Pathian in ati, “Tuun Pathian ka-eii, matiang um Pathian ka eii, khat-um akajuosik Pathian.”” Chonglar 22:13; Suok 3:14

Chongmalar 11:15

Hiwa thengli sari huuina marwaan tirton khan ama tampalooi kha aleitum, khawa phakhan marwaanna inphut rasapui inkhat in aleiti, “Manmasituol rengram hi eini Pumi khat-um ama Messiah rengram kha ejei, halli ama'n kumsoot aroonsik ejei.”” Suok 15:18; Dan 2:44; 7:14,27

Chongmalar 21:6

Halli ama'n aleiti, “Ahekjei! Kei Alpha khat-um Omega ka-eii, inphutna khat-um insuona ka-eii. Atui karaal ngaidiang kei'n ringna tuiring makheiya kasuok tui kha aman kaboiya kapesik eii. Isa 55:1

Chongmalar 22:13

Kei Alpha khat-um Omega ka-eii, Inphutna khat-um insuona kha ka-eii.”” Chonglar 1:8,17; 2:8; Isa 44:6; 48:12

Chongmalar 3:14

Laodicea koisuok karoon marwaan tirton diang majiaro: “Ngamna li Akadik sakhi ka-eii Pathian kutbool rakip chungnga wai karoon Amen diangnga inphut chongpui kha hi-eii.”” Chongil 8:22