Chuontho 1:13 - Bible Inzootna Kathar

¹³ Halli inmani'n khopui inluutpha, Peter le John, James khat-um Andrew, Philip le Thomas, Bartholomew khat-um Matthew, Alphaeus sapa James, Zealot inti Simon halli James sapa Judas inmani leiomna chung inn khan inleikaljei. Matt 10:2-4; Mk 3:16-19; Luk 6:14-16

Chuontho 1:13 ပူးပေါင်းရင်းမြစ်များ

Matthew 9:9

Jisu'n khawa mun amathaanna, khat-um ama'n hin aheiwa pha, ama'n rampar kakhoom araming Matthew inti inkhat, achuon thona munna, in-ongnga kaom aleimu. Ama'n ama diang ati, “Kei najuiro.”” Matthew in intheiya anuk aleijui jei.

Mark 14:15

Halli ama'n chungnga insak inn kaloktak nangni diang naminmute, ang rakip kha khawakhan einisik-ah minsuukru.””

Mark 14:33

Ama'n Peter, James khat-um John aleiruoi, han rathamor kasiin khat-um malung poongna aleinei,

Mark 2:14

Ama'n asina lamma, rampar kakhoom, Alphaeus sapa Levi, ama rampar teelna munna in-ongkha aleimu. Jisu'n amadiang, “Kanuk najuiro,”” aleiti. Halli Levi'n intheiya anuk aleijui.

Mark 5:37

Khanna inphutchu Peter, James halli anai John elekleiya tu inkhat-um anuk kajuisik-ah leizootpimakjei.

Mark 9:2

Niruk thengli, Jisu'n Peter, James khat-um John aruoiya inmani ngaikha muol insaangtiang inleisi, inmanibit inleiom, inmani'n inlei-en phakhan Jisu meelsuo alei-inthuul.

Luke 22:12

Ama'n chung-inn khan inndunglai kaloktak angrakip indoon dimma kaomkha namingmute, khawa khan leiminsuukru.””

John 11:16

Didymus Thomas in asappui siamruoi ngaidiang aleiti, “Amale juothi suomnasik eini rakip um situi.””

John 14:22

Judas (Judas Iscariot ka-emak) in amadiang aleiti, “Pumi, angjarra nang in manmasituol diang inlarlekleiya keinidiang na-inlarsik me?””

John 18:17

Kot kangaaknu khan Peter diang aleiti, “Nang-um hiwa miringpa siamruoi inkhat emakchebe?”” “Emong, kei emong,”” tia Peter in aleimasang.

John 21:2

Simon Peter, inphir intia inkoipa Thomas, Galilee ramsuungnga kaom Cana makheiya Nathanael, Zebedee sangai, khat-um asiamruoi leiilaak innile inleiomsuom.

Chuontho 12:17

Takkha ama'n inmani kha omchian nasik akut zaap ah, Pumi in ama kha angtho-thoa mikhumna ah inphut iheikeisuome itikha inmani diang aleirilpijei. Halli ama'n ati, “Hiwahi James khat-um a-u-anai ngaidiang juorilpiru,”” Khawa suoli ama'n asuok ah munkhattiang asijei.

Chuontho 15:13

Inmani'n inrilsuo pha, James in aleimasang, kasap ngai, kachong nara-ngaipiru:

Chuontho 2:14

Peter in tirton soomleikhatle inruoiya angirra, rasa inringnga mipui diang karil aleiphut: “E, Jihudi mi ngai khat-um Jerusalemma kaom mi rakip, hiwahi nangni'n jetru, kachong hi rangairu halli hiwahi angtiname kei'n nangnidiang narilpi kate.””

Chuontho 2:38

Peter in inmani diang aleiti, “Ningmanu ngaikha ngaidamnasik Jisu Christa ramingnga nangni rakip in ningmalung thuulru halli Baptize thoru. Halli nangni'n Ratha inthiang kutchoi kha ralaang ningte.

Chuontho 20:8

Keini intuupna chungkanung innkha meiser katamma inleiminkai.

Chuontho 4:13

Sanhedrin mi ngaikhan Peter li John thomatorna inmu pha, inmani inchuna khat-um jetna kaneimak micham in-eii ti injet ah, inmani inleingakjei, halli inmani Jisu le in-inruoi jei ti inmani'n injetjei.

Chuontho 4:19

Takkha Peter li John in inmani diang inleimasang, “Pathian chongkajui neek ah Nangni chongkajui hin Pathian mitmu ah hume katuun nangni'n chongtanru.

1 Corinthia 15:7

Khawa thengnga ama'n James diang, halli tirton rakip diang inlarjei.

Galatia 1:19

Takkha Pumi naipa James eleiya kei'n tirton leiilak tuteii inkhat um jomumong.

Galatia 2:9

Kapoidoomma Pathian in keidiang inape chuon hi kajet-ah; kaya kaom lamkakei ngai James, Peter, khat-um John inmani'n inzoot-ah kei li Barnabas kinkut inleima-ou, khawa kha eini rakip chuon kathosuom ni-eii ti jetna kha eii. Halli kin-inzootna het-ah, inmani Jihudi ngai karra, kei li Barnabas in zaatlop ngai karra chuon kinthosik eii

James 1:1

Pathian khat-um Pumi Jisu Christa suok ka-eii James kei'n: Manmasituol pumpuiya inchekchaiya kaom Pathian mi ngai rakip kha khoya thona kanei. Matt 13:55; Mk 6:3; Chuon 15:13; Gal 1:19

2 John 1:1

Upa ka-eii— Kei'n, inthiangnga kiminriang Pathian ikadang numeisanu li ama sangai diang, halli keibit emong takkha akadik kajet mirakip innum nangni kha innaminriang.

Jude 1:1

Jude, Jisu Christa suok, khat-um James naipa ama'n, Pathian in ikoijei inmani ngaidiang, Pa Pathian minriangna nuoiya karing khat-um Jisu Christa sanna nuoiya kaom inmani ngaidiang: Matt 13:55; Mk 6:3