Chuontho 7:2 - Bible Inzootna Kathar

² Stephen in aleimasang “Kapa ngai khat-um ka-u kanai ngai, rangairu! Nipu Abraham in Haranna asimakma, Mesopotamia ah omlai khan akalur Pathian khan amadiang ajuo-inlar,

Chuontho 7:2 ပူးပေါင်းရင်းမြစ်များ

Matthew 6:13

Halli keini matheemna khan naminchulmaro, takkha Kathamak ah inphut keini nasanro. Ajarchu Rengram, ranak khat-um lurna-lianna ngaihi hektik kaboiya nangta erase Amen.””

Luke 2:14

“Marwaan insaangnakhet khan Pathian lurlian nakha omrase, halli ama kaminriang mi rakipdiang manmasituolla kadaikha omrase!””

John 1:14

Chongkha miring taksa-ah juo-injir, riangwai khat-um akadik in asip-ah einile aomsuom; Apa diangnga inphut Asa inkhatbit ena ama lurna kha eini'n nimujei.

John 12:41

Isaiah in hiwahi aleiti ajarchu Jisu lurna kha aleimu khat-um ama jarra aleiril.

Chuontho 22:1

“Ule-nai khat-um pa ngai, kei'n tuun nangni diangnga ka-inngaakna chong kiril narangaipiru.””

Chuontho 23:7

Ama'n hiwa atipha, Pharisee ngaili Sadducee ngai karra insuol inphut ah; mipui rupni insuokjei.

Chuontho 7:1

Halli Thiampu Kaliankhet khan Stephen diang aleirakel, “Hiwahi atuunbe?””

1 Corinthia 2:8

Hiwa khangnga waikaroon tuteii innum hiwahi leijetmu; inmani'n inleijet inchu, inmani'n akalur Pumi kha cross-ah leithatnunu.

Ephesia 1:17

Ajarchu nangni'n ama kha kheella ningjet nasik-ah, Pumi Jisu Christa Pathian ka eii, kalurkhet Pa Pathian in lungsing lungwaar khat-um kamalar mator ratha kha nangnidiang napenasik kei'n inchat lekleiya Pathian diang kani.

Titus 2:13

Inthang Pathian, Nakatanpa Jisu Christa kul ra-aangle kajuosik rawaan katha Nikhuo ka-ngaak ngaikha ni eii.

Hebrew 1:3

Ama'n Pathian poina ra-ang kha ejei, halli Pathian tak omchan rathuul kha ama ejei, ama ranak neina chong khan manmasituol pumpui mahuumma aleida. Miring rakip manu ngai ngaidamna apesuoli, Ranak Kaneikhet Pathian changtiang marwaan khan ama in-ongjei.

Hebrew 11:8

Pathian in Abraham kha akoipha, ama'n angamna jarra achong kha ajui, Pathian in amadiang ape sik-ah chong-inkhitna ramtiang aleisi. Ama'n hunme isi jetleiya ama'n aram kha aleimathaanjei. Inphut 12:1-5

James 2:1

Ulenai ngai, akalur Pumi, eini Pumi Jisu Christa diang kangamna ngai ning-ejei keengnga, nangni'n mimeel mimai enli mi karathial kha emaru.

Chongmalar 4:11

“Keini Pumi li Pathian! Lurna, khoya, khat-um thomatorna ranak ngaihi kachang sik-ah nang rahoi na-eii. Ajarchu ang rakip ngaihi nang kutbool kha eii, halli nang lungdou nuoiya ang rakip ngai'n injir le inruoiya inring.””